ဝင်းနန္ဒာ (Myanmar Now) ● အစ္စလာမ်အမျိုးသမီးများ အလွယ်တကူကွာရှင်းခံရခြင်းအတွက် မေးခွန်းထုတ်

September 10, 2018

● အစ္စလာမ်အမျိုးသမီးများ အလွယ်တကူကွာရှင်းခံရခြင်းအတွက် မေးခွန်းထုတ်
(မိုးမခ) စက်တင်ဘာ ၁၀၊ ၂၀၁၈


အိမ်ထောင်ရေးကိစ္စကိုထုတ်ဖော်ပြောဆိုခဲသည့်အစ္စလာမ်အမျိုးသမီးများအနေဖြင့် မတရားမှုကိုထုတ်ဖော်ပြောဆိုရန်လည်း လင်ယောက်ျား၏ တစ်ဖက်သတ်ကွာရှင်းခြင်းကိုခံခဲ့ရသည့် မအေးမြတ်သူကတိုက်တွန်းလိုက်သည်။

ရန်ကုန်၊ စက်တင်ဘာ ၁၀ — အစ္စလာမ် ဘာသာဝင် အမျိုးသမီးများကို လင်ယောက်ျားများက ဘာသာရေးအကြောင်းပြကာ အလွယ်တကူ ကွာရှင်းနေမှုများကို အဆုံးသတ်ရန်အတွက် အသက်၂၄ နှစ်အရွယ်အမျိုးသမီးတစ်ဦးက တိုက်တွန်းလိုက် သည်။

မှတ်ပုံတင်တွင် ++ လူမျိုး/အစ္စလာမ်ဘာသာဝင်ဟု ဖော်ပြထားသည့် မအေးမြတ်သူသည် ဆန္ဒမပါဘဲ ကွာရှင်းခဲ့ရသဖြင့် တရားမျှတမှုမရှိဟု ထုတ်ဖော် ပြောဆိုလိုက်ပြီး ဘာသာရေးအကြောင်းပြ ကွာရှင်းမှုအတွက် အမျိုးသား ဟောင်းနှင့် အစ္စလာမ် ဘာသာရေးအဖွဲ့ အစည်းများအား ပြစ်တင်ဝေဖန်ခဲ့သည်။

ကရင်ပြည်နယ် ဘားအံမြို့ဇာတိ၎င်းသည် နှစ်ဖက်မိဘဆန္ဒအရ ၂၀၁၇ ခုနှစ် ဖေဖော်ဝါရီလတွင် ထိမ်းမြားခဲ့ပြီးနောက် ယောက်ျားနှင့်အတူ ရန်ကုန်သို့ပါလာခဲ့ပြီး ကလေးတစ်ဦးရပြီးချိန် ယခုနှစ်ဇူလိုင်တွင် ၎င်းဆန္ဒမပါဘဲ အစ္စလာမ်အကြင်လင် မယား ကွာရှင်းသည့်ဥပဒေကို အသုံးပြုကာကွာရှင်းခံခဲ့ရသည် ဟုဆိုသည်။

“ကျွန်မရဲ့ခံစားချက်တွေထက် အစ္စလာမ့်အမျိုးသမီးထုတစ်ရပ်လုံးအတွက် ကျွန်မဒီနေရာကို ရောက်နေခြင်းဖြစ်တယ်။ အမျိုးသားတစ်ယောက်က အမျိုးသမီးတစ်ယောက်ကိုထိခိုက်အောင်စော်ကားမှ အကြမ်းဖက်မှု မြောက်တာ မဟုတ်ဘူး” ဟု ယနေ့ (စက်တင်ဘာ၁၀) တွင် ရန်ကုန်မြို့ရှိ MJN သတင်းထောက်များရုံးခန်းတွင် ပြုလုပ်သည့် သတင်းစာရှင်းလင်းပွဲတွင် ၎င်းကပြောသည်။

ကွာရှင်းခဲ့ရာတွင် ၎င်း၏ခင်ပွန်းမိသားစုမှ နေအိမ်သို့ လာရောက်ကာ သွလာက်သုံးကြိမ် (သုံးသွလာက်)ပေး ကွာရှင်းပြတ်စဲ စေသည်ဟု မအေးမြတ်သူက သတင်းစာရှင်းလင်းပွဲတွင် သတင်းထောက်များအား ပြောသည်။

“သွလာက်” ၏အဓိပ္ပါယ်မှာ “ခင်ပွန်း၏ဆန္ဒအရကွာရှင်းခြင်း” ဟု အလ်ဟာဂ်ျမုဖ်သီ ဦးမြင့်သိန်း (ငြိမ်းချမ်း ရေးလုလင်) ရေး သားသည့် အစ္စလာမ့်တရားတော်အရ ကွာရှင်းပြတ်စဲခြင်း စာတမ်းတွင်ရေးသားထားသည်။

သို့ရာတွင် လင်ယောက်ျားတစ်ဦးသည် မိမိ၏ဇနီးအား တစ်နေရာတည်း၊ တစ်ချိန်တည်း၊ တစ်ကြိမ်တည်း သုံးသွလာက် ပေးမိလျှင် ယင်းသည် စည်းမဲ့ကမ်းမဲ့ဖြစ်ကြောင်း ပြည်ထောင်စုမြန်မာနိုင်ငံတော် အစ္စလာမ်သာသနာရေးရာကောင်စီ ဌာနချုပ်မှ ထုတ်ပြန်ထားသော “အစ္စလာမ့် ဓမ္မသတ် အဆုံးအဖြတ်” စာအုပ် စာမျက်နှာ ၁၂ တွင်ဖော်ပြထားသည်။

ဘာသာရေးနှင့်သက်ဆိုင်သည့် အဆိုပါကွာရှင်းပြတ်စဲမှုကို နိုင်ငံတော်အသိအမှတ်ပြု အိုလမာ သာသနာပညာရှင်များ အဖွဲ့ ချုပ်ကလည်း အသိအမှတ်ပြုခဲ့သည်ဟု မအေးမြတ်သူကပြောသည်။

ထို့အပြင် လက်ထပ်သည့်အချိန်တွင် သတို့သားဘက်က တင်တောင်းကြေးပေးခဲ့သည့် ရွှေ ၁၀ သားကိုလည်း သုံးသွလာက် ပေးသည့်အချိန်မှာ တစ်ပါတည်းပြန်လည်ယူဆောင်သွားခဲ့သည်ဟု ၎င်းကပြောသည်။

အိမ်ထောင်ရေးအကြောင်းထုတ်ဖော်ပြောဆိုမှုရှားပါးလှသည့် အစ္စလာမ် အမျိုးသမီးများအကြားတွင် ယင်းကဲ့သို့ ထုတ်ဖော် ပြောကြားရခြင်းမှာ ဘာသာရေးအသုံးပြုကာ အစ္စလာမ်အမျိုးသမီးထုတစ်ရပ်လုံး အမျိုးသမီးအခွင့်အရေး ထပ်မံမဆုံးရှုံးရ အောင် ဖွင့်ဟခြင်းဖြစ်ကြောင်း မအေးမြတ်သူကပြောသည်။

“ကျွန်မလိုမျိုးပဲခံစားနေရတဲ့ အမျိုးသမီးတွေဘယ်လောက်တောင် များနေပြီလဲ။ ကျွန်မတို့ရဲ့စိတ်တွေကို ဘယ်လောက်သတ် နေလဲ ဒါအကြမ်းဖက်တာပဲ” ဟု သတင်းစာရှင်းလင်းပွဲတွင် ပြောသည်။

၎င်းအပေါ် ယခုကဲ့သို့ ကွာရှင်းမှုသည် တရားမျှတမှုမရှိဟု ယူဆပြီးနောက်ပိုင်းတွင် တရားစွဲရန် ပြင်ဆင်နေကြောင်းလည်း မအေးမြတ်သူက ပြောသည်။
===========

ပုံစာ – မအေးမြတ်သူကို သတင်းစာရှင်းလင်းပွဲတွင်တွေ့ရစဉ် (ဓာတ်ပုံ – ဝင်းနန္ဒာ/Myanmar Now)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: , , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းပဒေသာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)