fbpx

ထက်ခေါင်လင်း (Myanmar Now) ● အငှားယာဉ်မောင်း သေဆုံးမှု အမှုမှန်ပေါ်အောင်စစ်ပေးရန် မိခင်က သမ္မတထံတိုင်ကြား ထား

November 12, 2018

● အငှားယာဉ်မောင်း သေဆုံးမှု အမှုမှန်ပေါ်အောင်စစ်ပေးရန် မိခင်က သမ္မတထံတိုင်ကြား ထား
(မိုးမခ) နိုဝင်ဘာ ၁၂၊ ၂၀၁၈


ရန်ကုန်၊ နိုဝင်ဘာ ၁၂ —ခိုးမှုကြံရာပါသံသယဖြင့် ဖမ်းခံခဲ့ရသည့် အငှားယာဉ်မောင်းတစ်ဦး အမှုစစ်ခံနေစဉ် အတွင်း ပြီးခဲ့သည့်စက်တင်ဘာလက သန်လျင်မြို့နယ်၌ သေဆုံးခဲ့သည့်ကိစ္စနှင့်ပတ်သက်ပြီး ကာယကံ ရှင်၏ မိခင်က ထိုကိစ္စကို စစ်ဆေးပေးရန် နိုင်ငံတော်သမ္မတအပါအဝင် သက်ဆိုင်ရာ ဌာနများသို့ ပြီးခဲ့သည့် လပိုင်းအတွင်း စာဖြင့် တိုင်ကြားထားသည်။

သန်လျင်မြို့နယ် ဗိုလ်ချုပ်နေဝင်းလမ်းနေ အငှားယာဉ်မောင်း အသက် ၂၈ နှစ်အရွယ် ကိုအောင်အောင်သည် စက်တင်ဘာ ၁၂ ရက်နေ့ ညက သန်လျင်မြို့နယ်အတွင်း ခရီးသည်အမျိုးသားနှစ်ဦးကို ပို့ဆောင်ပေးနေစဉ် ရဲက ပိတ်ဆို့ရှာဖွေသည့် နေရာအရောက် စစ်ဆေးခံစဉ် ခရီးသည်နှစ်ဦးနှင့်အတူ ပါလာသည့် ဘက်ထရီအိုးနှစ်လုံးမှာ ခိုးရာပါ ပစ္စည်းများဖြစ်ကြောင်း၊ ထိုခိုးမှုတွင် ကိုအောင်အောင်လည်း ပါဝင်သည်ဟု ရဲကယူဆကာ သန်လျင် မြို့နယ် ရဲစခန်းသို့ ဖမ်းခေါ်သွားခဲ့ကြောင်း အတူနေ မိခင် ဒေါ်အေး၏ တိုင်ကြားစာတွင် ဖော်ပြထားသည်။

၎င်း၏ သားဖြစ်သူ ကိုအောင်အောင်ကို သန်လျင်စခန်းအချုပ်တွင် ရဲက ရိုက်နှက်စစ်ဆေးခြင်းကြောင့် အရိုက်ခံရသည့်ဒဏ်ရာ များဖြင့် စက်တင်ဘာ ၂၆ ရက်နေ့တွင် သန်လျင်ဆေးရုံ၌ သေဆုံးခဲ့သဖြင့် အမှန်တရား ပေါ်ပေါက်အောင် ကူညီပေးပါဟု ဆိုကာ ဒေါ်အေးက နိုင်ငံတော်သမ္မတ၊ ပြည်သူ့လွှတ်တော် လူ့အခွင့်အရေး ကော်မတီ၊ မြန်မာနိုင်ငံ အမျိုးသားလူ့အခွင့်အရေး ကော်မရှင်နှင့် သက်ဆိုင်ရာမြို့နယ် လွှတ်တော်ကိုယ်စားလှယ် များ စသည်ဖြင့် ရှစ်နေရာအထိ တိုင်ကြားခဲ့ခြင်းဖြစ်ကြောင်း ထိုတိုင်စာတွင် ဖော်ပြထားသည်။

“ကျွန်မသားကို ရဲစခန်းမှာ (စက်တင်ဘာ) ၁၂ ရက်နေ့ကနေ စချုပ်ထားတာ။ ၁၄ ရက်နေ့မှ (ရဲစခန်းမှာ) ကျွန်မတွေ့ရတယ်။ တွေ့တော့ သူ့မှာမတ်တပ်တောင်မရပ်နိုင်လို့ လူတွဲပြီး တွေ့ရတာ။ အင်းစိန်ထောင်ကိုပို့ပြီး ထောင်ဝင်စာ သွားတွေ့တော့လည်း သားကို အချုပ်သားအချင်းချင်းတွဲပြီးထုတ်လာရတယ်။ (အင်းစိန်ရောက် တော့မှ) သားက ပွင့်ပွင့်လင်းလင်းပြောရဲတော့တယ်။ သူ့ကို (ရဲအချုပ်မှာတုန်းက) လက်ထိတ်နောက်ပြန်ခတ်ပြီး ရင်ဘတ်ကို တုတ်နဲ့ရိုက်၊ ကျင်စက်နဲ့တို့တယ်။ ဒူးထောက်ခိုင်းပြီး ကျောကုန်းကို ဖိနပ်နဲ့ကန်တယ်တဲ့” ဟု ဒေါ်အေးက Myanmar Now ကိုပြောသည်။

ထိုနေ့က ကိုအောင်အောင်ကို စစ်ဆေးခဲ့သည့်ရဲဝန်ထမ်းများစာရင်းကို အတိအကျမသိရသော်လည်း ဒေါ်အေး၏ တိုင်စာထဲတွင်မူ “အမှုကိုင် သူရထွန်း”အပါအဝင် ငါးဦးက အလှည့်ကျရိုက်နှက်ကန်ကျောက်၍ စစ်မေးသည်ဟု ဖော်ပြထားသည်။

ထိုကိစ္စနှင့်ပတ်သက်ပြီး ကိုအောင်အောင်၏အလောင်းကို စစ်ဆေးခဲ့သည့် သန်လျင်မြို့နယ်ဆေးရုံ ခရိုင် ဆရာဝန်ကြီးနှင့် တွေ့ဆုံကာ ဆေးစစ်ချက်အသေးစိတ်ကို ဆက်သွယ်မေးမြန်းထားကြောင်း၊ လုပ်ထုံးလုပ်နည်း များအရ ပြောခွင့်ရှိမရှိကိုတော့ အတိအကျ မသိရသေးကြောင်း သန်လျင်မြို့နယ်၊ တိုင်းဒေသကြီး လွှတ်တော် ကိုယ်စားလှယ် ဦးအောင်နိုင်ထွန်းက ပြောသည်။

“တိုင်စာထဲမှာ တိုင်ထားတဲ့အချက်က မှန်လား၊ မမှန်လားဆိုတာ ကျွန်တော်တို့မှာ သေသွားသူရဲ့ ဓာတ်မှန်တွေ သက်သေ ရှိတယ်။ ကျွန်တော်တို့က အဲဒါဖြစ်နေတဲ့ အချိန်တုန်းက ကြားဖြတ်ရွေးကောက်ပွဲရှိနေလို့ မအားလပ် တာနဲ့ ဖိဖိစီးစီး မကူညီနိုင်ခဲ့တာ။ အခု ဒီကိစ္စကို သေသေချာချာ ဖြစ်အောင်ကို လုပ်ပေးမယ်” ဟု အဆိုပါ ကိစ္စကို လိုက်ပါကူညီပေးနေသည့် သန်လျင်မြို့နယ် အမျိုးသားဒီမိုကရေစီအဖွဲ့ချုပ်ပါတီဝင် ဦးဗလကြီးက ဆိုသည်။

ယခုကိစ္စကို သိရှိပြီးဖြစ်သော်လည်း ၎င်းသည် ပြောရေးဆိုခွင့်ရှိသူတစ်ဦး မဟုတ်သဖြင့် အသေးစိတ်ကို မှတ်ချက်မပြုလိုကြောင်း နေပြည်တော် မြန်မာနိုင်ငံရဲတပ်ဖွဲ့၊ မှုခင်းဌာန တာဝန်ခံ ရဲမှူးကြီး မင်းဟန်က Myanmar Now ကိုပြောသည်။

သန်လျင်မြို့နယ်ရဲစခန်းမှ မှတ်တမ်းယူသည့် ရဲတပ်ကြပ်ကြီးစောနုကမူ ကိုအောင်အောင်သည် ရောဂါအခံကြောင့် သေဆုံး သွားခြင်းဖြစ်သည်ဟု Myanmar Now ကို ဖုန်းဖြင့်ဖြေကြားသည်။

“ကျွန်တော်တို့က ဆေးစာကို အမှုတွဲနဲ့အတူ ပူးတွဲပြီး တရားရုံးကို ပေးပို့ထားလိုက်ပါပြီ။ သေဆုံးသူကို ဖမ်းတဲ့နောက်နေ့မှာပဲ ရမန်ယူတယ်။ ထောင်ကိုအချုပ်နဲ့ပို့တယ်။ ၁၅ ရက်ပြည့်တဲ့နေ့မှာ သူရုံးထုတ်တယ်။ ရုံးထုတ်တာ ကျန်းမာရေးမကောင်းလို့ တရားရုံးတောင်မလာနိုင်ပဲ သန်လျင်ဆေးရုံကိုပို့တယ်။ (၂၆ ရက်နေ့) ညနေပိုင်းမှာ သူသေသွားတာ” ဟု သူက ဆိုသည်။

ယခုကိစ္စနှင့်ပတ်သက်ပြီး မြန်မာနိုင်ငံ အမျိုးသားလူ့အခွင့်အရေး ကော်မရှင်၊ တိုင်ကြားစာများဌာနသို့ တိုင်စာ မရောက် ရှိသေးကြောင်း ကော်မရှင်အဖွဲ့ဝင် ဦးယုလွင်အောင်က ပြောသည်။

“ဆေးစာမှာ ဘာတွေပါလဲ မသိသေးတော့ လတ်တလော မှတ်ချက်မပြုချင်သေးပါဘူး။ စာရောက်လာတာနဲ့ ဆေးစာကို ကျွန်တော်တို့ ရအောင်ကြည့်မယ်။ တကယ်မှန်ကန်တယ်ဆိုရင် ပြည်ထဲရေးကို ဒီကိစ္စ ဆက်လက်အရေးတယူဆောင်ရွက်ဖို့ စာပို့မယ်” ဟု ၎င်းကဆိုသည်။

မြန်မာနိုင်ငံရဲတပ်ဖွဲ့သည် မြန်မာနိုင်ငံ၌ ပြည်သူတို့၏ အဝေဖန်ခံရဆုံး အဖွဲ့အစည်းတစ်ခုဖြစ်သည်။

ပြီးခဲ့သည့် ရက်ပိုင်းအတွင်းကလည်း ခရီးသွားလုပ်ငန်းရှင် တစ်ဦးကို အလုံမြို့နယ်တွင် ရဲက ခိုးမှုတရားခံနှင့် လူမှားဖမ်းကာ စခန်းတွင် နှိပ်စက် ညှဉ်းပန်းမှုနှင့် ကြုံခဲ့ရပြီးနောက် အသိမိတ်ဆွေများ၏အကူအညီဖြင့် ပြန်လည် လွတ်မြောက်လာခဲ့သည်။

၎င်းကို ရိုက်နှက်စစ်ဆေးခဲ့သည့် ရဲများကိုယ်တိုင်က ပြန်လည်တောင်းပန်သဖြင့် အမှုမဖွင့်တော့ဘဲ ကျေအေးပေးခဲ့သည်။
———————

ခိုးမှုသံသယဖြင့် ဖမ်းဆီးခံခဲ့ရပြီးနောက် အမှုစစ်နေစဉ်အတွင်း သေဆုံးခဲ့သည့် ကိုအောင်အောင်။ ၎င်း၏ မိခင်ကမူ ၎င်းသည် ရဲ၏ညှဉ်းပန်းနှိပ်စက်မှုကြောင့် သေဆုံးရသည်ဟုဆိုကာ သမ္မတထံ တိုင်စာပို့ထားသည်။


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းပဒေသာ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)