ကိုသန်းလွင် ● နိုင်ငံခြားရင်းနှီးမြှုတ်နှံမှု

November 28, 2018

ကိုသန်းလွင် ● နိုင်ငံခြားရင်းနှီးမြှုတ်နှံမှု
(မိုးမခ) နိုဝင်ဘာ ၂၈၊ ၂ဝ၁၈


(၁)
တနေ့က “နိုင်ငံခြားရင်းနှီးမြှုတ်နှံမှု ဝန်ကြီးဌာနအသစ်” ကို နိုဝင်ဘာလ ၁၉ ရက်နေ့တွင်ဖွင့်တော့မည်ဟု သတင်းတပုဒ် ဖတ်လိုက်ရပါသည်။ နိုင်ငံခြားရင်းနှီးမြှုတ်နှံမှုကို အစိုးရက ကြပ်ကြပ်မတ်မတ် ဆောင်ရွက်တော့မည်ဟုဆိုလိုသည်။ အဖက် ဖက်ကလိုနေသော ကျွန်တော်တို့ နိုင်ငံတော်အတွက် လိုအပ်ချက်တခုကို ဖြည့်ဆည်းပေးခြင်းဖြစ်သဖြင့် ကြိုဆိုလိုက်ရပါ သည်။

အရင်ကလည်း မြန်မာနိုင်ငံတွင် ရင်းနှီးမြှုတ်နှံမှုကော်မရှင် ရှိပြီးဖြစ်သည်။ သူ့နည်း သူ့ဟန်ဖြင့် နိုင်ငံခြားရင်းနှီးမြှုတ်နှံမှုများ လာအောင် ကြိုးပမ်းခဲ့သည်။ ထိုကော်မရှင်က မလုပ်ဆောင်နိုင်ခဲ့သည်များကို လုပ်ဆောင်နိုင်စေရန် အရေးကြီးသည်။

ကျွန်တော်သည် ကျွန်တော်ကြားဖူးသော စင်ကာပူမှ စီးပွားရေးဘုတ်အဖွဲ့ (EDB- Economic Development Board) အ ကြောင်း ပြန်ပြောင်းသတိရလာမိပါသည်။

(၂)
ရင်းနှီးမြှုတ်နှံဘို့ရောက်လာသူတဦးသည် အစိုးရဝန်ကြီးဌာနပေါင်းစုံဖြင့် ဆက်ဆံရန်မလိုဘဲ တနေရာထဲတွင် လိုအပ်ချက် များကို ဖြည့်ဆည်းပေးမည့် (One Stop Service) တရပ်လိုအပ်သည်ဟု ဝန်ကြီးချုပ်လီကွမ်းယူးကို အကြံပေးသူမှာ ဒတ်ခ်ျ လူမျိုး မစ္စတာဝင်စီမီးယပ် (Mr.Winsenmius) ဆိုသူဖြစ်ပါသည်။

ဤသို့တနေရာထဲတွင် ကိစ္စပြီးသည့်သဘောကို စင်ကာပူဆေးရုံကြီးတွင်လည်း တွေ့မြင်နိုင်ပါသည်။ နိုင်ငံခြားမှရောက်လာ သောလူနာတဦးသည် အစဦးဆုံး ရုံးခန်းတခုသို့သွားကြရသည်။ ထိုရုံးခန်းမှ ကျွမ်းကျင်သူများက မည်သည့်ဆရာဝန်နှင့် တွေ့ရမည်၊ မည်သည့်အဆောင်သို့သွားကြရမည် အဖိုးအခ အဘယ်မျှကျသင့်နိုင်သည်တို့ကို တခါတည်းတွက်ချက်ပေး လိုက်ပါသည်။ လူနာအတွက် စတေး (Stay) လိုအပ်ချက် အခြားလိုအပ်ချက်များကို ဤရုံးခန်းတွင် ဆွေးနွေးနိုင်ပါသည်။

အီး၊ ဒီ၊ ဘီကို လာရောက်ရင်းနှီးမြှုတ်နှံသူနှင့် နိုင်ငံတွင်းရှိ အခြေအနေများကို မိတ်ဆက်ပေးသူအဖြစ် မှတ်ယူနိုင်ပါသည်။ ပထမဆုံး အီး၊ ဒီ၊ ဘီ ဥက္ကဌက နိုင်ငံတွင်းမှပညာတော်ပေ့ဆိုသည့်လူများကို စုစည်းယူပါသည်။ အမေရိကန်၊ ဥရောပ၊ အင်္ဂ လန်၊ နယူးဇီလန် စသည်ဖြင့် အကောင်းဆုံးတက္ကသိုလ်များမှ ဘွဲ့ရပြီးသူများကို လခအကောင်းဆုံးပေး၍ အီး၊ ဒီ၊ ဘီ အရာရှိ အဖြစ် တာဝန်ပေးသည်။

ထိုအီး၊ဒီ၊ဘီ အရာရှိများ၏ အဓိကတာဝန်မှာ နိုင်ငံခြားမှ ရင်းနှီးမြှုတ်နှံမှုများ ဝင်လာရေးပင်ဖြစ်သည်။ နိုင်ငံပေါင်း ၅ဝ ကျော်မှ (CEO-Chief Executive Officer) များ အုပ်ချုပ်ရေးမှူးများကို တယ်လီဖုန်းခေါ်၍ စင်ကာပူတွင် ရင်းနှီးမြှုတ်နှံဖို့အတွက် ဖိတ်ခေါ်ကြပါသည်။ စင်ကာပူ၏ အနာဂတ်ရေးမှာ သူတို့လက်ထဲတွင်ရှိသည်ဟု ယုံကြည်ကြသည်။ ၎င်းတို့သည် ရင်းနှီးမြှုတ် နှံသူများ၏ မေးခွန်းပေါင်းစုံကို ဖြေကြရပြီး၊ ထိုပုဂ္ဂိုလ်များရောက်လာပါက သူတို့ အခက်အခဲကိုကူညီဖြေရှင်းပေး ကြသူများ လည်းဖြစ်သည်။

စင်ကာပူဂျူရောင်းရပ်ကွက် (Jurong) မှ မြေဧက ၉ဝဝ ကျော်တွင် တောကြီးမျက်မဲအဖြစ်မှ လမ်းများ၊ အဆောက်အဦများ၊ ရေသွင်းရေထွက်မြောင်းများနှင့် ပြည့်သွားအောင်ဆောင်ရွက်သည်။ ဂျူရောင်းစက်မှုဇုံဟု ဖြစ်လာပါသည်။ ၁၉၆၁ ခုနှစ်တွင် နိုင်ငံခြားသား ပိုင်စက်ရုံ ၁၉ ခုသာရှိခဲ့ပြီး ၁၉၇ဝ ခုနှစ်တွင် စက်မှုလုပ်ငန်း ၇၉ဝ အထိ တိုးမြှင့်လာပါသည်။ ၁၉၆၈ တွင် Texas Instrument ရောက်လာပြီး ရက်ပေါင်း ၅ဝ အတွင်းကုန်ထုတ်လုပ်မှု စနိုင်ခဲ့သည်။ ထို့နောက် National Semiconductor တို့ ရောက်လာပါသည်။

ဂျပန်နိုင်ငံက အဖွဲ့လာရောက်မှုမှာ အခက်အခဲများရှိသည်။ သူတို့က တည်ငြိမ်သော လျှပ်စစ်ပါဝါကို တောင်းဆိုသည်။ သူတို့၏ တိကျသော (Precision) စက်များအတွက် တည်ငြိမ်သောလျှပ်စစ်ပါဝါကို လိုအပ်ပါသည်။ ၁၉၇ဝ တွင် ဆီကိုနာရီ စက်ရုံကို ဖွင့်လှစ်နိုင်ခဲ့ပါသည်။ နောက်ပိုင်းတွင် ဂျပန်မှ ရေနံချက်စက်ရုံများ လာရောက်တည်သည်။

ဖြစ်ရပ်တခုတွင် အိပ်ချပီ (HP) မှမစ္စတာ ဟူးလက် (Mr. Bill Hewlett) သည်သေချာမှ အလုပ်လုပ်သူတဦး ဖြစ်သည်။ သူ သည် အထောက်တော်လေးငါးဦးလွှတ်ပြီးမှ စင်ကာပူကိုလာကြည့်ဖို့ ဆုံးဖြတ်သည်။ အဆောက်အဦးမှာ အပြည့်အစုံမပြီးသေး၊ သူလာချိန်တွင် အဆင်သင့်ဖြစ်စေရန် ဓါတ်လှေခါးအတွင် ပါဝါကို အီး၊ ဒီ၊ ဘီ အရာရှိကိုယ်တိုင် (Extension) ကြိုးတပ်ဆင် ပေးရသည်ဟုဆိုသည်။ မစ္စတာဟူးလက်မှာ လှေခါးအတိုင်း လေးငါးထပ်ကို တက်ရန်မလိုတော့ဘဲ ဓါတ်လှေခါးကို အသုံး ပြုနိုင်သွားပြီဖြစ်သည်။

၁၉၆၇ ခုနှစ်တွင် အင်ဒိုနီးရှားမှ ဆူဟာတိုက ဒေါက်တာ ဟာဘီးဘီး (BJ Habibie) ကို ခေါင်းဆောင်လုပ်ပြီး စင်ကာပူကို လေ့လာရေး အဖွဲ့စေလွှတ်လိုက်ပါသည်။ ဘာတန် (Batam) ကျွန်းတွင် ဧက ၅ဝဝ အကျယ်အဝန်းရှိ သောစက်မှုဇုံကို စင် ကာပူနှင့်ဖက်စပ်ထူထောင်ကြပါသည်။ တရုတ်သမ္မတကြီး ဂျန်ဇီမင်းမှာ သမ္မတမဖြစ်မီက စင်ကာပူတွင် နှစ်ပတ်ကြာလာ ရောက်နေထိုင်ပြီး လေ့လာသွားဘူးပါသည်။

ယနေ့ စင်ကာပူတွင် ဌာနချုပ်လုပ်၍လုပ်ငန်းလုပ်နေသူ၊ နိုင်ငံခြားမှလာရောက်မြှုတ်နှံသူ၊ နိုင်ငံခြားကုမ္ပဏီပေါင်း ၆၉ဝဝ ကျော်ရှိသည်။ ၎င်းတို့၏ လည်ပတ်ငွေမှာ စုစုပေါင်း အမေရိကန်ဒေါ်လာ ၁ ထရီလီယံကျော်ပါသည်။ ထိုကော်ပိုရေးရှင်းများမှ အကောက်ခွန်ရရှိငွေမှာ စုစုပေါင်းဘတ်ဂျက်၏ ၁၉ ရာခိုင်နှုန်းမျှရှိသည်။ ထိုနိုင်ငံခြားကုမ္ပဏီများ လုပ်ငန်းကိစ္စအဝဝ  အဆင် ပြေချောမွေ့စေရေးအတွက် အစပထမက အီး၊ ဒီ၊ ဘီအရာရှိများက ဝိုင်းဝန်းဆော်သြခဲ့ကြရသော်လည်း နောက်ပိုင်း ရက်ကြာ လာသည်နှင့်အမျှ သူ့စည်းကမ်းနှင့်သူဖြစ်သွားပါသည်။ ထိုနိုင်ငံ၌ သယံဇာတဟူ၍ မရှိ၊ လူတို့တီထွင်ထားကြသော စည်း ကမ်း၊ နည်းလမ်းတွေသာရှိသည်။

(၃)
မြန်မာနိုင်ငံကို နိုင်ငံခြားသားတွေဝင်လာအောင် လုပ်လိုလျှင် အစပထမတော့ စည်းကမ်းနည်းလမ်း စနစ်ကြီး၏ ချို့ယွင်းချက်၊ အားသာချက်များကိုသိထားရန်လိုပါသည်။ မိမိတို့ လိုအပ်ချက်များကို သိနိုင်ရန် စင်ကာပူတွင်လာ ရောက်ကြည့်ရှုနိုင်ပါသည်။ ကုမ္ပဏီများကို ဒီဂျစ်တယ်နည်းဖြင့် လိုအပ်သောအချက်အလက်အားလုံး ထိမ်းသိမ်းပေးပါသည်။ အခွန်အကောက်ကို e-government နည်းဖြင့်ပင် လွယ်ကူစွာပေးသွင်းနိုင်ပုံတို့ကို တွေ့နိုင်ပါသည်။ ပထမကုမ္ပဏီထောင်ကာစတွင် အစိုးရကို အခွန်ပေးစရာမလိုပါ။

အခက်အခဲပြဿနာရှိလျင်ပြေလည်အောင်ဖြေရှင်းပေးမည်ဆိုသော အချက်သည်နိုင်ငံခြားသားများအဖို့ လွန်စွာအရေးကြီး သည်။ စက်ရုံအတွက် လိုအပ်သောမြေ၊ အလုပ်သမားငှားရမ်းရေးကိစ္စ၊ သူတို့လိုအပ်သောစွမ်းအင် ဥပမာ လျှပ်စစ်လိုအပ်ချက်၊ ဆီ၊ ဒီဇယ်လိုအပ်ချက်၊ သူတို့၏လည်ပတ်ငွေကို သူတို့လိုရာထားနိုင်ရေးအတွက် ဘဏ်လုပ်ငန်းများကအစ အဆင်သင့် ဖြစ်ဖို့လိုသည်။

မြန်မာနိုင်ငံအဖို့လူဦးရေနှင့် နိုင်ငံအကျယ်အဝန်းပမာတို့ကိုကြည့်လျှင် စင်ကာပူထက်အစစ၊ အရာရာမှာသာလွန် ကောင်း နေပါသည်။ မြန်မာပြည်တွင် နိုင်ငံတကာတို့ထက်သာသော လူအရင်းအမြစ်ရှိသည်။ ပညာတတ်သော၊ ကျွမ်းကျင်သော ဝန်ထမ်းမှာ အဆင်သင့်ရနိုင်သည်။ နိုင်ငံခြားမှလာသူအတွက် အသင့်ဖြစ်နေသောဈေးကွက် လည်းရှိသည်။

အကယ်၍ နိုင်ငံခြားမှ အကူအညီကိုယူမည်ဆိုလျင်လည်း ကုလသမဂ္ဂမှာ အကူအညီတောင်းသင့်သော အဖွဲ့အစည်းဖြစ် သည်။ ကုလသမဂ္ဂမှ ကျွမ်းကျင်သူလွှတ်၍ နိုင်ငံအခြေအနေနှင့် ကိုက်ညီသည်များကိုရှာဖွေ တွေ့ရှိနိုင်သည်။ စင်ကာပူ ဥပမာတွင် ကုလသမဂ္ဂမှလွှတ်လိုက်သော မစ္စတာ ဝင်စီးမီးယပ်မှာ စင်ကာပူဝန်ကြီးချုပ်နှင့် အဆင်ပြေသည်။ ပထမ ရက်ရှည် လများနေသွားပြီး နောက်လများတွင် ၂ လတကြိမ် ၃ လတကြိမ်  အချိန်မှန်မှန် လည်ပတ်သည်။ ဌာနပေါင်းစုံမှဝန်ကြီးများနှင့် စကားပြောပြီးဝန်ကြီးချုပ်ထံ ရီပို့တင်သည်။ ဤနည်းဖြင့် စင်ကာပူနှင့်နိုင်ငံတကာ ဆက်ဆံရေး ကိစ္စများ၊ ကုန်သွယ်ရေးကိစ္စများ ကို ဆွေးနွေးနိုင်သည်။

စင်ကာပူနိုင်ငံ ပေါင်၊ စတာလင်ဇုံမှထွက်ရေးကိစ္စ၊ ဖိလစ် (Phillips) ကုမ္ပဏီလာရောက်ရေးကိစ္စတို့တွင် မစ္စတာ ဝင်စီမီးယပ် ၏အကူအညီပါသည်ဟု အဆိုရှိသည်။

ယခုအခါ အင်တာနက်အကူအညီဖြင့်လည်းကောင်း အခြားသောဆက်သွယ်ရေးဆိုင်ရာနည်းလမ်းများဖြင့်လည်းကောင်း နိုင်ငံခြားနှင့်ဆက်သွယ်ရေးမှာ လွယ်ကူလာပါပြီ။ ဘယ်နိုင်ငံက ဘယ်နည်းကိုသုံးသည်ဆိုသည်မှာ နမူနာအတုယူနိုင်ခြင်း သည်။ ယခုခေတ်သစ်ဝယ် တိုးတတ်အောင်လုပ်ဖို့အတွက် အားသာချက်တရပ်ဖြစ်သည်။ ယနေ့ခေတ်တွင် ဘာပဲ သိချင် သိချင် အင်တာနက်မှာရှာဖွေရုံနှင့် ရနိုင်နေပါပြီ။

စင်ကာပူသည်မဝေးပါ။ ဖွံ့ဖြိုးတိုးတက်သောနိုင်ငံဖြစ်မြောက်ရေးအတွက် လုပ်ငန်းအဆင့်ဆင့်ကို လာရောက်ကြည့်ရှုနိုင်ပါ သည်။

ကိုသန်းလွင်
Voice Journal 26 November 2018


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags:

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကိုသန်းလွင်, ရသဆောင်းပါးစုံ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)