မောင်စွမ်းရည် – သဒ္ဒါထဲက ကကြီး

November 8, 2018

မောင်စွမ်းရည် – သဒ္ဒါထဲက ကကြီး

(မိုးမခ) နိုဝင်ဘာ ၈၊ ၂၀၁၈

နယူးယောက်မြို့မှာ ၂၀၁၈ ခုနှစ်အတွက် စာပေဟောပြောပွဲတရပ် အောင်အောင်မြင်မြင် ကျင်းပပြီး သွားခဲ့ပါပြီ။ အောက်တိုဘာ ၇ ရက်နေကပါ။ ဟောပြောသူ နှစ်ဦးပါ။ အော်ပီကျယ်နဲ့ မင်းကိုနိုင်။ အဟောကောင်း၊ အပြောကောင်း ပညာရှင်စာရေးဆရာတွေဖြစ်ကြလို့ စနစ်တကျ အသားပါပါ၊ စီကာပတ်ကုံး၍ ပြောသွားနိုင်ကြပါတယ်။ ဒါကြောင့် ပရိသတ်ကလည်း အထူးသဘောကျပါတယ်။ ကျွန်တော်က အစောကြီး ရောက်သွားလို့ နံရံတွေမှာကပ်ထားတဲ့ ဟောပြောပွဲကြော်ငြာတွေကို အသေအချာ လိုက်ဖတ်မိပါတယ်။

“ပြည်သူ့ဂုဏ်ရည်အသင်း (မှ) တာဝန်ခံ ဖိတ်ကြားစီစဉ်ပြီး အမေရိကန်ပြည်ထောင်စုရှိ တိုင်းရင်းသား မြန်မာမိသားစုများ (မှ) စုပေါင်း ဧည်ခံစီစဉ်သည်။” တဲ့။ အဲဒီမှာ (မှ) နှစ်လုံးတောင် ပါရှိနေပါတယ်။ ပြည်သူ့ဂုဏ်ရည်အသင်းကလည်း သဒ္ဒါသဘောအရပြောရရင် ကတ္တား။ မြန်မာမိသားစုများကလည်း ကတ္တား။ ဒါကြောင့် သူတို့နောက်က ကပ်သုံးထားတဲ့ (မှ) ဟာ ကတ္တားနောက်ဆက် ကတ္တာားဝိဘတ်လို့ ဆိုရပါလိမ့်မယ်။

မြန်မာသဒ္ဒါမှာ ကတ္တားနောက်ဆက် (ကတ္တားဝိဘတ်)များက သည်၊ က၊ မှာ၊ ကား ကတ္တားနောက်ဆက်တဲ့။ အားလုံး (၄)လုံးရှိပါတယ်

ဝါကျလုပ်ကြည့်ရင်

(၁) မန္တလေး သည် ဗမာပြည်၏ အလယ်ပိုင်း၌ တည်ရှိသည်။

(၂) ဆရာ က စာရေးနေပါတယ်။

(၃) ဆယ်နာရီထိုးပြီ မောင်လှ မှာ မနိုးသေး။

(၄) ကျောင်းတက်သွားပြီ ဆရာ ကား မလာသေး။

စကားပြောရာမှာ (က) ကိုအသုံးများပြီး စာရေးရာမှာ (သည်) ကိုအသုံးများပါတယ်။ (မှာ၊ ကား) တို့ကတော့ မှား၊ မှန် ခွဲခြားပြောတာဖြစ်လို့ အသုံးနည်းပါတယ်။ စာထဲမှပဲ အသုံးများပါတယ်။

သည် လေးလုံးထဲမှာပါဝင်တဲ့ (က)ဟာ ထွက်ခွာရာပုဒ် နောက်ဆက်အဖြစ်လည်းသုံးပါတယ်။ ဥပမာ- (၁) မင်း ဘယ် (က) လာသလဲ။

(၂) ကျွန်တော် မန္တလေး (က) လာပါတယ်။

(က) (၃) ကျွန်တော် မန္တလေး (က) ရန်ကုန် (ကို) သွားပါမည်။ (သို့မဟုတ်)

(က) (၃) ကျွန်တော်သည် မန္တလေး (မှ) ရန်ကုန် (သို့) သွားပါမည်။

ဒီနေရာမှာ (က)နှင့် (မှ) ဖလှယ်အစားထိုးလို့ရတယ်။ (က)ကို ကတ္တာဝိဘတ်အဖြစ် သုံးတုန်းကတော့ ဆရာ(က)စာရေးနေတယ်လို့ သုံးခဲ့တယ်။ အဲ့ဒီ ကတ္တားဝိဘတ် (က) ကိုတော့ “ကျွန်တော် မန္တလေး(က) လာတယ်” ဆိုတဲ့ ထွက်ခွာရာပုဒ်နောက်ဆက်ဖြစ်တဲ့ (က) ကို မန္တလေး (မှ) ဆိုတဲ့ ထွက်ခွာရာပုဒ် နောက်ဆက်နဲ့ အစားထိုးဖလှယ်သလို ဖလှယ်ခွင့်မရှိပါ။ အဲဒါ မှားတတ်တဲ့ ကိစ္စတခုပဲ။

အစားထိုးလိုက်ရင် “ဆရာ (မှ) စာရေးနေသည်။” ဖြစ်သွားကာ မှားမယ်။ သဘာပတိ (မှ) မိန့်ခွန်းပြောမည်။ ပြည်သူ့ဂုဏ်ရည်အသင်းမှ ဖိတ်ကြားသည်။ အဲသလိုအမှားမျိုးဖြစ်သွားပါတယ်။

××××

နောက်တမျိုးက (၌၊ မှာ၊ တွင်၊ ၀ယ်၊ က)၊ အချိန်ပြ နှင့် နေရာပြ …တဲ့။

အဲ့ဒီအထဲမှာ (က) တလုံးပါနေပြန်ပါတယ်။ ၀ါကျလုပ်ကြည့်ရအောင် …

အချိန်ပြ၀ါကျများ

(၁) ယနေ့ည သန်းခေါင်ယံ (၌) မိုးရွာမည်။

(၂) နံနက် ၁၀ နာရီ (မှာ) ထမင်းစားမည်။

(၃) အောက်တိုဘာ ၇ ရက်နေ့ (တွင်)းလွှဲ ၁ နာရီ (၌) စာပေဟောပြောပွဲ စတင်ပါမည်။

(၄) နံနက်ပိုင်း (၀ယ်) နေသာဖွယ်ရှိသည်။

(၅) မနေ့ (က) မိုးမရွာဘူး။

ဒီအထဲက အမှတ်စဉ် (၅) – မနေ့ (က) ဆိုတာ အချိန်ပြပေါ့။ ဘယ်တုန်း (က) လာသလဲ။ ဘယ်အချိန် (က) နိုးနေသလဲ။ မနှစ် (က) ရုံးလာတယ်။

မြန်မာသဒ္ဒါမှာ (ကကြိးရေက) ဆိုတဲ့ (က)ဟာ ၀ိဘတ်အဖြစ်နဲ့ လေးနေရာတွေ့ရပါတယ်။

(၁) ကတ္တားဝိဘတ်

သည်၊ က၊ မှာ၊ ကား – ကတ္တားဝိဘတ်

(၂) အချိန်ပြ၀ိဘတ်

၌၊ မှာ၊ တွင်၊ ၀ယ်၊ က – အချိန်ပြ၀ိဘတ်

(၃) နေရာပြ၀ိဘတ်

၌၊ မှာ၊ တွင်၊ ၀ယ်၊ က – နေရာပြ၀ိဘတ်

(၄) ထွက်ခွာရာပြ၀ိဘတ်

မှ၊ က

ဒါတွေဟာ သဒ္ဒါသုံးအဖြစ်နဲ့ ထုတ်ကြတာပါ။ ကြိယာအဖြစ်သုံးရင်

(၁) “မ မ ထ က” ဆိုတဲ့ သူငယ်တန်းဖတ်စာထဲက (က) ဟာ ကခုန်သည်ဆိုတဲ့ ကြိယာအနေနဲ့ သုံးထားတာ မဟုတ်လား။

(၂) လှည်း က သည် ဆိုရာမှာ လှည်းကို နွားတပ်ဆင်လိုက်တာကို ပြောတာမဟုတ်လား။

(၃) ဒီ နာရီဟာ တထောင် မက ဘူးပေးရတယ်။

(၄) တထောင် ဘယ်က မလဲ။ တထောင့်ငါးရာတောင် ပေးရတယ်။

မိုးရွာ က ပျိုးသာလိမ့်မည်တဲ့။ ကဲ အဲဒါကျတော့ ဘာခေါ်မလဲ။ မိုးရွာသည်ဆိုတဲ့ ၀ါကျနဲ့ ပျိုးသာသည်ဆို တဲ့ ၀ါကျနှစ်ခု ဆက်ရတာဆိုတော့ (သမ္ဗန္ဓ) လို့ ခေါ်ရမှာပေါ့။ ကဲ အဲဒါတွေက ကကြီးတလုံးတည်းနဲ့ ကပ်ရှုပ်နေ တာတွေပါ။ (က) ကိုယ်သုံးတက်ရင် သဒ္ဒါဘက်မှာ တော်တော်ဟန်ကျပြီဆိုရပါမယ်။ မြန်မာလူမျိုးက မြန်မာသဒ္ဒါ မှန်အောင် ကြိုးစားရမှာပေါ့။ ကြိုးစားကြစို့။

မောင်စွမ်းရည်


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:မောင်စွမ်းရည်

One Response to မောင်စွမ်းရည် – သဒ္ဒါထဲက ကကြီး

  1. […] Source : မိုးမခ […]

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)