ကိုသန်းလွင် ● ကုန်သွယ်ရေးအခြေအနေ

October 9, 2018

ကိုသန်းလွင် ● ကုန်သွယ်ရေးအခြေအနေ
(မိုးမခ) အောက်တိုဘာ ၉၊ ၂၀၁၈


(၁)
ယနေ့ကမ္ဘာကြီးတွင် ကုန်သွယ်ရေးစစ်ပွဲက ဖြစ်နေပါပြီ၊ ကုန်ထုတ်လုပ်မှုကိုလည်းအားမပေး၊ လိုလည်း မလိုအပ်၊ သို့ပါသော် လည်း ဤစစ်ပွဲသည် ရှိနေဦးမည်သာ၊ သမ္မတ ထရန့်၏ ၂၀၀ ဘီလီယံကျော် မျှ တန်ဖိုးရှိသည့် တရုတ် ထုတ်ကုန်ပစ္စည်းများအပေါ် အခွန်ကောက်မည့်ကိစ္စသည် ၂၄ စက်တင်ဘာလ (တနင်္လာ) တွင်စတင်သည်။ ယခုအခါ ၁၀% သာရှိသေးသော်လည်း ၂၀၁၈ နှစ်ကုန်တွင် ၂၅%အထိ တက်သွားမည်ဖြစ်၏၊ ထို့ပြင်တရုတ်က တန်ပြန်လာပါက ပို၍ပို၍တိုးကာ အခွန်ကောက်ဦးမည်ဟုဆို သည်။ တရုတ်ပြည်က ယခုအပတ်တွင်ကျင်းပရန်ရှိသော ညှိနှိုင်းတွေ့ဆုံပွဲဖျက်သိမ်းခြင်းဖြင့်တုန့်ပြန် သည်။

(၂)
ကုန်ထုတ်လုပ်သူများနှင့်စားသုံးသူများအဖို့မူ တရုတ်ဘက်နှင့် အမေရိကန်နှစ်ဘက်စလုံးတွင် ထိခိုက် ဖွယ်ရှိနေသည်။ နောက်နှစ် တရုတ်ပြည်၏ ဂျီဒီပီသည် ရာနှုန်းတစ်ခုလောက် လျော့ကျဘွယ်ရှိသည်။ အမေရိကန် စီးပွားရေးအပေါ်ထိခိုက်မူများရှိသော်လည်း များစွာပြောပလောက်ဘွယ်မရှိပါ။

လိပ်ခဲတင်းလင်း ဖြစ်နေရမူမှာမလိုအပ်ပါ၊ အိမ်ဖြူတော်အတွက်စိုးရိမ်ရမူများကို ပိုမိုကောင်းသော နည်းများဖြင့်ဖြေရှင်းနိုင်ပါသည်။  WTO- World Trade Organization ဘက်ကိုကြည့်ပြန်လျင်လည်း ၄င်းအနေဖြင့် ဘာမှမတတ်နိုင်၊ ပြဿနာကို ဘယ်ကစ၍ ဘယ်လိုဖြေရှင်းရမည်ကိုမသိဖြစ်နေသည်။

ကမ္ဘာ၏အကြီးဆုံးစီးပွားရေးစနစ်နှစ်ခု၏ ပြိုင်ပွဲမှာနှစ်ဘက်စလုံးကအင်အားကောင်းနေသည်။ စက်မှု စွမ်းအားနှင့် လုပ်နည်းလုပ်ဟန်မှာ သူမသာကိုယ်မသာဖြစ်နေသည်။ အမေရိကန်တို့ကသူတို့ စီးပွားရေး ကပိုမိုကောင်းမွန်ပြီး ဘာတွေဘဲတွေ့ကြုံရသည်ဆိုစေ အောင်နိုင်ရမည်ဟုသာယူဆသည်။

တရုတ်ပြည်၏ ကုန်ထုတ်လုပ်မှု တိုးပွားမှုနူန်းမှာ လျော့ကျလာနေပြီး ကုန်သွယ်ရေးအပေါ်တွင် ပိုမို၍ မှီခိုနေရသည်။ သို့သော်အစိုးရက အာဏာရှင်ဆန်ပြီး ပြည်သူတို့၏ အယူအဆများ ကိုအလွယ်တကူ လွှမ်းမိုးနိုင်သည်။ ထို့ကြောင့် တိုင်းပြည်တွင် ယနေ့တွေ့ကြုံနေရသည့် ပြသနာများကို ရေရှည်ကိုကြည့် ၍ကျော်လွှားနိုင်ကြမည်ဟုယုံကြည်ကြသည်။
တရုတ်တို့က ပြောသည်မှာ အမေရိကန်တို့၏ လုပ်ရပ်များသည် ၀ိုးတ၀ါးနိုင်ပြီး တောင်းဆိုချက်များမှာ မဖြစ်နိုင်ဟုယူဆသည်။ အမေရိကန် စီးပွားရေးဌာန (Treasury) က အမေရိကန်လုပ်ပစ္စည်း (ဥပမာ Natural Gas) များကို ပိုမို၍၀ယ်ယူစေလိုကြသည်။ တရုတ်တို့၏ ကုန်သည်ရေးတွင်လုပ်နည်းလုပ်ဟန် များကိုမကြိုက်နှစ်သက်၊ သူတို့၏ အခြေခံပြသနာကို ရှုမြင်ပုံမှာ သဘာဝမကျဟု ယူဆသည်။

သူတို့က တရုတ်အစိုးရသည် အမေရိကန်တို့ထံမှ ၀ယ်ယူမည့်ပစ္စည်းအရေအတွက် နှင့် အမျိုးအစားကို ထိန်းချုပ်မှုရှိသည်ဟု ယူဆသည်။ ယေဘူယျအားဖြင့် ထိုသို့သော ဆုံးဖြတ်ချက်ကို အမေရိကားတွင် နေအိမ်များနှင့် ကုမ္ပဏီကြီးများက ဆုံးဖြတ်ပါသည်။ သို့ပါသော်လည်း တရုတ်တို့ သုံးစွဲနိုင်ရန် ပစ္စည်း ကိုထုတ်လုပ်ဖို့ နေနေသာသာ၊ ပြည်တွင်းလုံလောက်ရန်ပင် အနိုင်နိုင်ထုတ်လုပ်နေရသည်။ ထို့ကြောင့် ထုတ်ကုန်နှင့်သွင်းကုန် ညီမျှရေးကို ရည်ရွယ်လုပ်ဆောင်နေသည့် အမေရိကန်တို့ ၏ ရည်ရွယ်ချက်မှာ အောင်နိုင်ဘွယ်ရာ မရှိချေ။

အိုဘားမားခေတ်က စွတ်စွဲခဲ့သလို တရုတ်စစ်တပ်က အင်တာနက် ( Cyber- enable commercial Theft) မှတဆင့်အသိပညာများကိုခိုးယူနေသည့်ကိစ္စမှာလည်း တဖြည်းဖြည်းနှင့်အေးလာနေသည်။ ထို့ပြင် တရုတ်တို့က ကုမ္ပဏီအချင်း (JV-Joint Venture ) လုပ်ပြီးအမေရိကန်တို့၏ တက်ခနိုလိုဂျီ ကိုခိုးယူနေခြင်း မှာလည်း မပြောပလောက်တော့ပါ၊ ၂၀၁၆ ခု တရုတ်ပြည် အမျိုးသား စီမံကိန်းဌာနမှ ထုတ်ပြန်ချက် များအရ ဂျေဗွီ တို့၏ အကောင့်များမှ တရုတ်ပြည်တွင်းသို့ ရင်းနှီးမြှုပ်နှံမှုစီးဝင်နေခြင်းမှာ လေးပုံတစ်ပုံ အထိကျဆင်းသွားပြီဟုဆိုသည်။ ၁၉၉၈ ခုနှစ်က သုံးပုံနှစ်ပုံ ရှိခဲ့သည်။
အမေရိကန်တို့၏ အမြင်တွင် တရုတ်တို့၏ စီးပွားရေးတခုလုံးမှာ အစိုးရက တွန်းအားပေးလုပ်ဆောင် နေသည်။ အစိုးရ၏ ပါဝင်ပါတ်သက်မူများ များပြားလွန်းနေသည်။ ထို့ကြောင့် တရုတ်ကုမ္ပဏီများက နိုင်ငံခြားကုမ္ပဏီများနှင့် ဆွေးနွေးကြရာတွင် အခွင့်အရေးအများကြီးရနေသည်။ အထူးသဖြင့် တရုတ် ပြည်၏ကြီးမားသောဈေးကွက်တွင်ဝင်လိုသောကုမ္ပဏီများအတွက်ဖြစ်သည်။ သို့ပါသော်လည်း တရုတ် တို့၏ ဤအချက်ကို ပြုပြင်နိုင်ရေးမှာ အပြည်ပြည်ဆိုင်ရာ ဥပဒေများကို ပြင် ဆင်ပြီးမှ ရနိုင်မည်။

အထူးသဖြင့်ထရန့်အစိုးရက ထိုသို့သော လုပ်ငန်းများတွင် ကင်းကင်းရှင်းရှင်းနေလိုသည်။ သူ့အစိုးရက TPP Trans-Pacific Partnership မှထွက်ခဲ့သည်။ တရုတ်တို့နှင့်လည်းသီးသန့် ရင်းနှီးမြှုပ်နှံမှုကိုမဆွေး နွေးလို၊ ကမ္ဘာ့ကုန်သွယ်ရေးအဖွဲ့ကြီးနှင့်သာအလုပ်လုပ်လိုသည်။

အမေရိကန်တို့က ကုန်သွယ်ရေးအဖွဲ့ကြီး အတွက် တရားသူကြီးများ အသစ်ခန့်ထားရေးကိုလည်း ပိတ်ဆို့ (Block ) ထားသည်။ ထွက်မည်ဟုလည်းချိန်းခြောက်နေသည်။ သူကိုယ်တိုင်ကမူ ၁၉၉၅ ခုနှစ် က ဤအဖွဲ့အစည်း ဖြစ်မြောက်ရေးအတွက် အရေးကြီးသောနေရာမှ ပါဝင်ခဲ့သည်။

ထရန့်အစိုးရက ကုန်သွယ်ရေးအဖွဲ့ကြီး၏ ဥပဒေများကို မထေမဲ့မြင်ပြုလျက်ရှိပြီး သံမဏိများ အပေါ် အခွန် ကောက်ခံရာ တွင် အမျိုးသားလုံခြုံရေးကို ထိခိုက်သည်ဟု အကြောင်းပြလိုက်သေးသည်။ ဤကိစ္စအပေါ် တရုတ်တို့သာမက ဥရောပ ယူနီယံကလည်း ကန့်ကွက်လျက်ရှိသည်။

တရုတ်ပြည်အနေဖြင့် ၂၀၀၁ ခုနှစ် ကုန်သည်ရေးအဖွဲ့ကြီးသို့ ၀င်ချိန်ကစပြီး ၄င်း၏ဥပဒေများကို လိုက် နာခဲ့ပါသည်။ စွန့်ပစ်ပစ္စည်းများနှင့် ပတ်သတ်ပြီး တရုတ်အပေါ် အရေးယူခဲ့ခြင်းများကိုလည်း ကျေကျေ နပ်နပ်ခံယူခဲ့သည်။ လိုက်လျောရသည့် အဓိကအကြောင်းမှာ အမေရိကန်တို့နှင့်  စကားပြောရာတွင် ကုန်သွယ်ရေး အဖွဲ့သည်အသုံးကျလိမ့်မည်ဟု ယူဆသောကြောင့်ဖြစ်သည်။

တရုတ်ကုမ္ပဏီများမှာမြေပိုင်ဆိုင်မှုကအစဘဏ်များ၊ တာဝန်ရှိ ပုဂ္ဂိုလ်များနှင့်ဆက်ဆံရေး အစရှိသည် တို့တွင်အသာရလျှက်ရှိသည်။ ထိုအရာများမှာနည်းဥပဒေများ၌ မပါဝင်ပေ။ ထို့ကြောင့် ကုန်သွယ်ရေး အဖွဲ့ကြီး၏ ဥပဒေများတွင် အစိုးရနှင့် ကုမ္ပဏီများ ဆက်ဆံရေးအကြောင်း၊ နိုင်ငံခြားကုမ္ပဏီများပါဝင်မှု အကြောင်း ထည့်သွင်း၍ ဥပဒေပြဌာန်းရန်လိုအပ်နေသည်။

အမေရိကန်နှင့် တရုတ်တို့ဆက်ဆံရေး ဘယ်လိုဘဲရှိစေ ဥရောပကောင်စီနှင့် တရုတ်တို့ဆက်ဆံရေးမှာ ပိုမိုကောင်းမွန်သည်။ ၂၀၁၅ နှင့်၂၀၁၆ အတွင်းတွင် ဥရောပကောင်စီမှတရုတ်ပြည်တွင်းရှိ ရင်းနှီးမြှုပ်နှံ မူမှာနှစ်ဆတိုးလာသည်ဟု ကုလသမ္မဂ္ဂ သတင်းများကဆိုသည်။

ဥရောပကောင်စီအနေဖြင့် တရုတ်ပြည်၏ ကန့်သတ်ချက်များကို သဘောမကျနိုင်ဖြစ်နေသည်။ ဘဏ္ဍာ ရေးဆိုင်ရာဌာန၊ စွမ်းအင်နှင့်ဆက်သွယ်ရေးတို့တွင်ကန့်သတ်ထားချက်များကိုမနှစ်မြို့နိုင်ပေ၊ သို့သော် ဥရောပကောင်စီမှာ အမေရိကန်ကဲ့သို့ တရုတ်တို့အတွက် ပြိုင်ဘက်မဟုတ်ပေ၊ သူသည် တရုတ်ပြည် ၏ ဆီမီကွန်ဒတ်တာ ထုတ်လုပ်ရေးနှင့် လေယာဉ်ပျံတည်ဆောက်ရေးလုပ်ငန်းများကို စိတ်မ၀င်စားပေ။

အမေရိကန်က တရုတ်ကိုထိခိုက်အောင် လုပ်သော လုပ်ရပ်များမှာ ဥရောပသို့လည်း ထိခိုက်လျက် ရှိသည်။ အဘယ်ကြောင့်ဆိုသော်သူတို့မှာတရုတ်တို့နှင့်တိုက်ရိုက်ပတ်သက်နေသောကြောင့်ဖြစ်သည်။

ဥရောပကောင်စီက ကုန်သွယ်ရေးအဖွဲ့ကြီးကိုပြုပြင်ရန် နည်းလမ်းများကိုအကြံပြုလျှက်ရှိသည်။ သူတို့ အနေဖြင့် တရုတ်တို့နှင့် နားလည်မူရရှိကောင်း ရရှိနိုင်သော်လည်း အမေရိကန်နှင့် နားလည်မူရရှိရေး မှာခက်ခဲလျက်ရှိသည်။ ထရန့်အနေဖြင့်လည်း ကုန်ပစ္စည်းများအပေါ် အခွန်ကောက်ယူခြင်းကို သူ့ပါတီ တွင်းမှာပင် သဘောမတူသူများရှိနေသည်ဖြစ်ရာ နိုဝင်ဘာရွေးကောက်ပွဲတွင်ဒီမိုကရက်တစ်ပါတီက သာ အနိုင်ရရှိပါက ဘာဖြစ်မည်ကိုပြောရန်ခက်ခဲသည်။

မည်သို့ဆိုစေ ယခုအခက်အခဲများမှလွတ်မြောက်ရန် ကမ္ဘာကုန်သွယ်ရေးအဖွဲ့ကြီးမှတပါးအခြား နည်း လမ်းမရှိပါ၊ မစ္စတာထရန့်ကြိုက်သည်ဖြစ်စေ မကြိုက်သည်ဖြစ်စေ ဤနည်းလမ်းကိုလိုက်စရာသာရှိ တော့သည်။

(၃)
အဒမ်စမစ် ကစ၍ အစဉ်အဆက် စီးပွားရေးပညာရှင်များက ပြောဆိုလာခဲ့ကြသည်မှာ စီးပွားရေးတွင် နယ်နိမိတ်မျဉ်းများ ပပျောက်သွားရေးဖြစ်သည်။ ဂလိုဗယ်လိုက်ဇေးရှင်း ၏နည်းနာများအရ ကမ္ဘာ့ရွာ ကြီးဖြစ်မြောက်ရေးမှာလည်း နယ်နိမိတ်တွင် အခွန်ကောက်မှုပပျောက်ရေးဖြစ်သည်။ ထိုနည်းနာ များမှ သွေဖယ်၍တစ်နိုင်ငံကောင်း လုပ်ဆောင်နေမှုများမှအောင်မြင်ဘွယ်ရာမရှိပါ။

ကိုသန်းလွင်
Ref: Big Tarrifs, more Tariffs and their fix, by Yukon Haung New York Times, September 25, 2018.


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကိုသန်းလွင်, ရသဆောင်းပါးစုံ

စာဖတ်သူတွေရဲ့ ပြောရေးဆိုခွင့်

This site uses Akismet to reduce spam. Learn how your comment data is processed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

ဒေါ်ခင်မျိူးချစ်၏ သတင်းစာလောက ထွက်ပါပြီ

By

ဒေါ်ခင်မျိူးချစ်၏ သတင်းစာလောက ထွက်ပါပြီ (မိုးမခ) သြဂုတ် ၂၄၊ ၂၀၁၈ စာရေးဆရာမကြီး ဒေါ်ခင်မျိူးချစ်...

Read more »

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ်

By

ဂီတအနုပညာရှင်ကြီး မာမာအေး စိန်ရတုမွေးနေ့ အမှတ်တရ မိုးမခစာအုပ်ထုတ် (မိုးမခစာအုပ်စင်) သြဂုတ် ၁၇၊ ၂၀၁၈...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments