fbpx

ဖြိုးသီဟချို (Myanmar Now) ● အနိုင်ရအမတ်လောင်းနှင့် ရွေးကောက်ပွဲအကြိုကာလ ငွေချေးလုပ်ငန်း

November 13, 2018

● အနိုင်ရအမတ်လောင်းနှင့် ရွေးကောက်ပွဲအကြိုကာလ ငွေချေးလုပ်ငန်း
(မိုးမခ) နိုဝင်ဘာ ၁၃၊ ၂၀၁၈
မဲဆန္ဒရှင်တစ်ထောင်ကျော်သာရှိသည့် ဆိပ်ကမ်းမဲဆန္ဒနယ်၂ တွင် ကြားဖြတ်ရွေးကောက်ပွဲတွင် အနိုင်ရခဲ့သည့် အမတ်လောင်းက ဒေသခံတို့ အတိုးနည်းချေးငွေရရေး ကူညီခဲ့သည်  


ကြားဖြတ်ရွေးကောက်ပွဲနေ့ကဆိပ်ကမ်းမြို့နယ် မဲဆန္ဒနယ် ၂ တွင် မဲပေးခဲ့သူတဦး (ဓာတ်ပုံ – အောင်ငြိမ်းချမ်း/Myanmar Now)
ရန်ကုန်မြို့၏အထင်ကရ ဗိုလ်တထောင် စေတီတော်ကြီးအနီး မဲရုံဝန်းကျင်သည် ရွေးကောက်ပွဲ လေ့လာစောင့်ကြည့်သူများ၊ သတင်းသမားများနှင့် စည်ကားနေသည်။ 

ဆိပ်ကမ်းမြို့နယ်ရဲရိပ်သာရပ်ကွက်ရှိ ထိုမဲရုံတွင် ညနေပိုင်း မဲရေတွက်ချိန် ခိုင်လုံမဲရရှိသူတို့၏အမည်ကိုကြေညာသည့်အခါ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ကိုယ်စားလှယ်လောင်း “ဦးနေမျိုးအောင်”၏အမည်က မကြာခဏထွက်ပေါ်နေသည်။

ရန်ကုန်တိုင်းဒေသကြီးလွှတ်တော်၊ဆိပ်ကမ်း မဲဆန္ဒနယ်အမှတ် ၂ ကိုယ်စားလှယ်လောင်း ဦးနေမျိုးအောင်က ဒေသခံတို့၏ ယုံကြည်မှုရရှိရန် ဆောင်ရွက်ခဲ့ခြင်းကြောင့် ထောက်ခံမဲ ပိုမို ရရှိခဲ့ခြင်း ဖြစ်သည်ဟု ပြောသည်။

“ပါတီအပေါ်မှာ ယုံကြည်မှု တစ်ဝက်၊ ကျွန်တော့်ရဲ့ လူပုဂ္ဂိုလ်ပေါ်မှာ ယုံကြည်မှုတစ်ဝက် ဒီအတိုင်းကိုတည်ဆောက်ပြီးတော့မှ ကျွန်တော် ကြိုးစားခဲ့ပါတယ်” ဟု ဦးနေမျိုးအောင်က သတင်းသမားတို့ကိုပြောသည်။
သူက၅၁၅ မဲ ရရှိခဲ့ပြီး သူ၏ အဓိကပြိုင်ဘက် အမျိုးသားဒီမိုကရေစီအဖွဲ့ချုပ် ကိုယ်စားလှယ်လောင်းက၃၅၆ မဲ ရရှိခဲ့သည်။

အမျိုးသားဒီမိုကရေစီ အဖွဲ့ချုပ်၏ ရန်ကုန်ရှိ အမာခံနယ်မြေတွင် ပြည်ခိုင်ဖြိုးအမတ်လောင်း အနိုင်ရသဖြင့်လေ့လာသူတို့ အံ့အားသင့်ကြသည်။
ဦးနေမျိုးအောင်ကရွေးကောက်ပွဲ မတိုင်ခင် နှစ်လ အလိုတွင် ထိုမဲဆန္ဒနယ်မှ ဒေသခံတို့ ချေးငွေ ရရှိရေး အဆင်ပြေစေရန်ကူညီခဲ့သူဖြစ်သည်။ ရွေးကောက်ပွဲ ရလဒ်အပေါ် အကျိုးသက်ရောက်သည်ဟု သုံးသပ်ကြသည့် ထိုချေးငွေလုပ်ငန်းတွင် ပြည်ခိုင်ဖြိုး ပါတီဝင်တချို့ ပါဝင်ပတ်သက်နေသည်။


ငွေချေးလုပ်ငန်း
ရဲတပ်ဖွဲ့နှင့်ဆိပ်ကမ်းလုပ်ငန်း ဝန်ထမ်းမိသားစုများ နေထိုင်သည့်  ထိုမြို့နယ်တွင် လူဦးရေ သုံးထောင်အောက်သာရှိသည်ဟု ၂၀၁၄ သန်းခေါင်စာရင်းအရ သိရသည်။ မဲဆန္ဒနယ်(၂) တွင်  မဲပေးခွင့်ရှိသူ အရေအတွက်မှာ ၁,၅ဝဝ မပြည့်ပေ။ 

ဤမဲဆန္ဒနယ်မြေမှလွှတ်တော်အမတ် မကြာသေးခင် လများအတွင်း ကွယ်လွန်သွားသဖြင့် လစ်လပ်သည့်နေရာအတွက် ကြားဖြတ်ရွေးကောက်ပွဲပြုလုပ်ခြင်း
ဖြစ်သည်။

၂ဝ၁၅ရွေးကောက်ပွဲကာလ ဤမဲဆန္ဒနယ်မြေတွင် ရှုံးနိမ့်ခဲ့ပြီး သုံးနှစ်အကြာ ကြားဖြတ်ရွေးကောက်ပွဲတွင်ဝင်ပြိုင်သည့် အမတ်လောင်း ဦးနေမျိုးအောင်က ဒေသခံတို့ အတိုးနှုန်းကြီးစွာဖြင့် ငွေချေးယူနေကြရသည့်အခက်အခဲကို သိပြီး အတိုးနှုန်းသက်သာသည့် ချေးငွေလုပ်ငန်းနှင့် မိတ်ဆက်ပေးခဲ့သည်။
၎င်း မဲနိုင်ရခြင်းမှာချေးငွေကူညီမှုကြောင့် မဟုတ်ဟု ဆိုသည်။  ရွေးကောက်ပွဲမတိုင်ခင် ၅ လ အလိုက ဖြိုးစေတနာဆေးခန်း ဖွင့်လှစ်ခဲ့ခြင်း၊ ကျောင်းဖွင့်ချိန်တွင် ကျောင်းသုံးစာအုပ်များ
ဝေငှခဲ့ခြင်း စသည့် ကူညီမှုများလည်း ရှိသည်ဟု ဆိုသည်။

“ငွေချေးခြင်း၊မချေးခြင်းက အဓိက အကြောင်းတရား မဟုတ်ဘူးဗျ။ ကျွန်တော်က ကျွန်တော့်မဲဆန္ဒနယ်ထဲမှာ ရှိတဲ့ပြည်သူတွေကို ဘယ်လိုကူညီပေးရမလဲဆိုတဲ့ စိတ်ပဲ ကျွန်တော့်မှာ ရှိတာ” ဟု ၎င်းက ပြောသည်။
ပုဂ္ဂလိက ငွေချေးလုပ်ငန်းများစွာနှင့်လိုက်လံချိတ်ဆက်ခဲ့ကြောင်း၊ နောက်ဆုံးတွင် မေထွဋ်ကုမ္ပဏီ၏ အကူအညီရခဲ့ကြောင်း ၎င်းက ပြောသည်။
“ကုမ္ပဏီကလာပြီးတော့ ချေးပေးတာပါ။ ကျွန်တော်က ကြားထဲကနေပြီးတော့ ကျွန်တော့် ပြည်သူတွေ အဆင်ပြေဖို့အတွက် ကြားထဲက အောင်သွယ် လုပ်ပေးတဲ့ သဘောမျိုးပါ” ဟု အနိုင်ရ အမတ်လောင်းက ပြောသည်။ 

ကြားဖြတ်ရွေးကောက်ပွဲနေ့က
တွေ့ရသော ဆိပ်ကမ်းမြို့နယ်ရှိ မဲရုံတစ်ခု မြင်ကွင်း   (ဓာတ်ပုံ – အောင်ငြိမ်းချမ်း/Myanmar Now)
မေထွဋ် ကုမ္ပဏီ
MyanmarNow သတင်းဌာနက ပုဂ္ဂလိက ငွေချေးလုပ်ငန်းဖြစ်သည့် မေထွဋ်ကုမ္ပဏီနှင့်ပတ်သက်ပြီး ဆက်လက်စုံစမ်းရာ ကုမ္ပဏီသည် လှော်ကားဈေးလမ်း၊ ရွှေပြည်သာမြို့နယ် ၁၅ ရပ်ကွက်တွင် တည်ရှိကြောင်း ရင်းနှီးမြုပ်နှံမှုနှင့်ကုမ္ပဏီများညွန်ကြားမှု ဦးစီးဋ္ဌာန၏ အချက်အလက်များအရ သိရှိခဲ့သည်။ 

ကုမ္ပဏီ၏ ဒါရိုက်တာအဖွဲ့ဝင် ဦးလင်းအောင်အောင်မှာ ရွှေပြည်သာမြို့နယ် ပြည်ခိုင်ဖြိုးပါတီ ဥက္ကဋ္ဌ ဖြစ်နေသည်။

ဦးလင်းအောင်အောင်ကမေထွဋ် အသေးစား ငွေချေးလုပ်ငန်းကို ၂၀၁၅ ခုနှစ်တွင် စတင်ခဲ့ပြီး ဆင်းရဲသား လက်လုပ်လက်စားများကို
ရွှေပြည်သာ ၁၅၊ ၁၇ ရပ်ကွက် များတွင် ချေးငွေ ထုတ်ပေးခဲ့ကြောင်း ပြောသည်။
လုပ်ငန်းတိုးချဲ့ရန်၊ ဝန်ထမ်း မိသားစုများကို ချေးငွေ ထုတ်ပေးရန် ရည်ရွယ်ချက်ဖြင့် ဆိပ်ကမ်းမြို့နယ်တွင်
လုပ်ငန်း လုပ်ဆောင်ခဲ့ခြင်းဖြစ်သည်ဟု ပြောသည်။

“ဆိပ်ကမ်းမှာတော့လူဦးရေလည်း နည်းတယ်။ ဝန်ထမ်းမိသားစုလည်းဖြစ်တယ်။ အဲဒီမှာချေးရင်တော့ လုပ်ငန်း တိုးချဲ့ရတာအဆင်ပြေနိုင်တယ်ဆိုပြီးတော့ စမ်းကြည့်မိတာ” ဟု ၎င်းက ပြောသည်။
ချေးငွေ လုပ်ငန်းအတွက်ငွေကျပ်သိန်းတစ်ရာခန့် အသုံးပြုထားပြီး လူတစ်ရာကျော် ချေးယူခဲ့သည်ဟု ၎င်းက ခန့်မှန်းသည်။

ထိုသို့ ချေးယူရာတွင်သန်းခေါင်းစာရင်းတစ်ခုတွင် တစ်ဦးလျှင် ကျပ် ခြောက်သောင်း နှုန်းဖြင့်  ငါးဦး အထိ ချေးယူနိုင်ကြောင်း၊  အတိုးနှုန်းမှာ ၂ ကျပ် ပြား၅၀ ဖြစ်ကြောင်း ၎င်းကပြောသည်။

ပြည်ခိုင်ဖြိုးပါတီကိုယ်စားပြုပြီးဆိပ်ကမ်း ၂ တွင် အနိုင်ရသော အမတ်လောင်း ဦးနေမျိုးအောင်၊ ပါတီ၏ ဆိပ်ကမ်းမြို့နယ် ဘဏ္ဍာရေးမှူးလည်းဖြစ်
အမတ်လောင်း၏  ရွေးကောက်ပွဲ ကိုယ်စားလှယ်လည်းဖြစ်သူဒေါ်တိုးတိုးလွင်တို့က ငွေချေး လုပ်ငန်း အတွက် တာဝန်ခံပေးထားခြင်းဖြစ်သည်ဟု ၎င်းက ပြောသည်။

“သူတို့ကလည်းအကူအညီတောင်းတာကို။ အကူအညီတောင်းတော့ ဆက်စပ်မိသွားတာ” ဟု ၎င်းက လေသံ ခပ်လေးလေးဖြင့် ပြောသည်။

ချေးငွေ ထုတ်ယူသူတို့ကိုဒေါ်တိုးတိုးလွင်က စာရွက်၊ စာတမ်းများ  တာဝန်ယူထုတ်ပေးရသည်ဟု ဒေသခံ တချို့က ပြောကြသည်။

ဒေါ်တိုးတိုးလွင်ကမူယင်းပြောဆိုချက်များ၊ စွပ်စွဲချက်များနှင့် ပတ်သက်ပြီး ငြင်းဆိုသည်။
 “ကုမ္ပဏီတစ်ခုကတော့ ဒီမှာချေးတယ်လို့ အသံကြားတယ်။ကျွန်မတို့နဲ့တော့ ဆက်စပ်မှု မရှိဘူး။ ကျွန်မတို့လည်း ချေးတဲ့ အထဲမှာ မပါခဲ့ဘူး” ဟုဒေါ်တိုးတိုးလွင်က ဆိပ်ကမ်းမြို့နယ်၊ ပြည်ခိုင်ဖြိုးပါတီရုံးခန်းတွင် Myanmar Now ကိုပြောသည်။ 

ဆိပ်ကမ်းမြို့နယ် မဲဆန္ဒနယ် ၂ အတွင်း မဲရေတွက်မှု မြင်ကွင်းတစ်ခု (ဓာတ်ပုံ – ဖြိုးသီဟချို/Myanmar Now)

လျှောက်လွှာတင် ငွေချေးခြင်း
မိသားစုရိပ်သာရပ်ကွက်တွင် နေထိုင်ပြီး ဓမ္မာရုံအနီး ထမင်းဆိုင်ဖွင့်ထားသည့် ၃၉ နှစ်အရွယ် ဒေါ်စိုးမြမြထွေးက
ပြည်ခိုင်ဖြိုး အမတ်လောင်း ကိုယ်တိုင်  ဆိုင်ကိုရောက်ရှိလာခဲ့ပြီး ချေးငွေ ထုတ်ယူရန် ကူညီခဲ့သည်ဟု Myanmar Now ကို ပြောသည်။

၎င်းတို့ ဇနီးမောင်နှံနှစ်ဦးလုံး ချေးငွေ ရရန် လျှောက်လွှာ ဖြည့်စွက်ခြင်း၊  လက်ဗွေနှိပ်ခြင်းများကို ပြည်ခိုင်ဖြိုးပါတီရုံးတွင်ပင်  ဦးနေမျိုးကျော်၏ အကူအညီဖြင့် ပြုလုပ်ခဲ့သည်ဟု
ပြောသည်။
စက်တင်ဘာလကစတင် ငွေချေးယူခဲ့ပြီး  ယနေ့ထိ ချေးငွေ ပြန်ပေးသွင်းရခြင်းမရှိသေးကြောင်း ပြောသည်။

“ဆပ်ရမယ့်လရောက်တော့ သူတို့တွေက မဆပ်နဲ့ဦးလို့ ပြောတယ်” ဟု ၎င်းက ဆိုသည်။

အရစ်ကျပေးချေရမည့်ငွေကို သတ်မှတ်ချိန်၊ သတ်မှတ်ရက်တွင် မှန်မှန်ပြန်လည် ပေးသွင်းရန်  စာအုပ်ပါ စည်းကမ်းချက်များတွင် ဖော်ပြထားကြောင်း
Myanmar Now က ကြည့်ရှုခွင့် ရခဲ့သည့် ချေးငွေ ထုတ်ယူခြင်း ဆိုင်ရာ အထောက်အထား တစ်ခုဖြစ်သောမေထွဋ်ကုမ္ပဏီ လီမိတက် အသေးစား ချေးငွေလုပ်ငန်း၏
ငွေစုငွေချေး စာအုပ်တွင် ဖော်ပြထားသည်။  
ရွေးကောက်ပွဲအကြိုကာလတွင် ဆိပ်ကမ်းမြို့နယ် မဲဆန္ဒနယ် ၂ ဒေသခံတို့နှင့် ဆက်စပ် လုပ်ကိုင်ခဲ့သည့်
မေထွဋ်ကုမ္ပဏီ လီမိတက် အသေးစား ချေးငွေလုပ်ငန်း၏ ငွေစုငွေချေး စာအုပ်
(ဓာတ်ပုံ – ဖြိုးသီဟချို/Myanmar Now)
မိသားစုရိပ်သာရပ်ကွက်တွင် နေထိုင်သူ ဒေါ်မိုးမိုးအေးက ပြည်ခိုင်ဖြိုးရုံးရှေ့တွင် ပလာတာ ရောင်းချသူဖြစ်သည်။ချေးငွေးရယူလိုသူများ ထိုရုံးတွင် ချေးငွေလျှောက်လွှာများ ထုတ်ယူသည်ကို တွေ့ရသည်ဟု ၎င်းကပြောသည်။ 

၎င်းကိုယ်တိုင်လည်းကြံ့ခိုင်ရေး ပါတီဝင်များထံတွင် ချေးငွေရရန် စာရင်း ပေးခဲ့ရပြီး  မေထွဋ် ကုမ္ပဏီမှ  အမျိုးသမီးတစ်ဦးထံမှ ချေးငွေထုတ်ယူခဲ့ရသည်ဟု ပြောသည်။

“(တခြား ငွေချေးဌာနတွေ)ဆိုရင် အဲဒီလိုမျိုး လခြား မပေးဘူး။ တစ်လချင်း ပေးရတာ။ ခုဟာက နှစ်လ လုံး အတိုး၊ အရင်းမပေးရသေးဘူး” ဟု ၎င်းက ပြောသည်။

မိသားစု ရိပ်သာလိုင်း(၆) တွင်နေထိုင်သည့် ဒေါ်ရီရီစန်းက ပြည်ခိုင်ဖြိုးကို ထောက်ခံသူ ၎င်း၏ အိမ်နီးချင်းများကချေးငွေယူရန် ရွေးကောက်ပွဲ မတိုင်ခင် တစ်ပတ် အလိုထိ ပြောကြားခဲ့သော်လည်း ချေးငွေ ရယူခဲ့ခြင်းမရှိဟုပြောသည်။

“အဲဒီ တစ်လိုင်းလုံးကယူတယ်။ ကျွန်မက မယူတော့ ကျွန်မကို ဘယ်သူမှ စကားမပြောကြတော့ဘူး” ဟု ၎င်းက ရှင်းပြသည်။

ပါတီ၏ ငြင်းဆိုချက်
အမျိုးသားဒီမိုကရေစီအဖွဲ့ချုပ် အမတ်လောင်း၏ ရွေးကောက်ပွဲ ကိုယ်စားလှယ် ဦးရဲမင်းဟိမ်းက ဝန်ထမ်း အများစုနေထိုင်သည့် မြို့နယ်တွင်   ၎င်းတို့  ရှုံးရခြင်းမှာဒေသခံများ၏ချို့တဲ့မှု၊ ခက်ခဲစွာ ရပ်တည်မှု စသည့် အချက်များလည်း ပါဝင်သည်ဟု  သုံးသပ်သည်။

“တချို့ပါတီတွေကငွေချေးတဲ့ အဆင့်တွေ လုပ်တာမျိုးလည်းတွေ့ရတယ်။ သူတို့ ကိုယ်တိုင်တော့ မချေးဘူးပေါ့။
ကြားခံလူတွေနဲ့ ချေးထားတာမျိုးတွေ တွေ့ရတယ်” ဟု ၎င်းကပြောသည်။

သို့သော်လည်း မည်သည့် ပါတီက ချေးငွေ ထုတ်ပေးသည်ကိုတော့ မှတ်ချက်မပေးလိုကြောင်းငြင်းပယ်သည်။

အမျိုးသားဒီမိုကရေစီအဖွဲ့ချုပ်ပါတီ၏ပြောခွင့်ရ ဒေါက်တာမျိုးညွန့်က ရွေးကောက်ပွဲ မတိုင်ခင်က ဆိပ်ကမ်းမြို့နယ်တွင် ငွေချေးသည့်သတင်းတချို့ကို ကြားသိထားရသော်လည်း အထောက်အထား မခိုင်လုံသေး၍ မှတ်ချက်ပေး၍ မဖြစ်နိုင်ကြောင်းပြောသည်။

ပြည်ခိုင်ဖြိုးပါတီ၏ပြောခွင့်ရ ပုဂ္ဂိုလ် ဦးနန္ဒာလှမြင့်က ပါတီ အနေဖြင့် ရွေးကောက်ပွဲ မတိုင်ခင် ငွေချေးရန်စီမံပေးခဲ့ခြင်း မရှိကြောင်း ပြောသည်။

“သက်ဆိုင်ရာဒေသကိုယ်စားလှယ်တွေက သူတို့နည်းသူတို့ဟန်နဲ့ သူတို့ ကြိုးပမ်း အားထုတ်မှုတွေနဲ့ ဆောင်ရွက်တာပဲရှိကောင်းရှိနိုင်တယ်။ ပါတီက မချေးတာတော့ အသေအချာပဲ။ ကျွန်တော်တို့ပါတီက ဒီကိစ္စကိုမူဝါဒလည်းမပေးခဲ့ဘူး။ ချေးလည်း မချေးပေးခဲ့ဘူး” ဟု ဦးနန္ဒာလှမြင့်က ပြောသည်။
ရွေးကောက်ပွဲအကြိုကာလတွင်နိုင်ငံရေးပါတီတစ်ခုက မဲဆန္ဒနယ်အတွင်း ချေးငွေ ရရှိရေး ဆောင်ရွက်ခြင်းမှာ ရွေးကောက်ပွဲဥပဒေ ပုဒ်မ ၆၆ တွင် ဖော်ပြထားသည့် မဲဆန္ဒနယ်မြေအတွင်း
လာဘ်ပေးလာဘ်ယူမှု မပြုရဟူသော အချက်နှင့် ရှိမရှိ အငြင်းပွားဖွယ် ဖြစ်နေသည်ဟု လေ့လာသူတချို့ကဆိုသည်။

ရွေးကောက်ပွဲဆိုင်ရာ ပြည်သူ့လှုပ်ရှားမှုအဖွဲ့
မှ အမှုဆောင်ဒါရိုက်တာ ကိုစိုင်းရဲကျော်စွာမြင့်က  ရွေးကောက်ပွဲဥပဒေမှာ လက်တစ်လုံးခြားလုပ်နို်င်သည့် အခြေအနေမျိုးတွင် ရှိနေသည့်အတွက် ၂၀၂၀ ရွေးကောက်ပွဲမတိုင်ခင် ထိုအချက်များကို ရှင်းရှင်းလင်းလင်း ဖြစ်သွားစေရန် ပြင်ဆင်သင့်သည်ဟု သုံးသပ်သည်။
ကြားဖြတ်ရွေးကောက်ပွဲနေ့က
တွေ့ရသော ရန်ကုန်တိုင်းဒေသကြီးလွှတ်တော် ဆိပ်ကမ်းမြို့နယ် မဲဆန္ဒနယ် ၂ မှ မြင်ကွင်းတစ်ခု။
ထိုမဲဆန္ဒနယ်တွင် နေထိုင်သူ အများအပြားသည် ရွေးကောက်ပွဲမတိုင်ခင်က   အတိုးနှုန်း
 ၂ ကျပ် ၅၀ ပြားဖြင့် ငွေချေးယူခွင့် ရခဲ့ကြသည်
(ဓာတ်ပုံ – ဖြိုးသီဟချို/Myanmar Now)
 
ပြန်မဆပ်ရသေးသော ချေးငွေ
မေထွဋ်ကုမ္ပဏီ၏ ဒါရိုက်တာ ဦးလင်းအောင်အောင်က ချေးငွေများကို ပြန်လည်တောင်းခံရမည့် ကာလမှာ ကြားဖြတ်ရွေးကောက်ပွဲ
ကာလဖြစ်နေ၍ ပြသနာ ဖြစ်ပေါ်မည်ကို စိုးရိမ်သောကြောင့် မတောင်းခံခဲ့ခြင်းဖြစ်သည်ဟု ပြောသည်။

အမှန်ကတော့ ကောက်ရမှာ။ အခုတောင်မှ ကောက်ဖို့ပြောနေပြီ ၎င်းကပြောသည်။လွှတ်တော်ကိုယ်စားလှယ်ဦးနေမျိုးအောင်ကလည်း အလားတူ ပြောကြားသည်။

ဒီဇင်ဘာလတွင်  ပြန်လည်ကောက်ခံရန် ကုမ္ပဏီက ဆက်သွယ်အကြောင်းကြားလာပြီဖြစ်ပြီး ကုမ္ပဏီ၏ စည်းမျဉ်း စည်းကမ်း ဥပဒေအတိုင်း ဆက်လက်လုပ်ကိုင်သွားမည်ဟု ဆိုသည်။

“ကောက်ခြင်း၊ပြုခြင်း၊ ဆပ်ခြင်း၊ မဆပ်ခြင်းတွေကလည်း ကျွန်တော်နဲ့ မဆိုင်ပါဘူး။ ကျွန်တော်က လုပ်ငန်းလာပြီးလည်ပတ်စေချင်တဲ့ သဘောနဲ့ပဲ ဆက်သွယ်ပေးထားတာပါ” ဟု အနိုင်ရ အမတ်လောင်းက ပြောသည်။

ရဲရိပ်သာရပ်ကွက် အုပ်ချုပ်ရေးမှူး ဦးမောင်မြင့်က ပြည်ခိုင်ဖြိုးအမတ်လောင်း၏ အာမခံချက်ဖြင့်မေထွဋ် ကုမ္ပဏီက ငွေချေးလုပ်ငန်းကို လုပ်ကိုင်ခဲ့သည်ကို သိရှိကြောင်း ပြောသည်။

ချေးငွေ ရရှိခြင်းလုပ်ငန်းမှာ လွယ်ကူကြောင်း သိရသည်။  ၎င်းတို့ထံသို့  ထိုချေးငွေအတွက် မည်သူကမျှ ထောက်ခံစာ လာမယူခဲ့ကြောင်း
အုပ်ချုပ်ရေးမှူးက ပြောသည်။

ရဲရိပ်သာရပ်ကွက်တွင် နေထိုင်သူ မလှယဉ်သန်းက  ဦးနေမျိုးအောင်ကချေးငွေများကို အာမခံချေး ပေးခြင်းသာ ဖြစ်ပြီး မဲဆွယ်ခြင်း မဟုတ်၊ ရွေးကောက်ပွဲနှင့်သက်ဆိုင်ခြင်းမရှိဟု
ပြောသည်။

“သူ့ကို ကျေးဇူးတင်တယ်။ဒီမှာက ဝန်ထမ်းတွေဆိုတော့ ပိုက်ဆံ မရှိကြဘူးလေ။ လဝက်လောက်ဆို ပြတ်နေပြီ။ ဒီလိုမျိုးလှည့်ပတ်ပြီး ချေးပေးတဲ့ လူတွေရှိလို့သာ လက်လှည့်ပြီး သုံးလို့ရနေတာ”ဟုပြောသည်။

၎င်းက ၂၀၁၅ ရွေးကောက်ပွဲတွင်အမျိုးသားဒီမိုကရေစီအဖွဲ့ချုပ်ကို မဲထည့်ခဲ့ကြောင်း၊ သို့သော်လည်း ၎င်းတို့ အားကိုးခဲ့သူက   ပြည်သူလူထုကို
ဂရုစိုက်ခြင်းမရှိဟု ဆိုသည်။

“ကိုယ်တွေထည့်ပေးခဲ့တဲ့ လူတွေက၊ သူတို့က အဲဒီလိုမျိုးတောင် လာကြည့်ဖော် မရဘူးလေ” ဟု မလှယဉ်သန်းကမကျေမနပ် ပြောလိုက်သည်။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:သတင်းဆောင်းပါး

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ

By

မောင်မောင်စိုး၏ နှင်းဆီနီနီအိပ်မက်များ(၁၉၇၅-၈၀) ထွက်ပါပြီ (မိုးမခ) နိုဝင်ဘာ ၁၄၊ ၂၀၁၈ မိုးမခစာပေက ထုတ်ဝေပြီး...

Read more »

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ

By

ဂျူနီယာဝင်းရဲ့ မိုနာလီဇာနဲ့ နိုင်ငံတကာပန်းချီများ ခံစားမှုဆောင်းပါး ထွက်ပြီ (မိုးမခစာအုပ်စင်) အောက်တိုဘာ ၁၈၊ ၂၀၁၈...

Read more »

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ

By

ဒေါက်တာခင်မောင်ဝင်း(သချာင်္) ၏ ခေတ်သစ်အတွက်ပညာရေး ထွက်ပြီ (မိုးမခ) အောက်တိုဘာ ၁၂၊ ၂၀၁၈ မိုးမခစာပေက...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)