ဇင်လင်း ● သတင်းစာလွတ်လပ်ခွင့်နှင့် အမျိုးသားညီညွတ်ရေးပြဿနာ

September 10, 2018

ဇင်လင်း ● သတင်းစာလွတ်လပ်ခွင့်နှင့် အမျိုးသားညီညွတ်ရေးပြဿနာ
(မိုးမခ) စက်တင်ဘာ ၁ဝ၊ ၂ဝ၁၈

ယနေ့ မြန်မာနိုင်ငံတွင် ရေပန်းအစားဆုံး စကားလုံးမှာ ‘ဒီမိုကရေစီ’ ဟု ဆိုနိုင်သည်။ အလွန်တရားကျပ် ပိတ်လှောင် မှောင်ကျနေသော အာဏာရှင်ခေတ်မှ အထိုက်အလျောက် လွတ်လပ်သော ခေတ်အခြေအနေသို့ အသွင်ကူးပြောင်းလို၍ ‘ဒီမိုကရေစီအသွင်ကူးပြောင်းရေး’ ဟုလည်း အထပ်အထပ်အဖန်ဖန် ပြောဆိုသုံးနှုန်းခဲ့ကြပြန်သည်။ ပြည်သူအများ၏ ခံစား ချက်အရးကျပ်လှသည့် အဖိနှိပ်ခံဘဝမှ လွတ်မြောက်လိုခြင်းမှာ သဘာဝကျပါသည်။ ထို့ကြောင့်လည်း ဒီမိုကရေစီ၏ အနက်အဓိပ္ပာယ်ကို တစုံလုံး နားမလည်သော်လည်း အခြေခံလွတ်လပ်ခွင့် ရရှိလိုသောကြောင့် ဒီမိုကရေစီလိုချင်သည် ဟု အနှစ်ချုပ် ပြောဆိုသုံးစွဲခဲ့ကြခြင်း ဖြစ်သည်။ နိုင်ငံသားတို့၏ အခြေခံလွတ်လပ်ခွင့်များအနက် အရေးပါသည့်ကိစ္စမှာ လွတ်လပ်စွာပြောဆိုရေးသားဖေါ်ပြခွင့်နှင့် သတင်းစာလွတ်လပ်ခွင့်တို့ဖြစ်သည်။ ထိုအခွင့်အရေးသည် နိုင်ငံသားတိုင်းအား မပေး မဖြစ် ပေးရမည့် အခြေခံ လူ့အခွင့်အရေးလည်း ဖြစ်သည်။

သို့ဖြစ်၍ လွတ်လပ်သော သတင်းမီဒီယာများ မြန်မာနိုင်ငံတွင် အမှီအခိုကင်းစွာ ရပ်တည်နိုင်ရန် သတင်းမီဒီယာ လွတ်လပ် ခွင့်ကို ဥပဒေစိုးမိုးမှုအောက်တွင် ကာကွယ်မြင့်တင်ပေးရမည့်အလုပ်မှာ အစိုးရတိုင်း၏ တာဝန်ဖြစ်သည်။ ဒီမိုကရေစီ၏ အခြေခံ အုတ်မြစ်များဖြစ်သော လွတ်လပ်စွာရေးသားခွင့်၊ လွတ်လပ်စွာပြောဆိုခွင့်၊ လွတ်လပ်စွာ သတင်းအချက်အလက် ရယူပိုင်ခွင့်၊ လွတ်လပ်စွာ စုဝေးခွင့်နှင့် သတင်းမီဒီယာ လွတ်လပ်ခွင့် တို့သည် ပွင့်လင်းလွတ်လပ်သော လူမှုအဖွဲ့အစည်း တခု တည်ဆောက်ရာတွင် မရှိမဖြစ် လိုအပ်သည့်  ဒီမိုကရေစီ စံနှုန်းများဖြစ်သည်။ ထို ဒီမိုကရေစီ စံနှုန်းများကို ကာကွယ် ရမည့် တာဝန်မှာ ဒီမိုကရေစီ အစိုးရ၏ အရေးကြီးတာဝန် ဖြစ်ပေသည်။

ယခု ၂ဝ၁၈ ခုနှစ် စက်တင်ဘာ ၃ရက်နေ့တွင် ရိုက်တာ သတင်းထောက် ၂ ယောက်အား နိုင်ငံတော်လျှို့ဝှက် အက်ဥပဒေ ဖြင့် ရန်ကုန်မြောက်ပိုင်းခရိုင်တရားရုံး တရားသူကြီးက ထောင်ဒဏ် ၇ နှစ် ချမှတ်လိုက်သောကြောင့် မြန်မာနိုင်ငံ သတင်း လွတ်လပ်ခွင့်နှင့် ပတ်သက်၍ ကမ္ဘာတခွင်လုံး ဂယက်ရိုက်ခတ်သွားခဲ့သည်။ ၎င်းအမှုဖြစ်စဉ်နှင့် စပ်လျဉ်း၍ သတင်းမီဒီယာ များမှတဆင့် အများပြည်သူ သိရှိနားလည်ထားသည်မှာ “ထောင်ချောက်ဆင်” ဖမ်းဆီးခံရသော အမှုဟု ထင်ရှားနေသည်။ ရဲတပ်ဖွဲ့၏ တရားစွဲဆိုမှုကို တရားရုံးက ခပ်လွယ်လွယ် အတည်ပြု ပေးလိုက်ခြင်းကို ထောက်ရှုပါက တရားရေးမဏ္ဍိုင် လွတ်လပ်မှု မရှိ သည်ကို မြင်နေရသည်။ ရိုက်တာသတင်းထောက် ၂ ဦးကို ထောင်ဒဏ်နှစ်ရှည် ချမှတ်လိုက်ခြင်းအားဖြင့် တရားရုံးသည် ၂ဝဝ၈ ဖွဲ့စည်းပုံ အခြေခံဥပဒေနှင့် ၂ဝ၁၄ ခုနှစ်တွင် ပြဋ္ဌာန်းထားသည့် သတင်းမီဒီယာ ဥပဒေများကို မျက် ကွယ်ပြုရာရောက်ကြောင်း “မြန်မာနိုင်ငံ သတင်းမီဒီယာကောင်စီ” က ထုတ်ပြန်ကြေညာလိုက်သည်ကို တွေ့ရသည်။ ၁၉၂၃ ခုနှစ် နိုင်ငံတော်လျှို့ဝှက် အက်ဥပဒေ ဆိုသည်မှာ ဗြိတိသျှကိုလိုနီနယ်ချဲ့ခေတ်က ပြဋ္ဌာန်းခဲ့သော ဖိနှိပ်ချုပ်ချယ်ရေး ဥပဒေ ဖြစ်သည်။ ဒီမိုကရေစီ ပြုပြင်ပြောင်းလဲရေးခေတ်တွင် ကိုလိုနီခေတ် ဥပဒေကို ဖုံခါထုတ်ယူ ကျင့်သုံးခဲ့ခြင်းကြောင့် မြန်မာ့တရားစီရင်ရေးနယ်ပယ်၏ သမိုင်းကို ညစ်ထေးစေခဲ့ကြောင်း တာဝန်ရှိသူတို့ သတိပြုသင့်သည်။

ရိုက်တာ သတင်းထောက်ကိုဝလုံး နှင့် ကိုကျော်စိုးဦးတို့အား  ထောင်ဒဏ် ၇ နှစ် ချမှတ်လိုက်ခြင်းအပေါ် ‘မြန်မာသတင်း မီဒီယာကောင်စီ’ အပါအဝင် သတင်းဌာနများ၊ သတင်းထောက်အသင်းအဖွဲ့များ၊ လူမှုအဖွဲ့အစည်းများနှင့် နိုင်ငံတကာ သတင်းလွတ်လပ်ခွင့်စောင့်ကြည့်အဖွဲ့များက အသီးသီး ကြေညာချက်များထုတ်ပြန် ကန့်ကွက်ခဲ့ကြသည်ကို တွေ့ရသည်။

ပြီးခဲ့သည့် ၂ဝ၁၇ ခုနှစ် နိုဝင်ဘာ ၂၁-၂၂ ရက်များတွင် (၁၁) ကြိမ် မြောက် အာရှ-ဥရောပ သတင်းစာဆရာများ နှီးနှော ဖလှယ်ပွဲကို နေပြည်တော်၌ ကျင်းပခဲ့သည်။ မြန်မာနိုင်ငံ သတင်းစာလောကအတွက် ထူးခြားသော အတွေ့အကြုံသစ်ဖြစ် သည်။ ယင်း နှီးနှောဖလှယ်ပွဲတွင် အာရှ-ဥရောပ ဖောင်ဒေး ရှင်း ( Asia-Europe Foundation – ASEF) မှ တာဝန်ရှိသူများ၊ အဖွဲ့ဝင်နိုင်ငံများမှ သတင်းမီဒီယာကိုယ်စားလှယ်များ၊ မြန်မာနိုင်ငံမှ သတင်းမီဒီယာကိုယ်စားလှယ်များ တက်ရောက် ဆွေးနွေးခဲ့ကြသည်။ နှီးနှော ဖလှယ်ပွဲတွင် ‘စဉ်ဆက်မပြတ် ဖွံ့ဖြိုးတိုးတက်ရေး ဖေါ်ဆောင်ရာတွင် သတင်းစာပညာက အပြုသဘောဆောင် ကူညီပံ့ပိုးနိုင်မည်လား’-ဆိုသည့် အကြောင်းအရာကို ထည့်သွင်းဆွေးနွေးခဲ့ကြသည်။ ထိုသို့  ဆွေးနွေးရာ၌ ‘စဉ်ဆက်မပြတ်ဖွံ့ဖြိုးတိုးတက်ရေး’ (Sustainable Development) ဖေါ်ဆောင်ရာတွင် သတင်းမီဒီယာ၏ အခန်းကဏ္ဍကို ချန်လှပ်ထားရန် မဖြစ်နိုင်ကြောင်း ဆွေးနွေးခဲ့ကြသည်။ တနည်းအားဖြင့် မဏ္ဍိုင်ကြီး ၄ ရပ်အနက် သတင်း မီဒီယာ စတုတ္ထမဏ္ဍိုင်ကို ကန့်သတ်ချုပ်ချယ်မထားဘဲ အခြားမဏ္ဍိုင်များနှင့် တန်းတူအခွင့်အရေးပေးရန် ဖြစ်သည်။ သို့ဖြစ်၍  အစိုးရများသည် သတင်းစာလွတ်လပ်ခွင့်ကို အာမခံရမည့် တာဝန်ရှိသည်။ အကြောင်းမှာ ‘လွတ်လပ်စွာ ဖွင့်ဟထုတ်ဖေါ် ပြောဆိုခွင့်’ (freedom of expression) နှင့် သတင်းစာလွတ်လပ်ခွင့် (Freedom of the Press) မရှိပါက သတင်းအချက် အလက်များ ရသော်ငြားလည်း ပါဝင်ပြောဆို ဆွေးနွေးမည့် နိုင်ငံသားများ ပေါ်ထွက်လာရန် မဖြစ်နိုင်ပေ။

သတင်းထောက်များအဖို့လည်း ဘေးအန္တရာယ် ကင်းရှင်းလုံခြုံသည့် ပတ်ဝန်းကျင်မျိုးရရှိရန် အစိုးရများက ကူညီမှသာ နိုင်ငံသားများအနေဖြင့် ယုံကြည်အားထားလောက်သော သတင်းအချက်အလက်များကို လွယ်ကူလျှင်မြန်စွာ ရရှိနိုင်မည် ဖြစ်ပေသည်။ ‘လွတ်လပ်စွာ ဖွင့်ဟထုတ်ဖေါ်ပြောဆိုခွင့်’ နှင့် ‘သတင်းစာလွတ်လပ်ခွင့်’ ရှိမှသာ အကျိုးဆက်အဖြစ် (လွတ် လပ်မျှတ သော စီမံအုပ်ချုပ်ရေးနှင့် ဆင်းရဲမွဲတေမှု လျှော့ချရေး၊ သဘာဝပတ်ဝန်းကျင်ထိန်းသိမ်းရေး၊ ကျား/မ-တန်းတူရေးနှင့် အမျိုးသမီးများ စွမ်းရည်မြှင့်တင်ရေး၊  တရားမျှတမှုနှင့် လူ့အခွင့်အရေးဆိုင်ရာယဉ်ကျေးမှု အစရှိသော) ရည်ရွယ်ချက် အများအပြားကို အကောင်အထည်ဖေါ်ရန် ဖြစ်နိုင်ပေသည်။

လက်ရှိ အမျိုးသားဒီမိုကရေစီ အစိုးရအဖွဲ့သည် မြန်မာနိုင်ငံ “ဒီမိုကရေစီအသွင်ကူးပြောင်းရေး” ကို အာမခံခဲ့သောကြောင့် ပြည်သူလူထုက တခဲနက် မဲပေးရွေးချယ်ခဲ့ကြသည်။ ဒီမိုကရေစီအသွင်ပြောင်းရာတွင် အရေးပါသည့် ကိစ္စတရပ်မှာ လွတ်လပ်စွာပြောဆိုရေးသားဖေါ်ပြနိုင်ခွင့် နှင့် သတင်းစာလွတ်လပ်ခွင့်တို့သည်  မပေးမဖြစ် ပေးရမည့် နိုင်ငံသားများ၏ ရပိုင်ခွင့် ဖြစ်သည်။ သို့ရာတွင် ယခုအခါ NLD အရပ်သားအစိုးရလက်ထက်တွင် သတင်းသမားများအား ဖမ်းဆီးချုပ်နှောင် တရားစွဲဆို နှိပ်ကွပ်မှုများ သိသိသာသာ ဖြစ်ပွားလာခြင်းကြောင့် ပြည်သူလူထု၏ သတင်းသိရှိပိုင်ခွင့်နှင့် သတင်းများ လွတ်လပ်စွာ စီးဆင်းမှုကို ပိတ်ပင်တားဆီးနေပြီလားဟု မေးခွန်းများပေါ်ထွက်နေသည်။ သတင်းသမားများအနေဖြင့် ပြည်သူအား သတင်းအမှန်သိရှိစေရန် သတင်းများ ထောက်လှမ်းရှာဖွေတင်ပြလျှက်ရှိရာ၊ သတင်းထောက်အလုပ်ကို သတင်းသမားတို့ တာဝန်ယူမှု တာဝန်ခံမှုဖြင့် လှုပ်ရှားဆောင်ရွက်နေကြခြင်းဖြစ်သည်။ လူထုသိသင့်သိထိုက်သော သတင်းများကို တင်ပြသည့် အတွက် သတင်းသမားများနှင့် အစိုးရ အာဏာပိုင်တို့အကြား တင်းမာမှုများ မဖြစ်သင့်ပေ။

ပြန်ကြားရေးဝန်ကြီးဌာန၏ ပွင့်လင်းမြင်သာမှုနှင့် တာဝန်ယူမှု မရှိသဖြင့် ယခုအခါ သတင်းသမားများအပေါ် ဝန်ကြီးဌာန အချို့က တရားစွဲဆိုအရေးယူမှုများ ပေါ်ပေါက်ခဲ့ရသည်ဟု သုံးဝပ်ဝေဖန်မှုများရှိနေသည်။ ယခုကဲ့သို့ မဖြစ်သင့်သည်များ ဖြစ်ပွားရခြင်းမှာ ဖွဲ့စည်းပုံအခြေခံဥပဒေ၏ အားနည်းချက်ကြောင့်ဟုလည်း သုံးသပ်ကြသည်။ လက်ရှိ ဖွဲ့စည်းပုံအခြေခံ ဥပဒေသည် ယခင် စစ်အစိုးရခေတ်က ရေးဆွဲခဲ့ခြင်းဖြစ်၍ အရေးကြီးသည့် ဝန်ကြီးဌာနသုံးခုကို ကာကွယ်ရေးဦးစီးချုပ်က စီမံကွပ်ကဲခွင့် ပေးထားသည်။ လူထုက ရွေးကောက်တင်မြှောက်လိုက်သော အရပ်သားအစိုးရက ယင်းဝန်ကြီးဌာနများ၏ အရေးအရာကိစ္စရပ်များအား ပါဝင်ဆောင်ရွက်ခွင့်မရှိပေ။

၂ဝ၁၈ ခုနှစ် ဖေဖေါ်ဝါရီ ၁၄ ရက်နေ့ထုတ် ဘန်ကောက်ပို့စ်သတင်းစာ က ယခင်ထိုင်းနိုင်ငံခြားရေးဝန်ကြီးနှင့် ယခု ရခိုင်ကိစ္စ အကြံပေး ကော်မတီဥက္ကဋ္ဌ ဆူရာကီယတ် ဆတ်သီရာထိုင်းအားတွေ့ဆုံမေးမြန်ခဲ့ရာတွင် ၎င်းက – “ဒေါ်အောင်ဆန်းစုကြည်က ရိုးသားဖြောင့်မတ်ပါတယ်၊ ဆုံးဖြတ်ချက် ချရာမှာလည်း တိကျ ပြတ်သားတယ်လို့ ကျွန်တော် ယူဆပါတယ်။ ဒါပေမယ့် သူ့အနေနဲ့ ထိန်းထိန်းသိမ်းသိမ်း လုပ်နေရတာမျိုးတွေ ရှိနေတယ်။ အကြောင်းကတော့ စစ်ဖက်ရေးရာကိစ္စတွေမှာ သူ သြဇာမရှိပါဘူး။ စစ်ရေးပဋိပက္ခတွေ၊ တိုက်ပွဲတွေဖြစ်လာရင် သူ့မှာ အာဏာ မရှိဘူး။ အမိန့် တစုံတရာ ပေးခွင့် မရှိဘူး။ သူ့ အစိုးရကက်ဘိနက်မှာ ပါတဲ့ ကာကွယ်ရေးဝန်ကြီး၊ နယ်စပ်ရေးရာဝန်ကြီးနဲ့ ပြည်ထဲရေးဝန်ကြီးတွေကို တပ်မတော်က ခန့်ထားတာပါ။” ဟု ပြောခဲ့ဖူးသည်။

ထို့ကြောင့် ယနေ့သတင်းစာလွပ်လပ်ခွင့်နှင့် တရားဥပဒေစိုးမိုးမှုအပါအဝင် မြန်မာနိုင်ငံပြည်တွင်းရေးကိစ္စအဝဝနှင့် သက် ဆိုင်သော အမှုအခင်းများသည် ဒေါ်အောင်ဆန်းစုကြည်၏ လုပ်ပိုင်ခွင့်ဘောင်အတွင်း၌ ရှိမနေသည်ကို နိုင်ငံတကာ က လည်း သိရှိနေပြီဖြစ်သည်။ မည်သို့ပင်ဆိုစေ သတင်းမီဒီယာလွတ်လပ်ခွင့်ကို ထိပါးခြင်းသည် နိုင်ငံ၏ပုံရိပ်ကို ထိခိုက် စေ၍ ကမ္ဘာ့အလယ်တွင် မြန်မာနိုင်ငံဂုဏ်ငယ်စရာဖြစ်ရကြောင်း သက်ဆိုင်ရာ တာဝန်ရှိ ပုဂ္ဂိုလ်များ သတိပြုသင့်သည်။

ယခုကဲ့သို့ သတင်းသမားများ/သတင်းမီဒီယာအဖွဲ့အစည်းများနှင့် အစိုးရ/တပ်မတော်အာဏာပိုင်တို့အကြား တင်းမာမှု အခြေအနေများဖြစ်လာခြင်းသည် မြန်မာသတင်းမီဒီယာလွတ်လပ်ခွင့် ဆုတ်ယုတ်မှုကို ပြသနေခြင်းဖြစ်သည်။ ပွင့်လင်း မြင်သာမှုမရှိ တာဝန်ခံမှုမရှိဘဲ သတင်းသမားများကို ဖမ်းဆီးချုပ်နှောင်ခြင်းသည် အရပ်သားအစိုးရ၏ မူဝါဒဖြစ်သော ‘အမျိုးသားပြန်လည်သင့်မြတ်ရေးနှင့် ငြိမ်းချမ်းရေး’ ကို  အယုံအကြည်ကင်းမဲ့စေသည်။ အစိုးရမူဝါဒအတိုင်း ဆောင်ရွက် မည်ဆိုပါက သတင်းလွတ်လပ်ခွင့် ပေးရမည် ဖြစ်သည်။ သတင်းမှန်ခြင်း မှားခြင်းနှင့်ပတ်သက်၍ သက်ဆိုင်ရာ သတင်း ဌာနအယ်ဒီတာများက တာဝန်ခံကြမည် ဖြစ်၍ အစိုးရိမ်မကြီးသင့်ပေ။

ရိုက်တာ သတင်းထောက် ၂ ယောက်ကို မြန်မာအစိုးရက နိုင်ငံတော် လျှို့ဝှက် ချက် ဥပဒေအရ ဖမ်းဆီးတရားစွဲဆို ထောင် ချခဲ့ခြင်းနှင့် ပတ်သက်၍ အစိုးရ ပြန်ကြားရေး ဒုဝန်ကြီး ဖြစ်သူ ဦးအောင်လှထွန်း က ပုဂ္ဂိုလ်ရေးအရ စိတ်မကောင်းပါဟု ဆိုသည်။ သတင်းသမားများကိစ္စနှင့် ပတ်သက်၍ ပြန်ကြားရေး ဝန်ကြီးဌာနက တရားစီရင်ရေးကဏ္ဍတွင် ဝင်ရောက်စွက်ဖက် ၍ မရကြောင်း၊ သတင်းသမားများအနေဖြင့် သတင်းလွတ်လပ်ခွင့်ကို အဟန့်အတားပြုနေသည့် ဥပဒေများကို သိထားရန် လိုအပ်သည်ဟု ဒုတိယဝန်ကြီးကပြောကြောင်း မြန်မာတိုင်းမ်း၌ ဖေါ်ပြသည်။

မည်သို့ဆိုစေ ရိုက်တာသတင်းထောက် နှစ်ဦးအား နိုင်ငံတော်လျှို့ဝှက် ချက်အက်ဥပဒေဖြင့် စက်တင်ဘာ ၃ ရက်က ထောင် ၇ နှစ်စီ ပြစ်ဒဏ်ချမှတ်ထားခြင်းအပေါ် ကုလသမဂ္ဂအပါအဝင် နိုင်ငံတကာ အသိုင်းအဝိုင်းနှင့် အဖွဲ့အစည်းများက ချက်ပြန်လွှတ်ပေးရန် ကြေညာချက် ထုတ်ပြန်တောင်းဆိုထားပေသည်။ သတင်းထောက် ၂ ဦးသည် ထောင်ချောက် ဆင် ဖမ်းဆီးခံရခြင်းဖြစ်သဖြင့် အပြစ်မရှိဘဲ တဖက်သတ် စီရင်ချက်ချခံရခြင်း ဖြစ်သောကြောင့် တရားမျှတမှု လုံးဝ မရှိ ကြောင်း သတင်းထောက် ကိုဝလုံးက ပြောကြားခဲ့သည်။ သတင်းထောက် ၂ ဦးကို နှစ်ရှည်ထောင်ဒဏ်များ ချမှတ်သည့် အကျိုးဆက်အဖြစ် မြန်မာနိုင်ငံ အပေါ် နိုင်ငံတကာက ဖိအားများ ပိုမို မြင့်မားလာမည်ဖြစ်သည်ဟု နိုင်ငံရေးအကဲခတ်များ က သုံးသပ်ကြသည်။

ယနေ့ မြန်နိုင်ငံ၏ သတင်းလွတ်လပ်ခွင့်ကို ပြန်လည်သုံးသပ်လျှင် စစ်အစိုးရခေတ်ကထက် အတော်အသင့် လွတ်လပ်လာသည်ဟု ဆိုနိုင်သော်လည်း သတင်းရယူရာတွင်၊ သတင်းများထုတ်လုပ် ဖြန့်ဖြူးရာတွင် အကန့်အသတ်များ၊ ခွဲခြား ဆက်ဆံမှုများ ရှိနေဆဲ ဖြစ်သည်။ ၎င်းအပြင် ပဋိပက္ခဖြစ်ပွားနေသောနေရာဒေသများတွင် သတင်းများရယူရာ၌ သတင်း ထောက်များ၏ လုံခြုံရေး အခြေအနေမှာ စိုးရိမ်နေရဆဲဖြစ်သည်။ အထူးသဖြင့် ရှေ့တန်းစစ်မျက်နှာသဖွယ် ဖြစ်နေသော တိုင်းရင်းသား ဒေသများတွင် သတင်းထောက်များအဖို့ လုံခြုံရေးအာမခံချက် လုံးဝမရှိချေ။ ၎င်းပြင် တိုင်းရင်းသား သတင်း ထောက်များ အနေဖြင့် သက်ဆိုင်ရာ ပြည်နယ် အစိုးရနှင့် ဌာနဆိုင်ရာများမှ သတင်းရယူရာတွင်လည်း ခွဲခြား ဆက်ဆံခံရမှု ရှိနေသည်။ နိုင်ငံသားတဦး၏ အခြေခံ ရပိုင်ခွင့်များပင် ဆုံးရှုံးလျက် ရှိနေသည်ဟု ဆိုသည်။ ပြည်နယ် လွှတ်တော်များနှင့် ပြည်နယ်အစိုးရအဖွဲ့ ဌာနဆိုင်ရာများတွင် သတင်းယူရန် ကြိုးစားသော တိုင်းရင်းသားသတင်းထောက်များအား အကြောင်း အမျိုးမျိုးပြကာ ကန့်သတ်နေဆဲရှိသည်ဟု တိုင်းရင်းသားသတင်းဌာနများက ဆိုသည်။ သတင်းမီဒီယာ လွတ်လပ်ခွင့် ဖွံ့ဖြိုးတိုးတက်ရေးအတွက် မီဒီယာပိုင်ဆိုင်ခွင့် (Media Ownership) မျှတမှုရှိရန်လည်း ပြန်လည်သုံးသပ်သင့်သည်။ အထူးသဖြင့် လွတ်လပ်သောတိုင်းရင်းသားမီဒီယာများအား ခေတ်နှင့်အညီ ရေဒီယို-ရုပ်သံသတင်းများ ထုတ်လုပ်နိုင်စေရန် အစိုးရက မဖြစ်မနေ ကူညီသင့်သည်။

သတင်းလွတ်လပ်ခွင့်ကိစ္စမှာ ဖွဲ့စည်းပုံ အခြေခံဥပဒေပြင်ဆင်နိုင်ရေးနှင့်လည်း တဆက်တစပ်တည်း ဖြစ်နေသောကြောင့် သတင်းရယူပိုင်ခွင့် (Access to Information) နှင့် သတင်းအချက်အလက်များ သိရှိပိုင် ခွင့် (Right to Information) တို့ လက်တွေ့ ပေါ်ထွန်းလာရေး အတွက် သတင်းသမားအဖွဲ့အစည်းများအနေဖြင့် ဆက်လက် ကြိုးပမ်းကြရဦးမည်ဖြစ်သည်။ ထို့ပြင် ကမ္ဘာနှင့် အဝှမ်း တွင် ဖြစ်ပေါ်ပြောင်းလဲနေသည့် အင်တာနက်မှတဆင့် သတင်းထုတ်လုပ်မှု (Digital News Production) နည်းပညာကို မြန်မာမီဒီယာများအား အစိုးရက ဖြန့်ဝေပေးသင့်သည်။ လက်ရှိ အစိုးရ၏ ပဓါန ရည်မှန်းချက် ဖြစ်သော အမျိုးသားပြန်လည်သင့်မြတ်ရေးနှင့် ၂၁ ရာစုပင်လုံ ငြိမ်းချမ်းရေးဆွေးနွေးပွဲများ အောင်မြင်ရေးအတွက် တပြည်လုံးတွင် သတင်းစာလွတ်လပ်ခွင့် နှင့် လွတ်လပ်စွာ ဖေါ်ထုတ်ပြောဆိုပိုင်ခွင့်ကို အစိုးရက လုံးဝ တာဝန်ခံမှသာ သတင်းစီဆင်းဖြန့်ဝေမှု ချောမွေ့၍  အမျိုးသား ညီညွတ်ရေးအတွက်လည်း အလားအလာကောင်းပေလိမ့်မည်။


စက်တင်ဘာလ ၁ဝ ရက်၊ ၂ဝ၁၈၊ တနင်္လာနေ့ထုတ် ဒီလှိုင်းဂျာနယ်တွင် ဖေါ်ပြခဲ့သည့်ဆောင်းပါး။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဇင်လင်း, သူတို့အာဘော်

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments