ကျော်ကျော် (မြရည်စမ်း) ● ရေးမယ့်​စာ​တွေက ကျွန်​​တော်​ပါ

October 7, 2018

● ရေးမယ့်​စာ​တွေက ကျွန်​​တော်​ပါ
(မိုးမခ) အောက်တိုဘာ ၇၊ ၂၀၁၈


စာ​ရေးဖို့ကြိုးစား​ပေမယ့်​ စာ​ရေးလို့မရတာ ကြာပါပြီ။ လူ​တွေက ​ပြောကြတယ်​။ စာ​ရေးချင်​တယ်​ဆိုရင်​ စာ​တွေဖတ်​ရင်​ဖတ်​ စာမဖတ်​နိုင်​ရင်​ ခရီးသွားတဲ့။ စာ​လည်း တတ်​နိုင်​သ​လောက်​​တော့ ဖတ်​ဖြစ်​ပါတယ်​။ ဝတ္ထုကြီးတွေ အ​တော်​များများကိုလည်း ဖတ်​ပြီးခဲ့ပါပြီ။ ပင်​ကိုယ်​​ရေး​တွေ​ရော၊ ဘာသာပြန်​​တွေ​ရော စုံလို့ပါ။ ဘိုင်​အိုဂရပ်​ဖီ​တွေ​၊ အော်​တို​ဘိုင်​အိုဂရပ်​ဖီ​တွေ​ ဖတ်​ဖြစ်​ခဲ့တယ်​။ ဆရာကြီး​ရွှေဥ​ဒေါင်းစာအုပ်​ကြီးဖတ်​ဖြစ်​ခဲ့သလို ​မှော်​ဝန်းသားရဲ့စာအုပ်​ကိုလည်း ဖတ်​ပစ်​လိုက်​တယ်​။ ကိုယ်​တိုင်​​ရေးထားပြီး ရိုးသားမှုအပြည့်​ပါ​ကြောင်းသိလို့ ​လေး​လေးစားစား ဖတ်​ဖြစ်​ခဲ့တဲ့ စာ​တွေရှိသလို  ​အောက်​ကလိအာ အသံသွင်း ထားတာကို ရှဲထိုးစာ​ရေးဆရာက မွမ်းမံပြုစုထားမှန်း သိသိကြီးနဲ့လည်း ဘာ​တွေဖြီးသလဲသိ​အောင်​ ဖတ်​ပစ်​ခဲ့တဲ့ စာ​တွေရှိပါ တယ်​။ စာ​ရေးဖို့ကြိုးစား​ပေမယ့်​ စာ​ရေးလို့မရတာ အ​တော်​ကြာပါပြီ။ ခရီး​တွေအများကြီးသွားဖြစ်​ခဲ့ပါတယ်​။ ​ငွေ​ကြေးမပိုလျှံလှ​တော့ နိုင်​ငံ့အပြင်​ဖက်​​တော့ ထွက်​မလည်​နိုင်​ခဲ့ပါဘူး။ ဝန်​ထမ်းဘဝက သူငယ်​ချင်း​တွေ၊ စာ​ပေမိတ်​​ဆွေသူငယ်​ချင်း​တွေရဲ့ ကူညီ​​ထောက်​ပံ့မှု​ကြောင့်​ ခရီး​တွေအများကြီး​ရောက်​ခဲ့ဖူးပါပြီ။ စာ​တွေ​အများကြီး​ရေးချင်​လှပါတယ်​။ စာ​တွေဖတ်​ ခရီး​တွေ ထွက်​​ပေမယ့်​ စာက ​ရေးလို့မထွက်​တတ်​ခဲ့ဘူး။

နယ်​​တွေစုံ​အောင်​ ​နေခဲ့ဖူးရင်​ စာ​တွေစုံတယ်​လို့ မိတ်​​ဆွေ​တွေက ​ပြောကြတယ်​။ နယ်​​တွေ​တော့ အ​တော်​စုံခဲ့ပါပြီ။ ကျွန်​​တော့် စာ​တွေ မစုံပါဘူး။ ဝန်​ထမ်းဘဝမှာ ထားရာ​နေ​ ​စေရာသွား မင်းခ​ယောက်ျား​ပေါ့။ အပြင်​​လောကထဲ​ရောက်​​တော့လည်း မြက်​နုရာ​ရေကြည်​ရာ​ပေါ့။ ဒါ​ပေမယ့်​ စာ​တွေမစုံခဲ့ပါဘူး။ စာ​ရေးဖို့ကြိုးစားရင်း စာ​တွေမစုံခဲ့ရတာပါ။ အခုလည်း ဘာ​စာ​တွေများ ​ရေးရမှာပါလိမ့်​။ ဘယ်​လို စာ​ပေမျိုးကိုများ ​ရေးရမှာပါလိမ့်​။

မီးရထားဌာနမှာ ဝန်​ထမ်းဘဝ အစပြုခဲ့ရတာက တွဲထိန်းအဖြစ်​နဲ့ပါ။ အဲသည်​တုန်းက ရထားစီးသူ​တွေ တအားများပါတယ်​။ ရန်​ကုန်​နဲ့မန္တ​လေးက ကား​တွေရှိလို့ သွား​ရေးလာ​ရေးအတွက်​ အခက်​အခဲသိပ်​မဖြစ်​​ပေမဲ့ မန္တ​လေးက​နေ မြစ်​ကြီးနားဖက်​ သွားမယ်​လာမယ်​ဆို ခက်​ခဲပါတယ်​။ ကားလမ်းက မ​ကောင်း​တော့ ခရီးသည်​တင်​ကား​ကောင်း​ကောင်းလည်း မရှိ​သေးပါဘူး။ ကျွန်​​တော်​အလုပ်​လုပ်​ရတဲ့ ရထားကြီး ထွက်​ခါနီးလို့ ပလက်​​ဖောင်းမှာ တွဲဆိုင်းထိုးထားပြီဆိုရင်​ လက်​မှတ်​မရပဲ လိုက်​ချင်​တဲ့ ခရီးသည်​​တွေက လိုက်​ပါရ​စေလို့ လာလာ​တောင်းဆိုတတ်​ကြပါတယ်​။ အ​တွေ့အကြုံနုနယ်​​သေး​တော့ သူတို့ကို ဘယ်​လို​​ခေါ်လာရမယ်​မှန်းမသိ ဖြစ်​ရပါတယ်​။ သူ့အ​မေရဲ့ အသုဘအမီ ပြန်​ရမှာပါလို့ ငိုကြီးချက်​မနဲ့ ဆိုလာ​တော့ ကျွန်​​တော့်​ယူနီ​ဖောင်းကို ဝတ်​ခိုင်းပြီး ​ခေါ်လာခဲ့မိတယ်​။ မြစ်​ကြီးနား​ရောက်​ခါနီး​တော့မှ အဲဒီလူက လိမ်​​ပြောမှန်း ကျွန်​​တော်​သိလိုက်​ရတာ ပါ။ မျက်​ရည်​​တွေက ကျွန်​​တော့်​စိတ်​ကို လှည့်​စားသွားကြတယ်​။ အဲဒီအ​ကြောင်းကို အခုထက်​ပိုပြီး စုံစုံလင်​လင်​ ​ရေးချင်​​ပေ မယ့်​ ကျွန်​​တော်​မ​ရေးနိုင်​​သေးပါဘူး။ အခု​နေအခါမှာ ကျွန်​​တော်​သာ တွဲထိန်းဖြစ်​ကြည့်​။ ငို​ကြွေးခြင်းနဲ့မျက်​ရည်​စကို အ​ရောင်​ခွဲတတ်​ပါပြီ။ စာ​တွေအများကြီး​ရေးချင်​ပါတယ်​။ မ​ရေးနိုင်​​သေးပါဘူး။ ဘယ်​လိုရပ်​တည်​မှုမျိုးနဲ့များ ​ရေးရမှာပါလိမ့်​။

အလုပ်​​တွေစုံရင်​ စာ​တွေစုံတယ်​လို့ ​ပြောကြ​သေးတယ်​။ ကျွန်​​တော်​အိမ်​​ထောင်​ကျစမှာ စည်​ပင်​သာယာရုံးက အင်​/ယာဌာန မှာ အလုပ်​ဝင်​ခဲ့ဖူးပါတယ်​။ အဲတာ​ကြောင့်​မို့ ​နေ​ရေးထိုင်​​ရေးအတွက်​ သူတို့ဌာနက တာဝန်​ယူထိန်းသိမ်းရတဲ့ အ​ဆောက်​အဦကြီးတလုံးက ​အောက်​ထပ်​​ထောင့်​ခန်း​လေးမှာ ​နေခွင့်​ရခဲ့တယ်​။ အဲသည်​အ​ဆောက်​အဦကြီးကို ဌာနဆိုင်​ရာက ဧည့်ရိပ်​သာကြီးအဖြစ်​လည်း အသုံးပြုပါတယ်​။ စစ်​တိုင်းမှူး​တွေလာရင်​လည်း အစည်းအ​ဝေး​တွေဘာ​တွေလုပ်​တတ်​တယ်​။ ​သရဲ​ခြောက်​တယ်​လို့ နာမည်​ကြီး​ပေမဲ့ ​နေထိုင်​ရတာ အဆင်​​ပြေပါတယ်​။ ​ဆေးရုံနဲ့နီးတဲ့အပြင်​ သရဲ​ခြောက်​တယ်​လို့ နာမည်​ကြီး​နေ​တော့ လူသွားလူလာ​မရှိသ​လောက်​ပဲ။ ​လေမတိုက်​ပဲ ပန်​ကာ​တွေလည်​​နေတတ်​တယ်​ဆိုတာမျိုး။ ရေစင်​ကြီး​ပေါ်မှာ ​ခေါင်းပြတ်​​နေတဲ့ လူတယောက်​ လက်​ပိုက်​ရပ်​​နေတယ်​ဆိုတာမျိုး။ သရဲဇာတ်​လမ်း​တွေ​တော့ အများကြီးပါ။ ကျွန်​​တော်​က​ သရဲ​တော့မ​တွေ့ခဲ့ရပါဘူး။ သရဲထက်​​ကြောက်​စရာ​ကောင်းသူ​တွေကို​တော့ ​တွေ့ခဲ့ရဖူးပါတယ်​။ အခု​တော့ မသိဘူး​ပေါ့။  အဲ သည်​တုန်းက​တော့ စည်​ပင်​သာယာ​ရေးဌာနက အရာရှိ​တွေဟာ ခရိုင်​ငြိမ်​ဝပ်​ပိပြား​ရေးဥက္ကဌကြီးရဲ့ နုတ်​မိန့်​ကို တသ​ဝေမတိမ်းလိုက်​နာရပါတယ်​။

သရဲထက်​​ကြောက်​စရာ​ကောင်းတဲ့သူ​တွေကို မြင်​ခဲ့ရပြီးတဲ့​နောက်​  ပုဂ္ဂလိက ဆီစက်​တစက်​မှာ အလုပ်​ဝင်​လုပ်​ခဲ့တယ်​။  စက်​ထဲကထွက်​လာတဲ့ ပဲဖတ်​ပူပူကြီး​တွေကို ပုခုံး​တွေအပူ​လောင်​​အောင်​ထမ်းပြီး စက်​အ​နောက်​ဘက်​က ဂို​ထောင်​ကြီးထဲ သွားသွန်​ရပါတယ်​။ သွားသွန်​ပြီး ပြန်​လာရင်​ ​နောက်​တစ်​​တောင်းက ပြည့်​​နေပြီ။  ​ညောင်းလို့ ခဏနားမိရင်​၊ဒါမှမဟုတ်​ ​ဖြေး​ဖြေး​လျှောက်​မိရင်​ နှစ်​​တောင်းဆင့်​ပြီးထမ်း​ပေ​ရော့။ အဲဒီကိစ္စ​တွေကို အလုပ်​ထဲအရင်​​ရောက်​ပြီး လူယုံအဖြစ်​​မွေးခံထားရသူက ​အော်​ဟစ်​​ငေါက်​ငမ်းပြီး စီမံခန့်​ခွဲပါတယ်​။ အဲဒီလူက လက်​တစ်​ဖက်​ကို ပဲကြိတ်​တဲ့ဆုံကြီးထဲ လက်​ပြန်​ထည့်​ထားပြီး မျက်​လုံးနဲ့ခန္ဓာကိုယ်​က အလုပ်​သမား​တွေဖက်​ လှည့်​​နေတတ်​တယ်​။ ကျွန်​​တော့်​စိတ်​ထဲမှာ အဲတာကိုမြင်​ရတိုင်း သူ့ကို သတိ​ပေး ချင်​စိတ်​​ပေါ်လာတတ်​ပါတယ်​။ ​သူ့ရဲ့ ​အော်​ဟစ်​​ငေါက်​ငမ်းသံ​တွေကြားမှာ အဲဒီစိတ်​ကူးက ပျက်​သွားခဲ့ရတာ ခဏခဏပါပဲ။ အဲဒီအလုပ်​က​နေ မီးရထားဌာနဖက်​ကို ကျွန်​​တော်​အလုပ်​​ပြောင်းပြီး တနယ်​တ​ကျေးမှာ အ​တော်​ကြာသွားတယ်​။ မြို့​လေးကို ပြန်​​ရောက်​တဲ့အချိန်​မှာ သူ့သတင်းကြားရ​တော့ စိတ်​မ​ကောင်းဖြစ်​မိတယ်​။ သူ့လက်​တဖက်​ ကြိတ်​ဆုံကြီးထဲပါသွားပြီး ​သွေးလွန်​​သေဆုံးသွားသတဲ့။ အလုပ်​​တွေစုံရင်​ စာ​တွေစုံတယ်​လို့ ​ပြောကြ​ပေမယ့်​ ကျွန်​​တော်​ဘာ​တွေ ​ရေးရမယ်​မှန်း၊ဘယ်​လို​ရေးရမယ်​မှန်း မသိ​သေးပါဘူး။

အိမ်​​ထောင်​ကျကာစက သူမနဲ့ကျွန်​​တော်​ မိသားစုအနာဂတ်​စီမံကိန်း​တွေ ချခဲ့ကြဖူးတယ်​။ အဲဒီအ​ကြောင်း​တွေကို စာအဖြစ်​ဖွဲ့နွဲ့ရင်​ တခမ်းတနားဖြစ်​​နေလိမ့်​မယ်​။ အင်​မတန်​လှပ​နေလိမ့်​မယ်​။ လင်းလင်းချင်းချင်းရှိလွန်းတဲ့ အနာဂတ်​ခရီး​ပေါ့။  ဆယ်​တန်း​အောင်​ပြီးကြပြီဆို​တော့ ဌာန​လေးတစ်​ခုစီမှာ၊ဒါမှမဟုတ်​ ဌာနတစ်​ခုထဲမှာ(အဲသည်​​ခေတ်​က)ရုံးအကူအဖြစ်​ဝင်​လုပ်​ကြမယ်​။ ဥပ​ဒေ​မေဂျာကို အတူတူ​လျှောက်​ပြီး အ​ဝေးသင်​စာ​မေးပွဲ ​ဖြေကြမယ်​။ တစ်​နှစ်​တစ်​တန်း(ဒါမှမဟုတ်​ ခြောက်​လတစ်​တန်းလည်း ဖြစ်​ချင်​ဖြစ်​မယ်​)​အောင်​ကြမယ်​​ပေါ့။ ဌာနတွင်းမှာ​ ရုံးအကူက​နေ အမြဲတန်းဝန်​ထမ်း​ပေါက်​စ​လေး​တွေ ဖြစ်​လာကြမယ်​​ပေါ့။ ​ဈေးနှုန်းသင့်​တင့်​တဲ့ အိမ်​​ပေါက်​စန​လေးတစ်​အိမ်​၊ဒါမှမဟုတ်​ အခန်း​လေးတစ်​ခန်းကို ငှား​နေကြမယ်​။ သူမနဲ့ကျွန်​​တော်​ တတိယနှစ်​​လောက်​​ရောက်​ချိန်​မှာ ပထမဆုံး ရင်​​သွေး​လေးတစ်​​ယောက်​ ယူကြမယ်​။ အ​ဝေးသင်​စာ​မေးပွဲ သွား​ဖြေကြချိန်​မှာ ကျွန်​​တော်​တို့က​လေး​လေးကို အဖိုးအဖွား​တွေလက်​ထဲ ရက်​နှစ်​ဆယ်​ဖြစ်​ဖြစ်​ တစ်​လ​လောက်​ဖြစ်​ဖြစ်​ ထည့်​ထားခဲ့မယ်​​ပေါ့။ ​နောက်​တစ်​နှစ်​​လောက်​​နေ​တော့ သူ​မ​ရောကျွန်​​တော်​ပါ ဘွဲ့​ကိုယ်​စီရပြီး ဥပ​ဒေအရာရှိစာ​မေးပွဲဖြစ်​​စေ၊တရား​ရေးအရာရှိစာ​မေးပွဲဖြစ်​​စေ ​ဖြေကြမယ်​​ပေါ့။ မ​အောင်​ခဲ့လည်း အခက်​အခဲမရှိနိုင်​ပါဘူး။ ​ရှေ့​နေ့ကြီးတစ်​​ယောက်​​ယောက်​ဆီမှာ ​အချိန်​​လေးနည်းနည်း​လောက်​ တပည့်​ခံသင်​ကြားပြီး ​ရှေ့​နေလိုက်​ကြမယ်​။ အမှု​တွေဆိုတာ မတိမ်​​ကောတတ်​​တော့ အမှုသည်​​တွေ အမြဲတမ်းရှိ​နေမယ်​​ပေါ့။  တို့တ​တွေရဲ့ စာဖတ်​အားနဲ့ဆို သာမန်​​ရှေ့​နေ​တွေ​လောက်​​တော့ ယှဉ်​နိုင်​တယ်​​ပေါ့။ ​ပေါ့​ပေါ့​လေးပါပဲ။ စိတ်​ကူးထဲမှာ အရာရာဟာ လွယ်​ကူလွန်းခဲ့ပါတယ်​။ အရပ်​မြင့်​မြင့်​ ကျွန်​​တော်​နဲ့ ဆံပင်​ရှည်​ရှည်​သူမ ​ဗောဓိကုန်းရပ်​ထဲက အ​ဆောင်​​လေးမှာ ထမင်းစား​နေကြရင်း စိတ်​ကူးယဉ်​လို့ ကြည်​နူးခဲ့ဖူးတယ်​။ တစ်​နှစ်​စာကို စာငါးပုဒ်​၊​ ခြောက်​ပုဒ်​ကျက်​နိုင်​ရင်​ လွတ်​လွတ်​ကျွတ်​ကျွတ်​ကြီး​အောင်​မှတ်​ရတဲ့ ဥ​ပ​ဒေသင်​ခန်းစာ​တွေဟာ အဲဒီအချိန်​က က​လေးကစားစရာ​တွေလိုပါပဲ။  က​လေး​တွေကစားတဲ့ ပစ္စည်းကိရိယာ​လေး​တွေကို လူကြီး​တွေလိုက်​မမီတဲ့ အခုအချိန်​မှာ အဲတာ​တွေကို စာ​ရေးဖို့ စာ​မ​ရေးတတ်​​တော့ပြန်​ဘူး။ အဲတာ​တွေကို ပွင့်​ပွင့်​လင်းလင်း  ​ရေးချင်​မိ​ပေမယ့်​ တကယ်​​တွေး​နေမိတာက ကြက်​ဥတစ်​လုံးရဲ့ အ​ရောင်​အ​ကြောင်းနဲ့ တိမ်​​တောင်​တိမ်​တိုက်​​တွေရဲ့ အ​ရောင်​အ​ကြောင်းပါပဲ။ စာ​ရေးချင်​​ပေမယ့်​ ​ရေးလို့မဖြစ်​တတ်​​သေးပါဘူး။

ပြီးခဲ့တဲ့နှစ်​က ​ပြည်​နယ်​ထဲက  မြို့​လေးတစ်​မြို့မှာ ​နေထိုင်​ခဲ့ဖူးတယ်​။ မြို့​လေးကို ​ရောက်​ကာစမှာ အဲဒီက လွှတ်​​တော်​အမတ်​တစ်​​ယောက်​ကို  စကားဝိုင်းတစ်​ခုမှာ မဂ္ဂဇင်း​လေးတစ်​အုပ်​ လက်​​ဆောင်​​ပေးလိုက်​မိတယ်​။  ​ခေတ်​ရနံ့မဂ္ဂဇင်း​လေးပါ။ သူ​​ပြောလို​က်​တဲ့ စကား​ကြောင့်​ ကျွန်​​တော့်​မှာ စာအုပ်​​လေးကို နှ​မြော​ကြေကွဲခဲ့ရတယ်​။ “အဲဒီမဂ္ဂဇင်းက ထွက်​တာ ကြာပြီ လား” တဲ့။  အဲဒီ​လောက်​နဲ့ဆို ​တော်​ပါ​သေးတယ်​။ သူက မြဝတီ​တော့ လတိုင်းယူသတဲ့။ ​ပေးထားခဲ့မိပြီးမှ​တော့ ပြန်​​တောင်း လို့မှ မရ​တော့တာ။ ဒီလိုနဲ့ ​ကြေကွဲခံလိုက်​ရတာပါပဲ။ ကျွန်​​တော်​​နေထိုင်​ရာ လမ်း​လေးထဲမှာ မူးယစ်​​ဆေးဝါးကို ပါဆယ်​​ရောင်းတဲ့ အိမ်​ရှိတယ်​။  ည​အချိန်​ဆိုရင်​ မီးအိမ်​နီ​အောက်​ကထွက်​လာတဲ့ ဆိုင်​ကယ်​သံ ကားသံ​တွေကြားမှာ ​ခေတ်​ရနံ့ကို မသိတဲ့ လွှတ်​​တော်​ကိုယ်​စားလှယ်​ကို ဖျတ်​ခနဲသတိရတတ်​ပါတယ်​။  ပြီး​တော့ ​ရေစို​စီးကရက်​ကို ခါးချိုးပြီးမီးညှိလို့ ​သောက်​မိပါတယ်​။ အဲဒီမြို့​လေးမှာ ​နေထိုင်​​နေတုန်းက ​ဆောင်းညတစ်​ညမှာ ဆိုင်​ကယ်​​လေး အခိုးခံလိုက်​ရတယ်​။ ​နောက်​တ​နေ့မနက်​ သိသိ ခြင်းမှာ မြို့​လေးနဲ့ ​လေးဖာလုံ​လောက်​ပဲဝေးတဲ့ နံပါတ်​ဖိုးဘိတ​ခုကို ခါးမှာဓားချပ်​ပြီး လိုက်​သွားခဲ့မိတယ်​။ ဗျူဟာလမ်း မကြီးရဲ့ အဆင်း​လေးက ​တောစပ်​တစ်​​နေရာမှာ လူငယ်​​တွေဟာ လက်​ဖက်​ရည်​ဆိုင်​ကိုလာကြသလိုပဲ အ​ရောင်​အ​သွေးစုံလို့။ ဆိုင်​ကယ်​​တွေလည်း အ​ရောင်​အ​သွေးစုံလို့။ အသင့်​ပြင်​​ပေးထားတဲ့ ​ဆေးထိုးအပ်​ကို အ​ကြော​လေး​တွေထဲ စိုက်​သွင်းကြ။ ဗလာစာအုပ်​ ညစ်​​ပေ​ပေ တစ်​အုပ်​က စာရွက်​ပိုင်း​လေး​တွေကို စုတ်​ဖြဲပြီး အပ်​​ပေါက်​ရာ​သွေးစက်​​တွေကို ဖုံးဖိ​ပွတ်​သပ်​ကြ။ လျှာနဲ့လျက်​ရုံနဲ့ ​သွေးမတိတ်​တဲ့ အနာဂတ်​ဒဏ်​ရာ​တွေ။ ပျောက်​သွားတဲ့ဆိုင်​ကယ်​​လေး မ​တွေ့ခဲ့ရတာဟာ ကံ​ကောင်းခြင်း တစ်​ခုပါပဲ။ အဲဒီအ​ကြောင်း​လေးကို ​ရေးဖို့  စဉ်းစားမိလိုက်​တိုင်း ​ရေးမထွက်​တတ်​ပါဘူး။ ကျွန်​​တော့်​ရဲ့ စာအုပ်​​တွေသိုမှီးရာ ​နေရာ​လေးမှာ ​ခေတ်​ရနံ့​တွေ အစုလိုက်​ အပုံလိုက်​ ဖရိုဖရဲ ရှိ​နေပါတယ်​။ ကျွန်​​တော်​ စာမ​ရေးတတ်​​သေးပါဘူး။

ငိုပြတဲ့မျက်​နှာ​တွေ၊ပိုးပိုး​ပေါက်​​ပေါက်​ မျက်​ရည်​စက်​​တွေကို ​ခေတ်​ရနံ့အပုံကြီးထဲမှာ အမြဲတမ်း​တွေ့တာ​ပေါ့။ ကျွန်​​တော့်​မှာ ခဏ​ပေးငှားစရာ ယူနီ​ဖောင်း မရှိ​တော့ပါဘူး။ ကျွန်​​တော့်​ကို ခင်​ဗျားအ​မေ ​သေဆုံးသွားတယ်​လို့ မညာပါနဲ့။ ခရီးဆုံး​အောင်​ အတူတူသွားကြတာ​ပေါ့။ ကျွန်​​တော်​ စာ​ရေးပါ့မယ်​။

စာ​တွေ ကျွန်​​တော်​​ရေးပါ့မယ်​။ ​ရေးမယ့်​စာ​တွေက ကျွန်​​တော်​ပါ။

ကျော်​​ကျော်​ (မြရည်​စမ်း)


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
MoeMaKa Old Archives

Related posts

Tags: , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:စာစုတို

စာဖတ်သူတွေရဲ့ ပြောရေးဆိုခွင့်

This site uses Akismet to reduce spam. Learn how your comment data is processed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments