ချင်းအမျိုးသားတပ်ဦး ခေါင်းဆောင် ပြောပြတဲ့ နေပြည်တော် ထိပ်သီးအစည်းအဝေးအကြောင်း

October 19, 2018

ချင်းအမျိုးသားတပ်ဦး ခေါင်းဆောင် ပြောပြတဲ့ နေပြည်တော် ထိပ်သီးအစည်းအဝေးအကြောင်း

အောင်ငြိမ်းချမ်း/Myanmar Now

(မိုးမခ) အောက်တိုဘာ ၁၈၊ ၂ဝ၁၈

 
ဒေါက်တာဆလိုင်းလျန်မှုန်းဆာခေါင်ကို ဇွန်လအတွင်းက နေပြည်တော်ရှိ ငြိမ်းချမ်းရေးဆွေးနွေးပွဲတွင် တွေ့ရစဉ် (ဓာတ်ပုံ – ပြန်ကြားရေးဝန်ကြီးဌာန)

တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ်(NCA) လက်မှတ်ရေးထိုးခြင်း ၃ နှစ်ပြည့် အထိမ်းအမှတ်အဖြစ် ဒေါ်အောင်ဆန်းစုကြည်၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့် NCA လက်မှတ်ရေးထိုးထားသည့် တိုင်းရင်းသား လက်နက်ကိုင်အဖွဲ့ ခေါင်းဆောင်များ နေပြည်တော်တွင် ပြီးခဲ့သည့် ရက်ပိုင်းအတွင်း တွေ့ဆုံခဲ့ကြသည်။

အစည်းအဝေးတွင် ခွဲမထွက်ရေးနှင့် ကိုယ်ပိုင်ပြဋ္ဌာန်းခွင့်အပါအဝင် အချက် ၅ ချက်ကို ဆွေးနွေးခဲ့ကြပြီး ဆွေးနွေးပွဲရလဒ်များ၊ ရှေ့လုပ်ငန်းစဉ်များနှင့် ပတ်သက်ပြီး ချင်းအမျိုးသားတပ်ဦး(CNF) ၏ ဒုဥက္ကဋ္ဌ၊ ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ(UPDJC) ၏ ဒုဥက္ကဋ္ဌ ဒေါက်တာဆလိုင်းလျန်မှုန်းဆာခေါင်ကို မေးမြန်းထားသည်များမှ ကောက်နုတ်ဖော်ပြလိုက်သည်။

မေး။ ။ ဆွေးနွေးပွဲရလဒ်က ဘယ်လိုအခြေအနေရှိလဲ။

ဖြေ။ ။ ထိပ်သီးဆွေးနွေးပွဲရဲ့ ဒုတိယနေ့မှာကတော့ အဓိက အရေးအကြီးဆုံး အချက်နှစ်ချက်ကို ကျွန်တော်တို့ ဆွေးနွေးပါတယ်။ တစ်ခုကတော့ တိုင်းရင်းသားတွေရဲ့ကိုယ်ပိုင်ပြဋ္ဌာန်းခွင့်နဲ့ တပ်မတော်က တင်ပြတဲ့ ခွဲမထွက်ရေးကိစ္စကို ကျွန်တော်တို့ ဆွေးနွေးပါတယ်။ ဒါပေမယ့် ကံမကောင်းချင်တော့ ကျွန်တော်တို့ အဖြေမရနိုင်သေးဘူး။ ဘာလို့လဲဆိုတော့ NCA လက်မှတ်ရေးထိုးထားတဲ့ တိုင်းရင်းသား ၁ဝ ဖွဲ့အနေနဲ့ ဒီကိစ္စကို တိုက်ရိုက် အဖြေပေးလို့မရသေးဘူး။ ဒါက တစ်နိုင်ငံလုံးအရေး၊ တိုင်းရင်းသား လူမျိုးအားလုံးအရေးနဲ့ ပတ်သက်တဲ့အတွက် ကျွန်တော်တို့အနေနဲ့ ဒီဟာကို ဖြေပေးဖို့ဆိုရင် လက်မှတ်မထိုးသေးတဲ့ အဖွဲ့တွေနဲ့လည်း တိုင်ပင်ဖို့လိုတယ်။ ကျွန်တော်တို့ နိုဝင်ဘာလ ဒုတိယအပတ်မှာ တိုင်းရင်းသားညီလာခံတစ်ခုခေါ်ဖို့ ရှိတယ်။ အဲဒီမှာ NCA လက်မှတ်ရေးထိုးတဲ့အဖွဲ့ရော မထိုးတဲ့အဖွဲ့ရော တိုင်ပင်ပြီးတော့ ခွဲမထွက်ရေးကိစ္စအတွက် ပေါ်လစီတစ်ခုကို အတူတကွ ချမှတ်ဖို့လိုတယ်။ အဲဒါပြီးမှပဲ ကျွန်တော်တို့ နိုဝင်ဘာလကုန်မှာ ပြန်တွေ့ဖို့ ကျွန်တော်တို့ ချိန်းထားပါတယ်။ ဖြစ်စဉ်ကြီးကတော့ မပြတ်သွားပေမဲ့ တိုင်းပြည်အတွက် အရေးကြီးတဲ့ ဆုံးဖြတ်ချက်ဖြစ်တဲ့ ခွဲမထွက်ရေးကိစ္စကို ကျွန်တော်တို့ နိုဝင်ဘာလအထိ စူးစိုက်မဲ့ သဘောပဲ ဖြစ်ပါတယ်လို့ တင်ပြချင်ပါတယ်။

ဒုတိယကတော့ တစ်ခုတည်းသောတပ်မတော်ကိစ္စက ယခင်က သဘောမတူနိုင်ပေမယ့် ဒီနေ့အချိန်မှာတော့ လွပ်လပ်၍ အချုပ်အခြာအာဏာပိုင်သော တိုင်းပြည်တစ်ခုမှာ တပ်မတော်ဆိုတာ တစ်ခုတည်းရှိရမယ် ဆိုတာ ကျွန်တော်တို့ သဘောတူပါတယ်။ အဲဒီအတွက်ကြောင့် တစ်ခုတည်းသော တပ်မတော်ရဲ့ ဖွဲ့စည်းပုံ ပုံသဏ္ဌာန် အဲဒီအထဲမှာ ကျွန်တော်တို့အားလုံး ဘယ်လို ပါဝင်ကြမလဲ။ ဒီတပ်မတော်ရဲ့ အခန်းကဏ္ဍက ဘယ်လိုရှိမလဲ ဆိုတာကို ကျွန်တော်တို့ ဆက်ဆွေးနွေးဖုိ့ဖြစ်ပါတယ်။ အဲဒါက ကျွန်တော်တို့ရဲ့ အင်မတန်မှကြီးမားတဲ့ ခြေလှမ်းတစ်ခုဖြစ်တယ်လို့ ပြောလို့ရတယ်။

မေး။ ။ ခွဲမထွက်ရေးဆိုတဲ့ခေါင်းစဉ်မှာ ဘယ်လိုကိစ္စမျိုးတွေကို ဆွေးနွေးလို့မရတာလဲ။

ဖြေ။ ။ နံပါတ် ၁ က NCA စာချုပ်မှာ ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှု မပြိုကွဲရေး၊ အချုပ်အခြာအာဏာ တည်တံခိုင်မြဲရေး ဆိုတာ ကျွန်တော်တို့ သဘောတူပြီးတော့ လက်မှတ်ထိုးပြီးသား ဖြစ်ပါတယ်။ လက်မှတ်ထိုးပြီးသားဖြစ်တဲ့ အတွက် ကျွန်တော်တို့တိုင်းရင်းသားတွေ ခွဲမထွက်ပါဘူး ဆိုပြီးတော့ ပြောပြီးသားဖြစ်ပါတယ်။ အဲဒါကို ခွဲမထွက်ရဆိုတဲ့ ပုံစံမျိုးနဲ့ အခြေခံမူမှာထည့်မယ်ဆိုရင် ကျွန်တော်တို့ဘက်မှာ အခက်အခဲရှိတာက ကျွန်တော်တို့ တိုင်းပြည်ကို ဒုက္ခအများဆုံးပေးခဲ့တာက ၁၉၄၇ ဖွဲ့စည်းပုံ အခြေခံဥပဒေမှာကို ခွဲထွက်ခွင့် မပေးခဲ့တဲ့ သဘောဖြစ်ပါတယ်။ ၁၉၆၂ ခုနှစ် ဗိုလ်ချုပ်ကြီးနေဝင်း အာဏာ သိမ်းခဲ့တဲ့အချိန်မှာ တိုင်းရင်းသားတွေရဲ့ ဖက်ဒရယ်ခွဲထွက်ရေးမူကြောင့် ဆိုပြီးတော့ ဖက်ဒရယ်နဲ့ခွဲထွက်ရေးကို ပေါင်းစည်းလိုက်တယ်။ ကျွန်တော်တို့အမြင်မှာတော့ ခွဲထွက်ရေးနဲ့ ခွဲမထွက်ရေးက ဖက်ဒရယ်မူနဲ့ ဘာမှ မဆိုင်ဘူး။ ဒါကြောင့် ၁၉၄၇ ဖွဲ့စည်းပုံအခြေခံဥပဒေထဲမှာ ခွဲထွက်ခွင့်ကို ထည့်ခဲ့တာလည်း ကျွန်တော်တို့အတွက် အကျိုးမရှိသလို၊ အခုလည်း ခွဲမထွက်ရဆိုတာကို ပြန်ထည့်ရင် နိုင်ငံရေးအရ ရေရှည်မှာ အကျိုးမရှိနိုင်ဘူးလို့ ကျွန်တော်တို့ သုံးသပ်ပါတယ်။ ဒါကြောင့် ဒါကို မထည့်သင့်ဘူး။ သို့သော် ဒေါ်အောင်ဆန်းစုကြည်ပြောတဲ့ မိန်ခွန်းထဲမှာ ခွဲထွက်ချင်စိတ် မရှိတဲ့ ပြည်ထောင်စုမျိုးပေါ့ အဲဒါမျိုးကပဲ ပိုသင့်တော်မလား ဆိုိတဲ့အမြင် ကျွန်တော်တို့မှာ ရှိပါတယ်။ ခွဲမထွက်ချင်သော ပြည်ထောင်စုမျိုးဆိုရင် ကျွန်တော်တို့ တိုင်းရင်းသားတွေ နှစ်ပေါင်း ၇ဝ လက်နက်ကိုင် တော်လှန်ရေးလုပ်ပြီးတော့ တောင်းဆိုနေတဲ့ ဒီမိုကရေစီအရေး၊ အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့် အခွင့်အရေးတွေကို အာမခံချက်ပေးတဲ့ ပြည်ထောင်စုအဖြစ်နဲ့ ထူထောင်ဖို့ လိုပါတယ်။ ဒီသုံးခုဖြစ်တဲ့ ဒီမိုကရေစီအရေး၊ အမျိုးသားတန်းတူရေးနဲ့ ကိုယ်ပိုင်ပြဋ္ဌာန်းခွင့် ဆိုတာကလည်း NCA စာချုပ်မှာ ပါပြီးသားဖြစ်တဲ့အတွက် NCA စာချုပ်အတိုင်း အကောင်အထည်ဖော်တာ ပိုကောင်းပါတယ်။ ခွဲထွက်ခြင်း၊ ခွဲမထွက်ခြင်း ဆိုတာက NCA စာချုပ်မှာ မပါပါဘူး။ ဒါကြောင့် အဲဒါကို ကျွန်တော်တို့အနေနဲ့ ဒါမထည့်ပဲနဲ့ အချင်း နားလည်မှုနဲ့ ဆောင်ရွက်ဖို့ မသင့်တော်ဘူးလား ဆိုပြီးတော့ ကျွန်တော်တို့ တင်ပြခြင်းဖြစ်ပါတယ်။

မေး။ ။ အစည်းအဝေးရလဒ်တွေအပေါ်ရော ကျေနပ်မှုရှိလား။

ဖြေ။ ။ ကျွန်တော် အများကြီး ကျေနပ်ပါတယ်။ အစည်းအဝေး မစခင်ကတည်းက မီဒီယာတွေမှာ ပြောခဲ့တာ ရှိပါတယ်။ ဒီလိုစနိုင်တာကိုကပဲ အင်မတန်မှ အရေးကြီးတဲ့ ကိစ္စတစ်ခုဖြစ်တယ်လို့။ ဒီတစ်ပွဲတည်းနဲ့ ပြဿနာအားလုံး ဖြေရှင်းနိုင်လိမ့်မယ် ဆိုတာမျိုးတော့ မမျှော်လင့်သင့်ဘူးဆိုတာ ကျွန်တော်ပြောခဲ့ပါတယ်။ အခုကလည်း ကျွန်တော်တို့က ပြဿနာအားလုံး ပြေလည်အောင် မဆောင်ရွက်နိုင်ပေမယ့် ဆက်လက် ဆောင်ရွက်နိုင်ဖို့ပေါ့၊ ခုနက ပြောသလို နိုဝင်ဘာလမကုန်ခင်မှာ ကျွန်တော်တို့ပြန်တွေ့မယ်။ ပြီးတော့ သဘောတူထားတာကလည်း ပြီးခဲ့တဲ့ ညီလာခံမှာ ကျွန်တော်တို့ ကြေညာခဲ့သလို ၂ဝ၁၈ အတွင်းမှာ ကျွန်တော်တို့ ညီလာခံတစ်ခါ ပြန်လုပ်မယ်၊ ၂ဝ၁၉ အတွင်းမှာ နှစ်ခါထပ်လုပ်မယ်။ အဲဒီမှာ ဒီမိုကရေစီနဲ့ ဖက်ဒရယ်အခြေခံမူ အားလုံးကို ရအောင်လုပ်မယ် ဆိုတဲ့ သန္နိဋ္ဌာန်ကို ချထားတဲ့အတွက် ဒီအစည်းအဝေးမှာလည်း ဒါကို ထပ်ပြီးတော့ ကျွန်တော်တို့ သဘောတူနိုင်ခဲ့တဲ့အတွက် ကျွန်တော့် အမြင်မှာတော့ ဒီအစည်းအဝေးက အောင်မြင်တဲ့အစည်းအဝေး ဖြစ်ပါတယ်လို့ တင်ပြချင်ပါတယ်။

မေး။ ။ NCA မှာ လက်မှတ်မထိုးရသေးတဲ့ လက်နက်ကိုင် အဖွဲ့တွေကိုရော ဘာပြောချင်လဲ။

ဖြေ။ ။ သူတို့ အခန်းကဏ္ဍကို ကျွန်တော်တို့ကလည်း အလေးထားတယ်၊ အစိုးရကလည်း ထားတယ်၊ တပ်မတော်ကလည်း ထားတယ်။ ခုနကလို အရေးကြီးတဲ့ ခွဲမထွက်ရေးလိုကိစ္စမျိုးမှာ သူတို့အမြင်နဲ့ သူတို့ရဲ့ သဘောထားကိုလည်း ကျွန်တေ်ာတို့ ထည့်သွင်းစဉ်းစားဖို့ နှစ်ဖက်စလုံးက သဘောတူတဲ့အပေါ်မှာ သူတို့ကို ကျွန်တော်တို့ အလေးအနက်ထားတယ်ဆိုတာ တင်ပြချင်ပါတယ်။

မေး။ ။ ဖြည့်စွက်ပြောကြားချင်တာများရှိသေးလား။

ဖြေ။ ။ ပြီးခဲ့တဲ့ ၂ဝ၁၅ မှာ၊ NCA စာချုပ်ချုပ်ဆိုပြီးတဲ့နောက်ပိုင်းပေါ့။ ကျွန်တော်တို့ ညီလာခံ ၃ ခါလုပ်ပြီးပြီ။ ပြီးတော့ UPDJC အစည်းအဝေးတွေလည်း အများကြီးလုပ်ခဲ့တယ်။ လုပ်ငန်းကော်မတီ အစည်းအဝေးတွေလည်း အများကြီး လုပ်ခဲ့တယ်။ သို့သော် ကျွန်တော်တို့က UPDJC ရဲ့ လုပ်ငန်းကော်မတီ အစည်းအဝေးတွေမှာ နည်းပညာအရ ဒီမိုကရေစီနဲ့ ဖက်ဒရယ်အခြေခံမူတွေကို ဖေါ်ထုတ်နိုင်ပေမယ့် အခုလို ခွဲမထွက်ရတို့ ကိုယ်ပိုင်ပြဋ္ဌာန်းခွင့်တို့ ဆိုတဲ့ကိစ္စက နိုင်ငံရေးပြဿနာဖြစ်တယ်၊ နည်းပညာပြဿနာ မဟုတ်ဘူး။ ဒီနိုင်ငံရေးပြဿနာကို ဒီတိုင်းပြည်တွေမှာရှိတဲ့ ထိပ်ဆုံးခေါင်းဆောင်တွေကိုယ်တိုင်က ကိုယ်တိုင်ကိုယ်ကျ ပါဝင်ပြီးတော့ ဆွေးနွေးအဖြေရှာတာဟာ အကောင်းဆုံးနည်းလမ်းဖြစ်ပါတယ်။ ဒီနည်းလမ်းကို ဒီပွဲမှာ ကျွန်တော်တို့စတင်နိုင်တဲ့အတွက် ဒါအင်မတန်မှ ကောင်းတဲ့ ပထမခြေလှမ်းဖြစ်တယ်လို့ ပြောချင်တယ်။ နိုဝင်ဘာလမကုန်ခင်မှာ ကျွန်တော်တို့ပြန်တွေ့ရင်တော့ ကိုယ်ပိုင်ပြဋ္ဌာန်းခွင့်နဲ့ ခွဲမထွက်ရေးကိစ္စကိုလည်း ကျွန်တော်တို့ အကျေအလည် ဖြေရှင်းနိုင်လိမ့်မယ်လို့ မျှော်လင့်တယ်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:အင်တာဗျူး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း

By

  မိုးမခမဂ္ဂဇင်း စက်တင်ဘာ ၂၀၁၈ နဲ့ ကာတွန်းရေစီးကြောင်း ထွက်တော့မယ် (မိုးမခ) စက်တင်ဘာ...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments