မာန်သီဟထွန်း – ဆေပီယန်စ်၊ အပိုင်း (၁၅) – အကန့်အသတ်များကို ကျော်လွန်ခြင်း

February 15, 2019

 

မာန်သီဟထွန်း – ဆေပီယန်စ်၊ အပိုင်း (၁၅) – အကန့်အသတ်များကို ကျော်လွန်ခြင်း

Sapiens – A Brief History of Humankind by Yuval Noah Harari

(မိုးမခ) ဖေဖော်ဝါရီ ၁၅၊ ၂၀၁၉

စာရေးသူ၏ ဖေ့စ်ဘွတ်မှ ခွင့်ပြုချက်ဖြင့် ကူးယူဖော်ပြပါသည်။

အခြားဥပမာတစ်ခုက ပစိဖိတ်သမုဒ္ဒရာတောင်ပိုင်းက လာပါတယ်။ နယူးအိုင်ယာလန်ကျွန်းနှင့် နယူး ဂီနီယာမြောက်ပိုင်းမှာ နေထိုင်ခဲ့တဲ့ ဆေပီယန်စ်အုပ်စုတွေဟာ အောဘ်ဆီဒီယန် လို့ခေါ်တဲ့ မီးသင့်ကျောက်တစ်မျိုးကို အသုံးပြုပြီး ပိုမိုခိုင်ခံ့ချွှန်ထက်တဲ့ လက်နက်ကိရိယာတွေ ထုလုပ်ခဲ့ကြတယ်။ ဒါပေမယ့် နယူးအိုက်ယာလန်ကျွန်းမှာ သဘာဝအားဖြင့် မီးသင့်ကျောက်တွေ မတွေ့ရပါဘူး။ ဓာတ်ခွဲခန်းစမ်းသပ်မှုတွေအရ သူတို့အသုံးပြုခဲ့တဲ့ မီးသင့်ကျောက်တွေကို ကီလိုမီတာ ၄၀၀ ခန့်ဝေးတဲ့ ဗြိတိန်ကျွန်းသစ်ကနေ ယူဆောင်လာတာဖြစ်တယ်ဆိုတာ တွေ့ရတယ်။ နယူးအိုင်ယာလန်ကျွန်းမှာ နေထိုင်တဲ့ဆေပီယန်စ်တစ်ချို့စာ ရေကြောင်းသွားလာကျွမ်းကျင်သူတွေ ဖြစ်ပြီး အလှမ်းကွာဝေးတဲ့ကျွန်းတစ်ခုကနေ တစ်ခုကို ကုန်သွယ်မှုပြုခဲ့ကြပါတယ်။

ကုန်သွယ်မှုပြုတယ်ဆိုတာ အလွန်တရာလက်တွေ့ကျတဲ့အလုပ်ဖြစ်လို့ အခြေခံကျကျ စဉ်းစားဖို့ ဘာမှမလိုအပ်ဘူးလို့ ထင်စရာပါ။ ဒါပေမယ့်လည်း ဆေပီယန်စ်တွေကလွဲလို့ တခြားဘယ်တိရိစ္ဆာန်မှ ကုန်သွယ်ခြင်းအမှုကို မပြုကြပါဘူး။ ဒါ့အပြင် ကျွန်တော်တို့မှာ အသေးစိတ်အထောက်အထားတွေရှိတဲ့ ဆေပီယန်စ်တို့ရဲ့ ကုန်သွယ်မှုကွန်ရက်အားလုံးဟာ စိတ်ကူးယဉ်မှုမှာ အခြေခံထားခြင်းဖြစ်တယ်။ တစ်ဦးကိုတစ်ဦး ယုံကြည်မှုမရှိဘဲ ကုန်သွယ်မှုဆိုတာ မဖြစ်နိုင်ပါဘူး။ တစိမ်းတရံတွေကို ယုံကြည်ဖို့ဆိုတာလည်း အလွန်ခက်ခဲတဲ့အရာဖြစ်ပါတယ်။ ဒီနေ့ခေတ် ကမ္ဘာ့ကုန်သွယ်ရေးကွန်ရက်ကြီးဟာ ကျွန်တော်တို့ စိတ်ကူးယဉ်ထားတဲ့၊ သီးခြားတည်ရှိတဲ့အရာတွေဖြစ်တဲ့ ဒေါ်လာ၊ အစိုးရဖက်ဒရယ်ဘဏ်၊ ကော်ပိုရေးရှင်းကြီးတွေရဲ့ ကုန်သွယ်မှုအမှတ်တံဆိပ် စတဲ့အရာတွေအပေါ် ကျွန်တော်တို့ရဲ့ ယုံကြည်မှုကို အခြေခံပါတယ်။ မျိုးနွယ်စုအသိုင်းအဝိုင်းတစ်ခုမှာ တစိမ်း၂ယောက် ကုန်သွယ်မှုပြုကြမယ်ဆိုရင် တူညီတဲ့ နတ်ဘုရား၊ ရှေးဘိုးဘေးဘီဘင် သို့မဟုတ် မျိုးနွယ်စုရုပ်တုကို အတူလက်ခံယုံကြည်ကြရင်းသာ အချင်းချင်းယုံကြည်မှုကို တည်ဆောက်ကြပါတယ်။

ခုလိုမျိုး စိတ်ကူးယဉ်မှုကို လက်ခံယုံကြည်နိုင်တဲ့ ရှေးဦးဆေပီယန်စ်တွေ ပင်လယ်ခရုခွံတွေ၊ မီးသင့်ကျောက်တွေကို ကုန်သွယ်မှုပြုနိုင်ခဲ့ကြတယ်ဆိုရင် သူတို့ဟာ သတင်းအချက်အလက်တွေကိုလည်း အချင်းချင်းအကြားကုန်သွယ်မှုပြုခဲ့ကြမယ်လို့ ကျိုးကြောင်းဆင်ခြင်လို့ရပါတယ်။ ဒါကြောင့်ပဲ နီယန်ဒါသာလ်နှင့် အခြားရှေးဦးလူသားတွေမှာရှိတာထက် အလွန်တရာ ပိုမိုကြီးမားကျယ်ပြန့်တဲ့ အသိပညာကွန်ရက်ကြီးကို ဆေပီယန်စ်တုိ့ ဖန်တီးခဲ့ကြမှာပါ။


အမဲလိုက်ကြတဲ့ပုံစံကလည်း သူတို့ကြားမှာရှိတဲ့ ခြားနားမှုကို ဖော်ပြနေပါတယ်။ နီယန်ဒါသာလ်တွေဟာ တစ်ဦးတည်း သို့မဟုတ် အုပ်စုငယ်တွေနဲ့သာ အမဲလိုက်ကြတယ်။ အခြားတစ်ဘက်မှာတော့ ဆေပီယန်စ်တွေဟာ ဒါဇင်ပေါင်းများစွာပါတဲ့အဖွဲ့ဝင်တွေပေါ် အခြေခံပူးပေါင်းဆောင်ရွက်တဲ့ နည်းလမ်းသစ်တွေ ကြံဆတိုးတက်အောင်လုပ်ဆောင်လာခဲ့ကြတယ်။ ဒါ့အပြင် ကွဲပြားတဲ့ဆေပီယန်စ်မျိုးနွယ်စုတွေးအချင်းချင်းပူးပေါင်းပြီး အမဲလိုက်ခဲ့ကြတာမျိုး ရှိကောင်းရှိခဲ့ မှာပါ။ အလွန်ထိရောက်တဲ့ အမဲလိုက်နည်းလမ်းတစ်ခုကတော့ တိရိစ္ဆာန်အုပ်ကြီးတစ်ခုလုံး ဥပမာ မြင်းရိုင်းအုပ်ကြီးတစ်အုပ်ကို ကျဉ်းမြောင်းတဲ့လျှိုစောက်တစ်ခုထဲကို အရင်မောင်းသွင်းပါတယ်။ ပြီးမှ အများနဲ့ဝိုင်းပြီး အမဲလိုက်သတ်ဖြတ်ရတာ လွယ်ကူပါတယ်။ အကယ်လို့ စီစဉ်ထားသည့်အတိုင်း အားလုံးကွက်တိဖြစ်တယ်ဆိုရင် အဲဒီမျိုးနွယ်စုတွေအနေနဲ့ တန်ချိန်ပေါင်းများစွာသော အသားတွေ၊ အဆီတွေ၊ သားရေတွေကို တနေ့ခင်းတည်းမှာပဲ လူအများစုပေါင်းလုပ်ကိုင်ခြင်းဖြင့် ရရှိနိုင်ပါတယ်။ ပြီးတော့လည်း ရရှိလာတဲ့ဒီစည်းစိမ်တွေကို အများဝိုင်းဖွဲ့စားသောက်ပွဲကြီးလုပ်တာ ဒါမှမဟုတ် နောင်ကိုစားဖို့အတွက် ကင်တာ၊ အခြောက်လှန်းတာ၊ အာတိတ်ဒေသတွေမှာတော့ အအေးခံထားတာ စတာတွေ လုပ်နိုင်ပါတယ်။ ရှေးဟောင်းသုတေသနပညာရှင်တွေက တိရိစ္ဆာန်အုပ်ကြီးတစ်ခုလုံးကို ဒီနည်းလမ်းအတိုင်း အမဲလိုက်သတ်ဖြတ်ခဲ့တဲ့နေရာတွေ ရှာဖွေတွေ့ရှိခဲ့ကြပါတယ်။ ဒါတင်မက ခြံစည်းရိုးတွေစိုက်ထူ၊ တံတိုင်းတွေခတ် ထောင်ချောက်အတုတွေဆင်ပြီး အမဲလိုက်ကြတဲ့ နေရာတွေကိုလည်း တွေ့ရှိခဲ့ကြတယ်။

နီယန်ဒါသာလ်တွေအနေနဲ့ သူတို့ရဲ့ရိုးရာမူလ အမဲလိုက်နယ်မြေတွေကို ဆေပီယန်စ်တွေက လိုသလိုထိန်းချုပ်ထားတဲ့ အမဲလိုက်နေရာတွေအဖြစ် ပြောင်းလဲပစ်တာကို မြင်ရတဲ့အခါ ဒေါသထွက်ကြမယ်ဆိုတာကို ကျွန်ုပ်တို့မှန်းကြည့်လို့ရပါတယ်။ သို့ပေမယ့်လည်း ဆေပီယန်စ် နှင့် နီယန်ဒါသာလ် လူသားမျိုးစိတ်၂ခုအကြား အကြမ်းဖက်မှုတွေဖြစ်ပွားခဲ့တယ်ဆိုရင် နီယန်ဒါသာလ်တွေရဲ့ ကံကြမ္မာဟာ အစောပိုင်းက မြင်းရိုင်းတွေလိုပဲ ဖြစ်မှာပါ။ ရှေးရိုးစွဲပုံစံနဲ့ တက်ကြွနိုးကြားမှုမရှိဘဲ ပူးပေါင်းလုပ်ဆောင်နေကြတဲ့ နီယန်ဒါသာလ်အယောက် ၅၀ဟာ ဘက်စုံရပြီး နိုးကြားတီထွင်တတ်တဲ့ ဆေပီယန်စ်အယောက် ၅၀၀ ကို ဘယ်လို့မှ မယှဉ်နိုင်ပါဘူး။ တကယ်လို့ ဆေပီယန်စ်တွေ ပထမအချီမှာ ရှုံးနိမ့်သွားကြတယ်ထားဦး နောက်တစ်ချီတွင် သူတုိ့အနိုင်ရမယ့် နည်းဗျူဟာတွေ အမြန်တီတွင်ကြံဆခဲ့ကြမှာပါ။

သမိုင်းနဲ့ဇီဝဗေဒ

ဆေပီယန်စ်တို့ တီထွင်ခဲ့တဲ့ အလွန်များပြားကွဲပြားတဲ့ စိတ်ကူးအရှိတရားအမျိုးမျိုးကြောင့် ကွဲပြားများပြားလှတဲ့ နေထိုင်ပြုမူမှုပုံစံအမျိုးမျိုးဖြစ်လာတယ်။ အဲဒီအရာတွေဟာ လူ့ယဉ်ကျေးမှုလို့ ကျွန်တော်တို့ခေါ်ဆိုတဲ့အရာရဲ့ အဓိကထောက်တိုင်တွေ ဖြစ်လာပါတယ်။ ယဉ်ကျေးမှုတွေ ပေါ်ပေါက်လာပြီဆိုတာနဲ့ သူတို့ဟာ အဆက်မပြတ် ပြောင်းလဲနေ၊ တိုးတက်နေတော့ပါပဲ။ အဲဒီလို မနာတမ်းပြောင်းလဲမှုအမျိုးမျိုးကို ကျွန်တော်တို့ သမိုင်းလို့ ခေါ်ကြပါတယ်။

စဉ်းစားသိမြင်ခြင်းပြောင်းလဲမှုကြီးဟာ သမိုင်းကသူ့ရဲ့လွတ်လပ်မှုကို ဇီဝဗေဒအရှိတရားဆီကနေ အချိန်အခါကိုက် ကြေငြာလိုက်တဲ့ အခါသမယပဲဖြစ်တယ်။ စဉ်းစားသိမြင်ခြင်းပြောင်းလဲမှုကြီး မဖြစ်ခင်အချိန်အထိ လူသားမျိုးစိတ်အားလုံးရဲ့လုပ်ဆောင်မှုတွေဟာ ဇီဝဗေဒရဲ့ ကန့်သတ်နယ်ပယ် အတွင်းမှာပဲ ရှိပါတယ်။ သို့မဟုတ် သမိုင်းမတင်မှီအချိန်အထိလို့ ပြောချင်ရင်လည်း ပြောလို့ရပါတယ်။ (သမိုင်းမတင်မှီအချိန် ဆိုတဲ့အသုံးအနှုန်းကို ကျွန်တော်ရှောင်လေ့ရှိတယ်။ ဘာကြောင့်လည်းဆိုတော့ အဲဒီအသုံးအနှုန်းက စဉ်းစားသိမြင်ခြင်းပြောင်းလဲမှုကြီး မဖြစ်ခင်ကတည်းက လူသားတွေဟာ အခြားသက်ရှိတိရိစ္ဆာန်များနှင့်ကွဲပြားပြီး သီးသန့်တည်ရှိနေကြပြီလို့ မှားယွင်းယူဆစေတဲ့အတွက် ဖြစ်တယ်။) စဉ်းစားသိမြင်ခြင်းပြောင်းလဲမှုကြီးဖြစ်ချိန်ကစပြီး ဟိုမိုဆေပီယန်စ်တို့ရဲ့ ဖွံဖြိုးတိုးတက်လာမှုကိုရှင်းပြတဲ့နေရာမှာ ဇီဝဗေဒသီအိုရီတွေအစား သမိုင်းဆိုင်ရာအချက်အလက်တွေက အခြေခံအချက်လက်တွေအဖြစ် အစားထိုးလိုက်ပါတယ်။ ခရစ်ယာန်ဝါဒ သို့မဟုတ် ပြင်သစ်တော်လှန်ရေး ဦးမော့လာမှု စတာတွေကို နားလည်ဖို့ မျိုးရိုးဗီဇအပြန်အလှန်ဓာတ်ပြုခြင်းတွေ၊ ဟော်မုန်းတွေ၊ သက်ရှိတွေကို နားလည်ရုံနဲ့ မလုံလောက်ပါဘူး။ အတွေးအခေါ်တွေ၊ စိတ်ကူးယဉ်မှုတွေ၊ စိတ်ကူးပုံရိပ် စတဲ့အရာတွေရဲ့ အပြန်အလှန်ဆက်စပ် အကျိုးသက်ရောက်ခြင်းကိုလည်း ထည့်သွင်းစဉ်းစားရမှာ ဖြစ်ပါတယ်။

ဒီအရာတွေကြောင့် ဟိုမိုဆေပီယန်စ်တွေ နှင့် လူ့ယဉ်ကျေးမှုဟာ ဇီဝသဘောတရားတွေဆီကနေ ကင်းလွတ်ခွင့်ရသွားတာတော့ မဟုတ်ပါဘူး။ ကျွန်တော်တို့ဟာ တိရိစ္ဆာန်တွေဖြစ်နေကြတုန်းပါ။ ကျွန်တော်တို့ရဲ့ ရုပ်ရည်ကိုယ်ထည် သွင်ပြင်၊ စိတ်ခံစားမှုနှင့် စဉ်းစားတွေးခေါ်နိုင်တဲ့ အရည်အချင်းစတဲ့အရာတွေကို ကျွန်တော်တို့ရဲ့ဒီအဲင်အေတွေက ပုံဖော်ပေးနေဆဲပါ။ ကျွန်တော်တို့ရဲ့ လူ့မှုအသိုင်းအဝိုင်းကိုတည်ဆောက်ထားတဲ့အရာတွေဟာ် နီယန်ဒါသာလ်တို့၊ ချင်ပန်ဇီတို့ရဲ့ အသိုင်းအဝိုင်းမှာရှိတဲ့ အခြေခံအုတ်မြစ်တွေနဲ့ အတူတူပါပဲ။ ဒါတင်မက ဒီလူမှုအခြေခံအုတ်မြစ်တွေဖြစ်တဲ့ စိတ်ခံစားမှုတွေ၊ အထိအတွေ့အာရုံတွေ၊ မိသားစုသံယောဇဉ်စတဲ့ အရာတွေကို ပိုလေ့လာလေလေ ကျွန်တော်တို့နဲ့လူဝံတွေကြားမှာ ကွဲပြားခြားနားမှုဆိုတာ နည်းလာလေလေဖြစ်တယ်ဆိုတာကို ကျွန်တော်တို့ တွေ့ရပါတယ်။


ဒါပေမယ့်လည်း တစ်ဦးချင်းအဆင့် သို့မဟုတ် မိသားစုတစ်ခုချင်းအဆင့်မှာ ကျွန်တော်တို့ရဲ့ကွဲပြား ခြားနားမှုကို ရှာကြည့်မယ်ဆိုရင် အမှားပဲဖြစ်မှာပါ။ တစ်ဦးဖြစ်စေ၊ ဆယ်ဦးဖြစ်စေ ကျွန်တော်တို့ဟာ ချင်ပန်ဇီတွေနဲ့ ရှက်စရာကောင်းလောက်အောင် ဆင်တူကြတာပါ။ ၁၅၀ ဟူသော စံပမာဏအရေအတွက် ကိုကျော်လွန်သွားမှသာ အလွန်သိသာတဲ့ ကွဲပြားခြားနားမှုတွေကို စတွေ့ရပါတယ်။ တစ်ဦး အရေအတွက် ၁၀၀၀၊ ၂၀၀၀ သို့ရောက်သွားရင်တော့ ခြားနားချက်တွေဟာ အလွန်တရာအံ့အားသင့်စရာ ကောင်းအောင် ခြားနားသွားပါပြီ။ တကယ်လို့ ထောင်နဲ့ချီတဲ့ချင်ပန်ဇီတွေကို တိန်အန်မင်ရင်ပြင်၊ ဝေါလ် စထရိ၊ ဗာတီကန်ရင်ပြင် သို့မဟုတ် ကုလသမဂ္ဂဗဟိုရုံးချုပ်မှာ အတူထားကြည့်ရင် ဝရုန်းသုန်းကား အုန်းအုန်းကျွက်ကျွက်ဖြစ်နေမှာပဲ။ ဒါပေမယ့် ဆေပီယန်စ်တွေကတော့ အဲဒီလိုနေရာတွေမှာ အချိန်မှန် အမြဲစုဝေးကြတာပဲ။ ဆေပီယန်စ်တွေဟာ အတူတကွပဲ စနစ်ကျတဲ့ဖွဲ့စည်းမှုတွေဖြစ်တဲ့ ကုန်သွယ်ရေးကွန်ရက်တွေ၊ ပွဲတော်ကြီးတွေ၊ နိုင်ငံရေးအသင်းအဖွဲ့တွေ ဖော်ဆောင်ကြတယ်။ ဒါတွေကို သီးသန့်တကွဲတပြားနေရင်း လုံးဝဖော်ဆောင်နိုင်မှာ မဟုတ်ပါဘူး။ ချင်ပန်ဇီတွေ နှင့် ကျွန်တော်တို့ကြား တကယ့်ကွားခြားချက်က တစ်ဦးဖြစ်စေ၊ မိသားစုလိုက်ဖြစ်စေ၊ အုပ်စုလိုက်ဖြစ်စေ များပြားလှတဲ့ပမာဏ ကိုအတူပေါင်းစည်းစေတဲ့ ‘မှော်ကော်ရည်’ ဖြစ်ပါတယ်။ ဒီမှော်ကော်ရည်ကပဲ ကျွန်တော်တို့ကို တီထွင်ဖန်တီးမှုတွေရဲ့ အရှင်သခင်ဖြစ်စေခဲ့တာပါ။

သို့ပေမယ့်လည်း ကျွန်တော်တို့မှာ တခြားစွမ်းရည်တွေ လိုအပ်ခဲ့ကြတာလည်း အမှန်ပဲ။ ဥပမာ လက်နက်ကိရိယာတွေပြုလုပ်တာ၊ အသုံးချတာ စတဲ့အရာတွေဖြစ်ပါတယ်။ လက်နက်ပြုလုပ်ခြင်း ဆိုတာကလည်း လူအများအပြားနဲ့အတူပူးပေါင်းဆောင်ရွက်နိုင်ခြင်းဆိုတဲ့ အရာနဲ့ပူးတွဲရှိမနေဘူးဆိုရင် ဘာမှကွဲပြားလှတဲ့ရလဒ်ကို မပေးပါဘူး။ ဒါဆိုရင် ကျွန်တော်တို့ဟာ လွန်ခဲ့သော နှစ် ၃၀,၀၀၀ က မီးသင့်ကျောက်သုံး သစ်သားလှံတွေကိုသာ ပိုင်ဆိုင်ရာကနေ ဘယ်လိုလုပ်ပြီး နူးကလီးယားထိပ်ဖူးတပ် တိုက်ချင်းပစ် ဒုံးကျည်တွေ ပိုင်ဆိုင်လာခဲ့ကြတာပါလဲ။ ရုပ်ကာယအားဖြင့်ကြည့်မယ်ဆိုရင် လွန်ခဲ့တဲ့နှစ်ပေါင်း ၃၀,၀၀၀ အတွင်းမှာ ကျွန်တော်တို့ရဲ့ လက်နက်ပြုလုပ်နိုင်ခြင်းစွမ်းရည် အထူးတလည်တိုးတက်ပြောင်းလဲလာခြင်း မရှိပါဘူး။ အဲလ်ဘတ်အိုင်စတိုင်း လက်ကိုအသုံးပြုတတ်တာ၊ လက်သွက်တဲ့နေရာမှာ ရှေးခေတ်က အမဲလိုက်ရှာဖွေစားသောက်သူတစ်ဦးကို လုံးဝယှဉ်နိုင်မှာ မဟုတ်ပါဘူး။ ဒါပေမယ့်လည်း ပမာဏများပြားလှတဲ့ တစိမ်းတရံတွေနဲ့ပူးပေါင်းလုပ်ဆောင်နိုင်စွမ်းမှာတော့ ကျွန်တော်တို့ အဆမတန်တိုးတက်လာခဲ့တယ်။ ရင်းနှီးတဲ့သူငယ်ချင်းတစ်ချို့ရဲ့ အကြံအဉာဏ်၊ အကူအညီနဲ့ လူတစ်ယောက်ဟာ ရှေးခေတ်မီးသင့်ကျောက်လှံတစ်ခုကို မိနစ်ပိုင်းအတွင်း ပြုလုပ်နိုင်ခဲ့မှာပါ။ ဒီနေ့ခေတ် နူးကလီးယားထိပ်ဖူးတပ် ဒုံးကျည်တစ်ခုဟာ ကမ္ဘာတဝှမ်ကသန်းပေါင်းများစွာသော တစိမ်းတရံတွေရဲ့ စုပေါင်းလုပ်ဆောင်မှုကို လိုအပ်ပါတယ်။ ဟိုး..ကမ္ဘာ့မြေအောက်ထဲက ယူရေနီယံသတ္တုရိုင်းကိုတူဖော်ကြတဲ့ မိုင်းတွင်းအလုပ်သမားတွေကအစ အဏုမြူအောက်သေးငယ်တဲ့အမှုန်တွေ အပြန်အလှန်တုံ့ပြန်မှုကိုဖော်ပြတဲ့ သချာင်္ဖော်မြူလာရှည်ကြီးတွေကို ဖော်ထုတ်ကြ ရေးသားကြတဲ့ သီအိုရီဆိုင်ရာရူပဗေဒပညာရှင်အများအဆုံး အတူစုပေါင်းလုပ်ဆောင် ကြရပါတယ်။

စဉ်းစားသိမြင်ခြင်းပြောင်းလဲမှုကြီးဖြစ်ပြီးနောက် ဇီဝဗေဒနှင့်သမိုင်းရဲ့အပြန်အလှန်ဆက်နွယ်မှုကို အတိုချုပ်ကြည့်မယ်ဆိုရင်..


(က) ဟိုမိုဆေပီယန်စ်တို့ရဲ့ စွမ်းဆောင်ရည်နှင့် အပြုအမူတွေရဲ့ အခြေခံအကန့်အသတ်ကို ဇီဝဗေဒက ချမှတ်ထားသည်။ သမိုင်းတစ်ခုလုံးဟာ ဒီဇီဝဗေဒစင်မြင့် အကန့်အသတ်အတွင်းသာ ဖြစ်ပျက်တယ်။

(ခ) သို့ပေမယ့်လည်း ဒီစင်မြင့်ဟာ အလွန်တရာပဲ ကြီးမားကျယ်ပြောလှတဲ့အတွက် ဆေပီယန်စ်တို့အနေနဲ့ ထူးဆန်းပြီးကွဲပြားတဲ့ လုပ်ဆောင်မှုတွေကို လုပ်ဆောင်ခွင့်ရလာခဲ့တယ်။ စိတ်ကူးယဉ်မှုကိုဖန်တီးနိုင်စွမ်း ရှိတာကြောင့် ဆေပီယန်စ်တို့ဟာ ပိုမို ခက်ခဲသထက်ခက်ခဲလာတဲ့ လုပ်ဆောင်မှုတွေကို လုပ်လာနိုင်တယ်။ ဒါ့အပြင် နောက်မျိုးဆက်တစ်ခုချင်းစီကလည်း ပိုတိုးတက်ကောင်းအောင် လုပ်ဆောင်လာခဲ့တယ်။

(ဂ) ရလဒ်အနေနဲ့ ဆေပီယန်စ်တွေဘယ်လိုပြုမူကြတယ်ဆိုတာကို နားလည်ဖို့ ကျွန်တော်တို့ဟာ ဆေပီယန်စ်တို့ရဲ့လုပ်ဆောင်မှုတွေ ဆင့်ကဲ့ပြောင်းလဲခြင်းသမိုင်းကို ဖော်ပြရပါမယ်။ ကျွန်တော်တို့ရဲ့ ဇီဝဗေဒအကန့်အသတ်တွေကိုသာ ဖော်ပြနေခြင်းဟာ ကမ္ဘာ့ဖလားဗိုလ်လုပွဲကိုတက်ရောက်နေတဲ့ အားကစားရေဒီယိုကြေငြာသူက ကစားကွင်းအပြင်အဆင်ကိုသာ ပရိတ်သတ်တွေကို အသေးစိတ်ပြောပြနေပြီး ဘောလုံးသမားတွေ ကစားနေကြတာကို မေ့ထားတာနဲ့ တူပါတယ်။

သမိုင်းစင်မြင့်ပေါ်မှာ ကျောက်ခေတ်ကကျွန်တော်တို့ရဲ့ ရှေးဘိုးဘွားတွေဟာ ဘယ်လိုလုပ်ဆောင်မှုတွေ ပြုလုပ်ခဲ့ကြပါသလဲ။ ကျွန်တော်တို့သိရသလောက်ကတော့ လွန်ခဲ့တဲ့နှစ်ပေါင်း ၃၀,၀၀၀က စတေတယ်ခြင်္သေ့လူကို ထွင်းထုခဲ့ကြတဲ့လူတွေဟာ အခုကျွန်တော်တို့ပိုင်ဆိုင်တဲ့ ကာယဆိုင်ရာ၊ စိတ်ခံစားမှုဆိုင်ရာနှင့် ဉာဏ်ရည်ဆိုင်ရာ အရည်းအသွေးတွေကို တူညီစွာပိုင်ဆိုင်ကြပါတယ်။ မနက်ခင်းမျာ သူတို့အိပ်ယာထလာရင် ဘာလုပ်ခဲ့ကြပါသလဲ။ မနက်စာအဖြစ် သို့မဟုတ် နေ့လယ်စာအဖြစ် ဘာစားခဲ့ ကြပါသလဲ။ သူတို့ရဲ့လူ့အသိုင်းအဝိုင်းသည် ဘယ်လိုရှိခဲ့ပါသလဲ။ သူတို့ဟာ တစ်လင်တစ်မယားစနစ်ကို ကျင့်သုံးပြီး မိသားစုငယ်တွေအဖြစ် နေထိုင်ခဲ့ကြပါသလား။ သူတို့မှာ ပွဲလမ်းသဘင်တွေ၊ လူမှုကျင့်ဝတ်တွေ၊ အားကစားပြိုင်ပွဲတွေ နှင့် ဘာသာရေးပွဲတော်တွေ ရှိခဲ့ပါသလား။ သူတို့ဟာ စစ်ပွဲတွေ ဆင်နွှဲခဲ့ကြပါသလား။ နောက်အခန်းမှာ ခေတ်အဆက်ဆက်ရဲ့ ကန့်လန့်ကာနောက်က အဖြစ်အပျက်တွေကို ကြည့်ရှုပြီး လွန်ခဲ့တဲ့ထောင်စုနှစ်က လူသားတို့ရဲ့ဘဝဟာ စဉ်းစားသိမြင်ခြင်းပြောင်းလဲမှုကြီးနှင့် စိုက်ပျိုးရေးပြောင်းလဲမှုကြီးအကြား ကွားခြားသွားပုံကို သုံးသပ်တင်ပြမှာပါ။

စကားချပ်။ ဒီနေရာကစပြီး နောက်စာမျက်နှာတွေအထိ ဆေပီယန်စ်တို့ရဲ့ ဘာသာစကားအကြောင်း ပြောတဲ့အခါ ကျွန်တော်တို့လူသားမျိုးစိတ်ရဲ့ အခြေခံဘာသာဗေဒစွမ်းရည်များကိုပဲ ကျွန်တော် ရည်ညွှန်းတာဖြစ်ပါတယ်။ အထူးသီးသန့် ဘာသာစကားတစ်ခုကို ရည်ညွှန်းတာမဟုတ်ပါဘူး။ အင်္ဂလိပ်၊ ဟင်ဒီနှင့် တရုတ်တို့ဟာ ဆေပီယန်စ်တို့ရဲ့ ကွဲပြားတဲ့ဘာသာစကားအမျိုးမျိုး ဖြစ်ပါတယ်။ သိသာထင်ရှားတာကတော့ စဉ်းစားသိမြင်ခြင်းပြောင်းလဲမှုကြီးဖြစ် ဖြစ်ချိန်ကပဲ ဆေပီယန်စ်အုပ်စုအမျိုးမျိုးမှာ ကွဲပြားတဲ့ဘာသာ စကားအမျိုးမျိုးရှိခဲ့ပါတယ်။

ဘာသာပြန် – မာန်သီဟထွန်း

ပုံတွေကို အောက်ပါလင့်တွေကနေ ယူပါတယ်။

https://abcnews.go.com/…/tiananmen-square-29th-anniv…/story…
https://www.youtube.com/watch?v=RT5CZ32xgAo
https://auction.catawiki.com/…/5913239-flint-spearhead-from…


သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: , , , ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဘာသာပြန်ကဏ္ဍ, အခန်းဆက်များ

Comments are closed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)