ကိုသန်းလွင် ● ဒီဂျစ်တယ်ခေတ် အစိုးရနှင့်ပြည်သူ

February 11, 2019

ကိုသန်းလွင် ● ဒီဂျစ်တယ်ခေတ် အစိုးရနှင့်ပြည်သူ
(မိုးမခ) ဖေဖော်ဝါရီ ၁၁၊ ၂ဝ၁၉

(၁)
နှစ်ပေါင်း ၅ဝ ကာလအတွင်းမှာပင် ဒီဂျစ်တယ်ကမ္ဘာသည် လူ့အဖွဲ့အစည်းအတွင်းမှာ မရှိမဖြစ်သည့် အရာတစ် ခုဖြစ်လာခဲ့ပါ သည်။ ဤတော်လှန်ရေး၏ ဖွံ့ဖြိုးတိုးတက်လာမှုမှာ မြန်ဆန်လွန်းပါသည်။ သတင်းများကို လူအများ လက်ဝယ်သို့ရောက်အောင် ဖြန့်ချီရာတွင် အင်တာနက်လောက်မြန်ဆန်သည့်အရာမရှိသေးပါ။ ပြောင်းလဲမှုသည် အဘယ်မျှကြာဦးမည်မသိ။ ဘယ်သောအခါမှပြီးဆုံးမည်ဟုလည်းမသိဖြစ်နေပါသည်။
(၂)
မက်ဆာချူးဆက် မော်တော်ကားများ မှတ်ပုံတင်ရာ ဌာနမှ စိတ်ဆိုးနေသော၊ စိတ်ပျက်လက်ပျက်ဖြစ်နေသော လူများနှင့်ပြည့် နေပါသည်။ သူတို့သည် လိုင်စင်အသစ်ရဘို့ တန်းစီပြီး စောင့်နေကြရသည်မှာ ၅ နာရီခန့်ရှိပါပြီ။ အချိန်မှာ ၂ဝ၁၈ ခု မတ်လ ကဖြစ်ပြီး ရုံးမှာ ဆော့ဖ်ဝဲယားအသစ်ကို စတင်အသုံးပြုနေချိန်ဖြစ်ပါသည်၊ ပိုမိုတင်း ကြပ်သော စည်းကမ်းနည်းလမ်းများဖြင့် (Real ID Act) ကိုလိုက်နာပြီး ကားမောင်းသူတို့၏ အမည်မှန်ကန်ရေး၊ သူတို့၏ ဒေတာလုံခြုံမှုရှိရေးတို့ကို ဆော့ဖ်ဝဲယား အသစ်က အာမခံပါသည်။

ကားမောင်းသူများသည် ရုံးသို့ သူတို့နှင့်သက်ဆိုင်သော စာချုပ် စာတမ်းယူဆောင်လာရန် လိုအပ်ပါသည်၊ ဤ စာရွက်စာတမ်း များမှာ သူတို့ဘယ်သူဘယ်ဝါဖြစ်ကြောင်း သက်သေပြနိုင်ရန်၊ သူတို့၏ အိမ်နေရာထိုင်ခင်း သက်သေပြစရာ၊ Social Security ကဒ်၊ ပါတ် (စ်) ပို့ (သို့) လူဝင်မှုကြီးကြပ်ရေးဌာနကထုတ် ပေးသောစာ၊ မကြာခင်ကမှ မီး၊ ရေနှင့်ပါတ်သတ်သော ပြေစာ၊ ဘဏ်မှငွေစာရင်း တို့ဖြစ်ပါသည်။ သူတို့၏ စာရွက်စာတမ်းများကို စစ် ဆေးနေသည်နှင့် လိုင်စစ်အသစ်ထုတ်ပေးခြင်း ကိစ္စတို့မှာ အချိန်ယူရပါသည်။ ဤနည်းဖြင့်ကြန့်ကြာနေခြင်းမှာမှာ ရက်သတ္တပတ်ပေါင်းများစွာမျှ ကြာသွားပါသည်။ အခြား မြို့များတွင်လည်း ဤသို့ပင်ကြန့်ကြာမှုများ ဖြစ်ပေါ်ရပါသည်။

စောင့်ဆိုင်းနေကြရသော လူတန်းရှည်များ၊ ပျက်စီးနေသော ဒေတာများနှင့် စာရွက်ဆိုင်ရာရှုတ်ထွေးမှု များမှာ အစိုးရများအဖို့ ရှောင်ရှားကြရမည့်အရာများ ဖြစ်ပါသည်။ ပြည်သူများက အစိုးရနှင့် အလုပ်လုပ်သည် ဆိုခြင်းမှာ အင်တာနက်တွင်စာအုပ်ဝယ်ခြင်းလောက်လွယ်ကူရမည်ဟု ပြောကြပါသည်။ ဒီဂျစ်တယ်အစိုးရ e-government ဆိုသည်မှာ ပြည်သူနှင့်အစိုးရဗျူရိုကရေစီအကြား အလုပ်လုပ်ရာတွင် အဆင်ပြေပြေဖြစ်ရန်နည်းလမ်းများကို ဆိုလိုသည်။ ပိုမို၍ မြန်ဆန်ပြီး ထို့အတွက်ငွေကြေးကိုသုံးစွဲရန်မလိုပါ၊ အစိုးရကို ပိုမို၍ကြည်ကြည်လင်လင် မြင်နိုင်ပြီး ပြည်သူတို့ကို အစိုးရကသုံးသော ဒေတာများကို ပိုမို သုံးစွဲခွင့်ရရှိစေပါမည်။ အစိုးရ၏ လုပ်နည်းများတွင် ပိုမို နက်နက် ရိုင်းရိုင်း ဝင်ပြီး အလုပ်လုပ်နိုင်ပါမည်။ အေအိုင် AI ခေါ် Aritificial Intelligenceနှင့် ရောပေါင်းပေးပါက ပြစ်မူကျူးလွန်သူနှင့် အကြမ်းဖက်သူ (Terrorist) တို့ကိုတိုက်ဖျက်ပစ်နိုင်ရ ပါမည်။ စီးပွားရေးဆိုင်ရာဆုံးဖြတ်ချက်များကို ပြုလုပ်နိုင်ပြီး အပြည်ပြည်ဆိုင်ရာနှင့် အလုပ်လုပ်ရာတွင် ပိုမိုလွယ်ကူစေရပါ မည်။

အထက်ပါတို့ကို အချို့နိုင်ငံများတွင် လုပ်ကိုင်နိုင်ကြပါပြီ။ သို့သော် မေးစရာကျန်ရှိနေသည်မှာ အစိုးရအလုပ်လုပ်ပုံများကို မည်သို့ပုံစံပြောင်းလဲဖြစ်ပြီး သုံးစွဲသူတို့၏ ပုဂ္ဂိုလ်ရေးဆိုင်ရာ အချက်အလက်ကို လျှို့ဝှက်ထားရပါမည်။ တဖြည်းဖြည်း တိုး တက်ပြောင်းလဲလာသော အတတ်ပညာများကို အဆင်ပြေစွာ အသုံးချနိုင်ရပါမည်။

လူထု၏ အစိုးရ ဝန်ဆောင်မှုများအပေါ် မျှော်လင့်ထားကြသည်မှာ သူတို့၏ အခြားတွေ့နေရသော ဒီဂျစ်တယ် ဆားဗစ်များ နည်းတူ လွယ်လွယ်ကူကူလုပ်နိုင်ရမည်ဖြစ်သည်။ အပြင်မှာ စာအုပ်တစ်အုပ်ဝယ်ခြမ်းရ လွယ်သလို လွယ်ရမည်ဖြစ်သည်။ အကယ်၍ ထိုသို့မတူညီပါက လူထု၏အစိုးရအပေါ်အမြင်များပြောင်းလဲသွားပေလိမ့်မည်။

အက်စတိုနီးယား (Estonia) မှာ e-government ၏အကောင်းဆုံးပုံစံ ကို တွေ့နိုင်ကြပါသည်။ ပြည်သူလူထု သည် သူတို့၏ အကောက်ခွန်ကို အင်တာနက်မှတင်ပြနိုင်သည်။  ရွေးကောက်ပွဲများတွင်လည်း အီလက်ရောနစ်နည်းနှင့် မဲပေးနိုင်ပြီး က လေးမွေးလျင်၊ ကုမ္ပဏီသစ်ကို မှတ်ပုံတင်လျင်လည်း အွန်လိုင်းမှတဆင့် မှတ်ပုံတင်နိုင်ကြပါသည်။
အိမ်ဝယ်ခြင်း၊ လက်ထပ်ခြင်း ကိစ္စများမှလွဲ၍တခြားကိစ္စအားလုံးကို အင်တာနက်အဆက်အသွယ်ရှိပါက ဆောင် ရွက်၍ရ သည်။ သူတို့၏ အိုင်ဒီ (Encrypted State ID) ဖြင့် အစိုးရဝက်ဆိုက်များ ဘဏ်အကောင့်များနှင့် ဆက်ထားသည်။ ထူးခြား သည်မှာ နိုင်ငံမှအီလက်ရောနစ် နေထိုင်ခွင့်ကို စီစဉ်ပေးသည်၊ ကမ္ဘာကြီး၏ မည်သည့်နေရာ မှ လူကိုမဆို အဖိုးအခကြေး ငွေယူ၍ အိုင်ဒီကိုယူရသည်။ ထို့နောက်မှ အလုပ်အကိုင်အတွက် နိုင်ငံတွင် နေထိုင်ခွင့်ကို လျှောက်ထားယူရသည်။ လူပေါင်း ၄၆,ဝဝဝ ကျော်ကို ဤနည်းဖြင့် နေထိုင်ခွင့်ကို ထုတ်ပေးထားသည်။ နိုင်ငံတွင် တရားဝင်နေထိုင်သူပေါင်း၏ ၃% ခန့်ရှိပါ သည်။

တခြားနိုင်ငံများမှာလည်း ဒီဂျစ်တယ်နှင့်အလုပ်လုပ်ကိုင်မူကို အားပေးလျက်ရှိသည်။ ကုလသမဂ္ဂ (Department of Economic and Social affairs) က၂ဝ၁၈ ခုနှစ်အတွက်ဒိန်းမတ်နိုင်ငံသည်ပြည်သူတို့အတွက် အင်တာနက် ဆားဗစ်ကို အကောင်းဆုံး ပေးနိုင်သောနိုင်ငံဖြစ်သည်ဟု ဆိုသည်။ ဒိန်းမတ်နောက် သြစတြေးလျ၊ တောင်ကိုရီးယားနှင့် အင်္ဂလန်တို့ဖြစ် သည်။ အမေရိကားမှာ နံပါတ် ၁၁ ချိတ်ပြီး ဂျပန်ထက်နောက်ကျသည်။ အင်တာနက် ဆားဗစ်အားနည်းသော နိုင်ငံများမှာ အာဖရိကနိုင်ငံများဖြစ်ပြီး၊ အချို့နေရာများတွင် လျှပ်စစ်ဓာတ်ပင်ချို့တဲ့နေသည်။

အီးအစိုးရလုပ်ငန်းမှာ အစိုးရဗျူရိုကရေစီ ယန္တရားကို စိတ်ပျက်လက်ပျက်ဖြစ်နေသော ပြည်သူများအတွက် ဖြစ် ပါသည်။ ထိုလုပ်ငန်းများက အစိုးရ လုပ်ပေးနိုင်သော လုပ်ငန်းများကို လွယ်ကူစွာလုပ်ပေးခြင်းဖြင့်အကုန် အကျ သက်သာရန်လည်း ရည်ရွယ်ပါသည်။ ၂ဝ၁၂ ခုနှစ်ကစ၍  www.gov.uk  အစိုးရဝက်ဆိုက်ကို ပြင်ဆင်လာခဲ့သော အင်္ဂလန်အစိုးရက အစိုးရ ဝန်ကြီးဌာန ၂၅ ခု နှင့်အခြားပြည်သူတို့၏အလုပ်နှင့်ဆိုင်သော အေဂျင်စီ ၃၈၅ ခုကိုစုပေါင်းပြီး ပထမ ၃ နှစ်တာအတွင်း အ ကောက်ခွန်ပေးနေသော ပြည်သူတို့အတွက် ဒေါ်လာ ၄.၇ ဘီလီယံမျှ သက်သာစေခဲ့သည်။

အစိုးရ၏ ဝက်ဆိုက်သည် အစိုးရက ကောက်ယူရသမျှ အချက်အလက်များ ဥပမာ ပြစ်မှုဖြစ်ပွားနှုန်း၊ ပညာရေး နှင့် ပတ်သတ်၍ သုံးငွေ စသဖြင့် ပြည်သူနှင့် အစိုးရဝန်ထမ်းအားလုံးတို့ကိုအသိပေးမည် ဖြစ်သည်။ ဤနည်းဖြင့် ပြည်သူတို့၏ အစိုးရ၏ အလုပ်လုပ်ပုံကို သိနိုင်သည့် နည်းတူ အရေးကြီးသော ဒေတာများကိုလည်း လေ့လာခွင့် ရရှိနိုင်မည်ဖြစ်သည်။

ပြည်သူတို့က သိလိုသမျှ အွန်လိုင်း Database မှ တိုက်ရိုက် ထုတ်ယူနိုင်ကြပြီး အစိုးရ၏ ဝန်ထမ်းများက ရီပို့ပေးသည်ကို စောင့်စရာမလိုဟုဆိုသည်။ ဥပမာကျောင်းတစ်ကျောင်းတွင်အသုံးပြုသော ပိုက်ဆံကို အင်တာနက်မှာ ရှာဖွေနိုင်မည့်နည်း တူ အကောင်းဆုံးကျောင်းမှာ ဘယ်ကျောင်းဆိုသည်ကိုလည်း ရှာဖွေတွေ့ရှိနိုင် ကြမည် ဖြစ်သည်။

ထိုဒေတာများ အေအိုင်ကိုရောပေါင်းပေးနိုင်လျှင် ပြည်သူတို့၏ အကြံပြုလွှာများနှင့် ပတ်သတ်၍ပိုမိုမြန်ဆန် စွာ အရေးယူ ဆောင်ရွက်ပေးနိုင်သည်။ ဥပမာလမ်းများကျိုးပေါက်ပျက်စီးနေသည်ကို ပြည်သူများကအသိပေးပါလျင်  ပြင်ဆင်သည့် ကား နှင့် အဖွဲ့ကိုလွှတ်ရန်အတွက် မည်သည့်လမ်းကဝင်၍ မည်သည့်လမ်းမှထွက်ရမည်ကို တခါတည်းသိနိုင်မည်ဖြစ်သည်။ မြို့တမြို့ တွင်လူမနေဘဲ ကွက်လပ်ဖြစ်နေသည့်နေရာများက အကောက်ခွန်မရဘဲ ရှိနေခြင်းကိုမည်သို့ အကောင်း ဆုံးပြု လုပ်နိုင်မည်ကို ဆော့ဖ်ဝဲယားက အဖြေထုတ်ပေးနိုင်မည် ဖြစ်သည်။

ပြည်သူတို့၏ အကောက်ခွန်၊ အလုပ်အကိုင်နှင့် ကျန်းမာရေးတို့ကို ရှာဖွေရန်လွယ်ကူသော နေရာတခုတည်းတွင် ထားပါက ဟက်ကာ (Hacker) များ၏အန္တရာယ်ရှိနိုင်သည်။ မိမိ၏ ရည်ရွယ်ချက် တခုအတွက် အသုံးပြုလိုသူများအတွက် ရတနာအိုး သဖွယ် ဖြစ်သွားနိုင်သည်။ ၂ဝ၁၇ ခုနှစ်ကအက်စတိုနီးယားနိုင်ငံတွင် အိုင်ဒီကဒ်တွင် ထည့်ပေးလိုက်သော ချစ်ပ် (Chip) တွင် ချိုယွင်းချက် ရှိနေသဖြင့် ထို ဟက်ကာ များ၏ရန်မှ ကာကွယ်ရန် ဆော့ဝဲလ်ယားများကို ပြင်ဆင်ပေးရသည်။ နိုင်ငံ၏ ရဲတပ်ဖွဲ့နှင့် ဘော်ဒါရှိတွင် ကြီးကြပ်နေသူများကို ဤကိစ္စမျိုး၏မှာ နောက်ဆုံးမဟုတ်ကြောင်း၊ နောင်တွင်လည်းဖြစ်နေဦးမည်သာဖြစ်ကြောင်းအသိပေးထားရသည်။

တချို့ကလည်း လူပုဂ္ဂိုလ်ဆိုင်ရာ ဒေတာများနှင့်အခြားအကောက်ခွန်ဆိုင်ရာ စသည်တို့ကို ခွဲခြား (Segregate) ထားသင့် သည်။ ထိုအခါ ဟက်လုပ်သူတို့အနေဖြင့်အကောင့်၏ အချက်အလက်အားလုံးကို တဆင့်တည်းမရရှိ နိုင်တော့ပေ။ မည်သို့ ဖြစ်စေ အစိုးရ၏ Database ဆိုသည်မှာ ပြည်သူတို့ကို တနေရာတည်းမှာ မိမိနှင့်သက်ဆိုင်သော အချက်အလက်များကို ရှာဖွေရန်ဖြစ်သည်။

ကွန်ပျူတာ နည်းပညာများသည် ယခုခေတ် ဒေတာကို Encrypt လုပ်ထားနိုင်သည်၊ တခုသော နည်းလမ်းမှာ အချက်အလက် ကို ကြည့်နိုင်ကြပါသော်လည်း ထိုဒေတာသည် ဘယ်ကလာသည် ဆိုသည်ကို သိခွင့်မပေး။ ထို့ကြောင့် လူပုဂ္ဂိုလ် တယောက်သည် ဒေတာများကို ကြည့်နိုင်သည်။ သို့သော် ထိုဒေတာများ၏ မူလပိုင်ရှင် အစစ်အမှန်ကို မသိနိုင်ပေ။ ဥပမာ ကိစ္စတခုနှင့်ပတ်သတ်၍ ဆုကြေးရလိုက်သည်ဟု လူတစုက တောင်းဆိုလျင် တောင်းဆိုသူများ၏ အချက်အလက်များကို ရှာဖွေနိုင်သည်။ သို့သော် ထိုတောင်းဆိုသူများ မည်သူဖြစ်သည်ကို မသိရပေ။

(၃)
ထို့ကြောင့် အီး-အစိုးရဆိုသည်မှာပြည်သူတို့အစိုးရနှင့် ဆက်ဆံရာတွင်အဆင်ပြေရေး သက်သက်ချည်းမဟုတ်ပေ။ ဗျူရိုကရေစီနှင့်အဖွဲ့အစည်းကြီးများကို ပြုပြင်သင့်သည် များကို ပြုပြင်ပေးပြီး အခြေခံကစ၍ဆားဗစ် များကို ပြောင်းလဲရန်ဖြစ်သည်။ ဒီဂျစ်တယ်နည်းလမ်းများသည် ပြည်သူနှင့် အစိုးရဆက်ဆံရေးကို ပြောင်းလဲနိုင်သည့်နည်းလမ်းများသာမကဘဲ အစိုးရကို လုပ်နည်း လုပ်ဟန်များကို ပြုပြင်ပေးရန်ပင်ဖြစ်သည်။

ကိုသန်းလွင်
Ref: Digital Citizen by Neil Savage Nature29 November 2018

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ကိုသန်းလွင်, ရသဆောင်းပါးစုံ

Comments are closed.

ကြော်ငြာ … ကြော်ငြာ …

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags