သစ်ကောင်းအိမ် ● ပီတာဇော်ကြီး ရုပ်ရှင်ရိုက်ပြီး ရူးသွားခြင်း …

September 8, 2018

သစ်ကောင်းအိမ် ● ပီတာဇော်ကြီး ရုပ်ရှင်ရိုက်ပြီး ရူးသွားခြင်း …
(မိုးမခ) စက်တင်ဘာ ၈၊ ၂၀၁၈

ကြမ်းပြင်တွေက
မြေအောက်ခန်း ခေါင်းတလားထဲမှာ
သေချင်ယောင်ဆောင်နေတဲ့
ဖုတ်ကောင်တကောင်ကိုဝှက်ပေးထားပြီး
မျက်နှာကြက်တွေက
သင်းအုပ်ဆရာယောင်ဆောင်ထားတဲ့
ရာဇဝတ်ကောင်တကောင်ကို
ထိန်ချန်ထားတယ်…

တိုက်ရာပါပစ္စည်းဝေစုခွဲဖို့
ပင်လယ်ဓားမြတွေဝိုင်းထိုင်နေတဲ့
ဧည့်ခန်းဆောင်စားပွဲပေါ်မှာ
ဖြန့်ခင်းထားတဲ့
နိုင်ငံလေးတခုရဲ့
ခေါက်ရိုးကျိုးတွန့်ကြေနေတဲ့မြေပုံတချပ်..

အဲဒီမြေပုံပေါ်မှာ…
သေအံမူးမူးမြွေတကောင်လို
လှုပ်ယမ်းလူးလွန့်ရင်း
ယိမ်းထိုးလဲပြိုနေတဲ့
ဒေါက်ဖိနပ်တရံပေါ်က
အညွှန့်ကျိုးမီးလျှံတခုရဲ့အရိပ်…

ဇာတ်လမ်းအစဆိုတော့
ဒီလိုပဲ…
ဦးကျောက်လုံးတွေက ရွှေသွားတဖြဲဖြဲ
ရွှေဘကြီးတွေ အသည်းကွဲမယ်

ဇာတ်ရှိန်တက်လာတော့ …
ကိုအောင်ဆန်းဟာ ရုပ်ဖျက်ပြီး
အမွိုင်သင်္ဘောကြီးပေါ်တက်သွားတယ်..
ဇာတ်ရှိန်တက်လာတော့ …
ဂရမ်မာရွက်လှေဟာ
လူ ၁၂ ယောက် သေနတ် ၁၂ လက်နဲ့
ရဲဘော်ချေပုခုံးကိုဖက်ပြီး
ဟာဗားနားမြို့တော်ကြီးဆီ ချီတက်သွားတယ်..

ဇာတ်ရှိန်တက်လာတော့
အမေအသုဘချတဲ့ညက..
ကျနေတဲ့နှင်းမုန်တိုင်းကြီးထဲ
ပြတင်းတခါးမှန်ကိုလာပြီး
ကုတ်ခြစ်လှုပ်ယမ်းနေတဲ့ သစ်ကိုင်းတကိုင်း..
ဇာတ်ရှိန်တက်လာတော့..
နေကြာပန်းခင်းကြီးတွေအလယ်မှာ
နောက်ထပ်မခွဲခွာခငိ
ဘူတာရုံအိုလေးတခုမှာ..
ချစ်သူဆိုဖီယာလော့ရင့်ကို နှုတ်ဆက်ပြီး
ဇာတ်ကောင်ဟာ
စစ်ကြီးက တရွတ်တိုက်ခေါ်ဆောင်ရာကို
လိုက်ပါသွားတယ်.
ဇာတ်ရှိန်တက်လာတော့..
အိပ်မောကျနေတဲ့တောင်ပေါ်ရွာလေးရဲ့အနောက်ဘက်
လရောင်အောက်စမ်းချောင်းလေးနဘေးမှာ
သူမရဲ့ထွက်သက်နွေး နွေးတွေနဲ့
နွေတညဟာ မျောပါလို့…
ပြသနာတွေ့ရင် ပြေးသာပြေး..ဆိုလို့
လေနှင်ရာလွင့်ပါးခဲ့တဲ့ ငှက်မွှေးတမျှင်ဟာ

ပင်လယ်ထဲနောက်ဆုံးစီးဝင်နေတဲ့
မြစ်တစင်းရဲ့ဘေးက
မြစ်ဝကျွန်းပေါ်မြို့လေးဆီ ပြန်လည်လွင့်ပါသွား…
ဇာတ်ရှိန်တက်လာတော့…
လက်နက်သူဌေးကြီး ဒက်ဇာ
သူ့ကိုယ်သူသတ်သေသွားပြီး
ညဥ့်ငှက်မလေးပေါ်လင်းဟာ
သူ့ဘဝဟောင်းကိုပြန်ရောက်သွားတယ်..
ရှောင်ဇေလီဇေးလမ်းမကြီးပေါ်က
ပျောက်သွားတဲ့ငါ့သူငယ်ချင်းလူဆန်းဟာ
မြန်မာပြည်မှာကဗျာဆရာလုပ်နေတယ်..
အလုပ်သမားခေါင်းဆောင်ပီယာဟာ
ဒီဗီပေါက်ပြီး
အမေရိကားမှာ ဆူရှီလိပ်နေတယ်..
ဇာတ်ရှိန်တက်လာတော့..
ဆေးရုံကုတင်ပေါ်က ကိုဗဟိန်းဟာ
ခေါက်ဆွဲထုပ်စက္ကူပေါ်က
မထင်မှတ်ဘဲ. သတင်းတပုဒ်ကိုဖတ်မိသွားတယ်..
ဇာတ်ရှိန်တက်လာတော့..
ဒုတိယကမ္ဘာစစ်ကြီးထက်ပမာဏကြီးမားတဲ့
ဗုံးတန်ချိန်ပေါင်းများစွာကို
ဗီယက်နမ်စစ်ပွဲမှာကြဲချခဲ့တယ်…
ဇာတ်ရှိန်တက်လာတော့..
ညဘက်
အမျိုးသမီးတွေရှိရာ အိမ်တက်တက်စမ်းတဲ့
အရပ်ပြောကောလဟာလထဲက
စမ်းကောင်..နဲ့
အရပ်ပျက်မလေးစမ်းစမ်း
အမှောင်ထဲ မမြင်မစမ်းနဲ့ ပက်ပင်းတိုးမိမှတော့
အခါတော်ရောက်ချိန်နီးလို့လာပေါ့….

ဇာတ်ရှိန်တက်လာတော့..
တိတ်ဆိတ်စွာထိုင်းရင်းဗိုင်းငင်နေတဲ့
ဂန္ဒီကြီးရဲ့ပုံရိပ်ပေါ်မှာတဖျပ်ဖျပ်လွင့်လို့
အလံတိုင်ကနေတဖြေးဖြေးမြင့်တက်လာနေတဲ့
အန္ဒိယပြည်မကြီးကခွဲထွက်သွားတဲ့
ပါကစ္စတန်ရဲ့နိုင်ငံတော်အလံအသစ်စက်စက်…
ဇာတ်ရှိန်တက်လာတော့..
ငါတို့အားလုံးဟာ
စတုရန်းကွက်တခုထဲမှာ
ထိုးသွင်းပိတ်လှောင်ပြီး
နံရံတချပ်အဖြစ်တည်ဆောက်ခံထားရတဲ့
အုတ်ချပ်တွေ …
စစ်သားတယောက်ဟာ
ရွေ့နေတဲ့ခြတောင်ပို့တခု…

ဇာတ်ညွှန်းအတိုင်းသာဆို
ဇာတ်လမ်းအဆုံးမှာ
အနုပညာကြောင့် ဖြစ်တဲ့သွေးထွက်သံယိုမှုမရှိဘူး..
ဘာသာတရားကြောင့်ဖြစ်တဲ့သွေးထွက်သံယိုမှုပဲရှိတယ်….
ဘာသာတရားတွေက လူတွေကို သွေးခွဲပစ်လိုက်ပြီး
အနုပညာက လူတွေကိုပြန်လည်စုစည်းပေးတယ်..လို့
စာတမ်းထိုးမယ်

ဇာတ်ညွှန်းအတိုင်းသာဆို
ဇာတ်သိမ်းခန်းမှာ-
ပါရီရဲ့ညနေခင်းမှာ
မာရီယာက..
နပိုလီယံဆိုတဲ့ခွေးကလေးကို
ကြိုးနဲ့ဆွဲပြီး
(ပြည်သူ့ရင်ပြင်ကို
ပြည်သူနဲ့အတူဖြတ်သန်း..)
တောင်ဘက်မုခ်ဇောင်းတန်းအတိုင်း
ရွှေတိဂုံရင်ပြင်တော်ပေါ်က
တန်ဆောင်မုန်းလပြည့်ညမှာ
ဆီးမီးတထောင်ပူဇော်ဖို့ တက်လို့လာချေပေါ့….

( ၂၈ ဇူလိုင်၊ ၂၀၁၈)

(ခေါင်းစဉ်အား ဆရာဇော်ဇော်အောင်၏ ပီတာဇော်မြင့် လ္ဘက်ရည်ဆိုင်ဖွင့်ပြီး ရူးသွားခြင်းအား မှီငြမ်းပါသည်။)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa English Site

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကဗျာ, သစ်ကောင်းအိမ်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments