လုပ်ဇာတ်သတင်း၊ အမှန်လွန်ခေတ်နဲ့ ပုံပြင်ထဲပျော်တဲ့ ကျနော်တို့လူသားတွေ (၃) နိဂုံး

March 14, 2019

လုပ်ဇာတ်သတင်း၊ အမှန်လွန်ခေတ်နဲ့ ပုံပြင်ထဲပျော်တဲ့ ကျနော်တို့လူသားတွေ (၃) နိဂုံး

ယူဗဲနိုအာဟာရာရီ၊ The Globe and Mail (စက်တင်ဘာ ၂၀၁၈)

ဘာသာပြန်သာဂိ (မိုးမခ) မတ် ၁၄၊ ၂၀၁၉

 ပကတိအမှန်တရားနဲ့ သြဇာအာဏာတို့သည် အတူတူခရီးရှည် မသွားနိုင်ကြချေ။ လက်တွဲပြီး မကြာမီပင် လမ်းခွဲကြရလေ့ ရှိပါတယ်။ သင်က သြဇာအာဏာလိုချင်ရင် တချိန်ချိန်မှာတော့ဖြင့် သင်လည်း ပုံပြင်တွေ ပြောရပေတော့မည်။ လောကကြီး၏ ပကတိအမှန်တရား အရှိတရားကို သိရှိလိုရင် သင်သည် သြဇာအာဏာကို စွန့်ပစ်မှ ဖြစ်မည်။ သင်ကိုယ်တိုင်က အမှန်အတိုင်း စတင်ဝန်ခံနေပြီဆိုပါက ဥပမာ သင်ရဲ့ သြဇာအာဏာရဲ့ ရင်းမြစ်တွေ လျိူ့ဝှက်ချက်တွေကို ထုတ်ပြောတာမျိုး လုပ်လာရင် သင်ရဲ့ မဟာမိတ်တွေကို စိတ်ဆိုးလာစေမယ်၊ သင့်နောက်လိုက်တွေကို စိတ်ပျက်သွားစေမယ်။ ပုံမှန်လည်ပတ်နေတဲ့ လှုမှုဘ၀နေသားကျနေတာတွေကို အနှောက်အယှက်ပေးလိုက်ရာ ကျသွားပါလိမ့်မယ်။ ပညာရှင်တွေဟာ သည်လိုမျိူး ဒွိဟဖြစ်ရတဲ့ အကြပ်အတည်းကို သမိုင်းတလျောက် ရင်ဆိုင်ခဲ့ကြရတယ်။ အမှန်နောက်ကို လိုက်မလား။ သြဇာအာဏာနောက်လိုက်မလား။ လူတွေကို ပုံပြင်ဒဏ္ဍာရီတခုခုဆီမှာ ယုံကြည်သက်ဝင်စေပြီး စုစည်းညီညွတ်ထားတာကိုပဲ ရွေးချယ်ကြမလား။ သို့မဟုတ် လူတွေကို အမှန်အတိုင်း ထုတ်ဖော်တင်ပြပြီးတော့ လူတွေကို တစစီ ကွဲပြားသွားစေမလား။ နိုင်ငံရေးအယူဝါဒတွေ ဘာသာရေးအယူအဆတွေ ဘယ်လောက်ကွဲပြားနေကြပါစေ အဲသည်နယ်ထဲက ထင်ရှားတဲ့ ပညာရှင်တွေအားလုံးကတော့ သူတို့တွေက လူတွေ ညီညွတ်နေရေးကို ရွေးချယ်ကြပါတယ်။ အမှန်သိသွားတာထက် ပုံပြင်ဒဏ္ဍာရီလုပ်ဇာတ်တခုခုအောက်မှာ လူတွေ စုဝေးညီညွတ်နေကြခြင်းကိုသာ ရွေးချယ်ကြပါတယ်။ ဒါကြောင့် ဒီလူတွေဟာ သြဇာအာဏာကြီးမားနေကြတာပေ့ါ။


လူမျိုးဆက်ဟာ ပင်ကိုယ်အရ အမှန်ထက် အာဏာကို ပိုအလေးသာကြပါတယ်။ ကမ္ဘာကြီးကို သိရှိနားလည်နိုင်ဖို့ ကြိုးစားကြတာထက် ကမ္ဘာကြီးကို ထိန်းချုပ်ထားနိုင်ဖို့သာ အားသန်ကြတယ်။ လောကကြီးကို နားလည်အောင် ကြိုးစားတယ်ဆိုရာမှာလဲ သူတို့က လောကကြီးကို ဘယ်လို ချယ်လှယ်ထိန်းချုပ်ထားရင် ကောင်းမလဲဆိုတဲ့ နည်းလမ်းကို တွေ့ဖို့အတွက်သက်သက် နားလည်အောင် ကြိုးစားကြတာပါ။ ကဲသည်တော့ သင်က ဒဏ္ဍာရီတွေ ယုံတမ်းစကားတွေ မပါတဲ့  လောကအဖွဲ့အစည်းမျိုး ထူထောင်ချင်တယ်ဆိုရင် သင်ဟာ လူမျိုးဆက်တွေဆီကတော့ ဒါမျိူး မျော်လင့်လို့ မရနိုင်ပါဘူး။ ချင်ပန်ဇီမျောက်တွေကို သွားပြောရင်တောင် ဖြစ်ကောင်း ဖြစ်နိုင်မယ်။


သည်လိုပြောလိုက်တော့ fake news လုပ်ဇာတ်သတင်းတွေဆိုတာ ပြသနာမဟုတ်ပါဘူးလို့ ဆိုချင်တာ မဟုတ်ပါ။ သည်လိုပြောလိုက်တော့ နိုင်ငံရေးသမားတွေ ဘာသာရေးဆရာတွေ လိမ်ချင်တိုင်း လိမ်လို့ရတယ်လို့ ခွင့်ပြုခိုင်းတာ မဟုတ်ပါဘူး။ သည်လိုဆိုရင် အရာအားလုံးက လုပ်ဇာတ်တွေချည်းပဲ၊ သည်တော့ အမှန်ကိုဖော်ထုတ်တာဟာ အကျိူးမရှိဘူး၊ ရှုံးနိမ့်မှာပဲလို့လည်း ပြောချင်တာ မဟုတ်ပါ။ ၀ါဒဖြန့်ချိရေးနဲ့ စာနယ်ဇင်းဆိုတာ ဘာမှ မကွဲပြားဘူး၊ သည်ပုပ်ထဲကသည်ပဲလို့လည်း သဘောထားရန် မဟုတ်ပါ။ လုပ်ဇာတ်သတင်းတွေ နောက်ကွယ်မှာ အချက်အလက်အမှန်တွေ ရှိနေပါတယ်။ ယူကရိမ်းမှာ ရုရှားစစ်သားတွေ တကယ်ကို စစ်တိုက်နေတယ်၊ လူတွေ ထောင်ချီပြီး တကယ်ကို သေကျေပျက်စီးနေကြတယ်။ သိန်းချီသော ပြည်သူတွေ အိုးအိမ်တွေ စွန့်ခွာပြေးနေရတယ်ဆိုတာ အမှန်ပကတိဖြစ်နေတယ်ဆိုတာတော့ သိကြပါတယ်။ (သူတို့ဘာသာ တရားသောစစ်လို့ ပြောပြော၊ ပြည်ထောင်စုကြီး ပြန်ထူထောင်တယ်ပြောပြော၊ စစ်ဖြစ်နေတာကိုတော့ ပုံဖျက်လို့ မရပါ)။


သည်အတွက်ကြောင့် fake news တွေဆိုတာကို ပုံမှန်ဖြစ်တာပဲလို့ လက်ခံလိုက်တာထက် သူတို့ရဲ့နောက်မှာ အလွန်ခက်ခဲနက်နဲတဲ့ ပြသနာတွေ ရှိနေတာကို ရိပ်မိသိရှိထားဖို့ လက်ခံထားဖို့ကို ပြောချင်တာပါ။ သည်တော့ ကျနော်တို့မှာ အမှန်နဲ့ အမှားကို ခွဲခြားနိုင်ဖို့အတွက် ပိုပြီး အားထုတ်ကြိုးပမ်းကြဖို့လိုတယ်ဆိုတာ သိကြဖို့ လိုအပ်ပါတယ်။


ပြည်စုံမှန်ကန်မှု အလုံးစုံကိုတော့ မျော်လင့်မထားကြပါနဲ့။ တကယ်တန်း ပုံပြင်ဆိုတာကတော့ လောကကြီးမှာ ဖြူစင်ခြင်းနဲ့ ဆိုးယုတ်ခြင်းဆိုတဲ့ ဘက်၂ဘက်သာ ရှိတယ်လို့ တွေးထင်ပြီး လောကကြီးရဲ့ ရှုပ်ထွေးပွေလီမှုကို ငြင်းပယ်ဖို့ ကြိုးစားနေခြင်းသာ ဖြစ်ပါတယ်။ ဒါဟာ စိတ်ကူးယဉ်ခြင်း သက်သက်ပဲ။ နိုင်ငံရေးသမားဆိုတာ ဘယ်တော့မှ အမှန်ကို အလုံးစုံ ပကတိအတိုင်း ထုတ်ပြောမှာ မဟုတ်ပါဘူး။ သို့သော် တချို့နိုင်ငံရေးသမားကတော့ တခြားနိုင်ငံရေးသမားတွေထက် ပိုပြီး ကောင်းနိုင်ပါသေးတယ်။ ချာချီနဲ့ စတာလင်ကို ယှဉ်ကြည့်လိုက်ရင် ချာချီပြောတာကို စတာလင်ပြောတာထက် ပိုပြီး ယုံကြည်နိုင်စရာ ရှိတယ်လို့ ကျနော်ကတော့ ရွေးမှာ ဖြစ်ပါတယ်။ ချာချီကိုယ်တိုင်လည်း သူ့အကျိူးကို ကြည့်ပြီး အမှန်ကို ပုံဖျက်တယ်ဆိုပေမယ့် နှိုင်းယှဉ်ချက်အရ နည်းနည်းတော့ တော်သေးတယ် မဟုတ်လား။


ဒီလိုအလားတူပဲ သတင်းစာတွေဆိုတာ ဘက်လိုက်တာ မှားတာတွေ ပါကြတာချည်းပဲ။ ခြောက်ပြစ်ကင်းတွေ မဟုတ်ကြပါဘူး။ အခြားသတင်းစာတွေက စာဖတ်သူတွေကို မှိုင်းတိုက် အပင်းသွင်းတာတွေလုပ်နေသော်လည်း တချို့သတင်းစာတွေကတော့ အမှန်ကို ရိုးရိုးသားသား ဖော်ထုတ်ဖို့ ကြိုးပမ်းနေကြတာ ရှိပါတယ်။ ၁၉၃၀ တုန်းက ထုတ်တဲ့ နယူးယောက်တိုင်းနဲ့ ပရာဒါ (ဆိုဗီယက်သတင်းစာ) ၂ ခုမှာ ကျနော်ကတော့ နယူးယောက်တိုင်းသတင်းစာပြောတာကို ပိုပြီး ယုံကြည်မှာ ဖြစ်ပါတယ်။


ကျနော်တို့အားလုံးရဲ့ အဓိကတာဝန်ကတော့ ဘယ်ရင်းမြစ်ကနေ သတင်းတွေ လာတာလဲ၊ ငါတို့ရဲ့ ဘက်လိုက်တဲ့ အစွဲက ဘာလဲဆိုတာကို အချိန်ပေးပြီး ဖော်ထုတ်ဖို့ ဆင်ခြင်ကြဖို့ သတိထားကြဖို့ ဖြစ်ပါတယ်။


ပထမဦးဆုံးပြောချင်တာကတော့ သင်ဟာ တကယ်ကို စိတ်ချရတဲ့ သတင်းအချက်အလက်လိုချင်တယ်ဆိုရင် ပိုက်ဆံပေးဖို့ မနှမြောပါနဲ့။ အလကား အခမဲ့ သတင်းဖတ်နေရတယ်ဆိုရင် သင်ကိုယ်တိုင်ဟာ ရောင်းကုန်ပစ္စည်းတခု ဖြစ်နေပြီ။ (သင့်ကို သူများထံ ရောင်းစားလိုက်ပြီလို့ ဆိုလိုတာ ဖြစ်ပါတယ်)။ အကယ်၍ သံသယဖြစ်ဖွယ်သူဌေးကြီးတဦးက သင့်ကို သည်လို ဆွယ်မယ် – “မင်းကို တလ ၃၀ ပေးမယ်၊ အဲသည်အတွက် တနေ့ ၁ နာရီ မင်းကို ငါက အပင်းသွင်းမယ်၊ ဦးနှောက်ဆေးပစ်မယ်၊ ငါ့နိုင်ငံရေးအယူအဆတွေ စီးပွားရေးသဘောထားတွေကို သွတ်သွင်းမယ် …” ။ သင် ဘယ်လိုလဲ လက်ခံလိုက်မလား။ အနည်းငယ်သော လူပြိန်းတွေကတော့ လက်သင့်ခံချင်ကြပေလိမ့်မယ်။ သည်လိုဆိုရင် အဲသည် သူဌေးကြီးကပဲ အခြားပုံစံတမျိုးနဲ့ ချည်းကပ်လာမယ်။ “မင်းကို တနေ့တနာရီ အပင်းသွင်းခွင့် မှိုင်းတိုက်ခွင့်ပေးပါ။ ဒါပေမယ့် မင်းဆီက ငါ တပြားမှ မယူဘူး၊ အခမဲ့ဆားဗစ် လုပ်ပေးမှာ” လို့ ဆိုရင်ကော။ သန်းပေါင်းများစွာသော လူတွေအတွက် သည် ဆွယ်တရားဟာ တပ်မက်လက်ခံချင်စရာကြီး ဖြစ်သွားပါတော့တယ်။ သူတို့တွေလိုမျိူးလည်း မလုပ်ပါနဲ့။  (ဖေ့စ်ဘွတ်အခမဲ့သုံးပြီး ဖေ့စ်ဘွတ်က သွတ်သွင်းနေတဲ့ ကြော်ငြာတွေ သတင်းတွေကို ကြည့်နေကြတာနဲ့ အလားတူမယ် မဟုတ်လားဗျ)။


ဒုတိယအရေးကြီးတဲ့အချက်ကတော့ အရေးကိစ္စတခုခုဟာ သင့်အတွက် တကယ်ကို အရေးပါတယ်၊ အရေးကြီးတယ်ဆိုရင် သိပ္ပံနည်းကျရေးသားထားတဲ့ စာပေဗဟုသုတတွေကို ချည်းကပ် ဖတ်ရှုပြီး လေ့လာဖို့ ဖြစ်ပါတယ်။ သိပ္ပံနည်းကျဆောင်းပါးဆိုတာ ပညာရှင်ချင်းဆန်းစစ်လက်ခံတဲ့ စာတွေ၊ လူသိများထင်ရှားတဲ့ စာအုပ်တိုက်ကြီးတွေက ထုတ်ဝေတဲ့ စာအုပ်တွေ၊ အများလေးစားတဲ့ ကျောင်းကြီးတွေက ပါမောက္ခကြီးတွေ ရေးတဲ့ စာတွေကို ဆိုလိုတာ ဖြစ်ပါတယ်။ သိပ္ပံဆိုတာကလည်း သူ့အတိုင်းအတာနဲ့ သူ ရှိပါတယ်။ အတိတ်မှာ သိပ္ပံကိုယ်တိုင်က မှားခဲ့တာတွေ အများကြီးပါပဲ။ သို့သော်လည်း ရာစုနှစ်ပေါင်းများစွာမှာတော့ဖြင့် သိပ္ပံပညာရှင်အသိုင်းအ၀ိုင်းဆိုတာ အများအားကိုးရတဲ့ ဗဟုသုတရင်းမြစ်ကြီးဖြစ်တယ်ဆိုတာကတော့ လက်ခံထားရပါလိမ့်မယ်။ အကယ်၍များ ကိစ္စတခုမှာ သိပ္ပံအသိုင်းအ၀ိုင်းက မှားနေတယ်လို့ သင်က ယူဆတယ်ဆိုကြပါစို့ – ဒါလည်း ဖြစ်နိုင်ပါတယ်၊ သို့သော်လည်း သင်က အလုံးစုံမျက်စိပိတ် ဖင်ပိတ်ပြီး ငြင်းပယ်နေတာ မဟုတ်ဘဲ သူတို့၏ သီအိုရီတခုခုကိုသာ ငြင်းနေတာဖြစ်ကြောင်း သင်ကိုယ်တိုင်လည်း သိပါတယ်။ သင်လည်း ဒါကို မှားတယ်ဆိုတာ သက်သေပြနိုင်ကြောင်း ကြိုးစားနိုင်ပါသေးတယ်။ ဟိုလူတွေက ဒဏ္ဍာရီတွေ ပုံပြင်တွေ ဘုရားသခင်တွေနဲ့ ပစ်ပေါက်ပြီး သင့်ကို ပစ်ပယ်ကြမှာ မဟုတ်ပါဘူး။


သိပ္ပံပညာရှင်တွေဘက်ကလည်း သူတို့အလုပ်သူတို့ လုပ်တဲ့နေရာမှာ လူတွေနဲ့ ပိုပြီး ပတ်သက်နိုင်အောင် လူပြိန်းဆွေးနွေးပွဲတွေမှာ ၀င်ပါဝင်ကြဖို့ လိုအပ်နေပါသေးတယ်။ လူတွေရဲ့ အငြင်းပွားမှုတွေဟာ သူတို့၏ ဆေးပညာတို့ သမိုင်းတို့ နယ်ပယ်တွေထဲအထိ ၀င်ရောက်လာရင် သူတို့သဘောထားတွေ အမြင်တွေ ထုတ်ဖော်ပြောဆို ကြားသိစေဖို့ လုပ်ကိုင်ရပါမယ်။ ရှောင်နေလို့ မဖြစ်ပါဘူး။ 


မှန်ပါတယ်။ သူတို့အလုပ်က ပညာရပ်ဆိုင်ရာသုတေသနတွေ လုပ်ဖို့၊ ရလဒ်တွေကို လူတွေမဖတ်ကြတဲ့ သိပ္ပံဂျာနယ်တွေမှာ ပုံနှိပ်ဖော်ပြကြဖို့ အရေးကြီးတယ်ဆိုတာလည်း လက်ခံပါတယ်။ သို့သော်လည်း လူပြိန်းတွေ ဖတ်တဲ့ ပေါ်ပြူလာသိပ္ပံဂျာနယ်လိုမျိူးတွေမှာ ပုံတွေ ဇာတ်လမ်းတွေနဲ့ တန်ဆာဆင်ပြီး လူတွေ နားလည်အောင် သူတို့တွေ ရေးသားကြဖို့လည်း တန်းတူ အရေးကြီးတဲ့အကြောင်း တိုက်တွန်းချင်ပါတယ်။


သည်လိုဆိုတော့ သိပ္ပံသမားတွေ သိပ္ပံပုံပြင်ဝတ္ထုတွေပါ ရေးကြရတော့မှာလားပေါ့။ အင်း ဒါလဲ မဆိုးပါဘူး။ အနုပညာဆိုတာ လူမှုအဖွဲ့အစည်းအတွက် ပုံဖော်တဲ့ဆီမှာ အရေးပါတဲ့ ကဏ္ဍတရပ် ဖြစ်ပါတယ်။ လက်ရှိ လူတွေ လိုက်မမီသေးတဲ့ အေအိုင်တို့ စက်၏သင်ယူခြင်း (maching learning)တို့၊ ဥတုရာသီပြောင်းလဲနေခြင်းတို့ ကို လူပြိန်းတွေ နားလည်လာအောင် အခုလို ၂၁ ရာစုခေတ်ကြီးထဲမှာ သိပ္ပံဝတ္ထုတွေကနေ ပြောပြရင် ကောင်းမှာပါ။ ကျနော်တို့မှာ သိပ္ပံကောင်းကောင်းကို လိုနေပြီ။ နိုင်ငံရေးထောင့်ကနေ ကြည့်ရင်တော့ သိပ္ပံစာတမ်းတွေထက်စာရင် သိပ္ပံဝတ္ထုတွေ သိပ္ပံဇာတ်လမ်းရုပ်ရှင်တွေဟာ ပိုပြီးတော့ အကျိူးရှိမှာ အလွန်သေချာနေပါတယ် ခင်ဗျား။

(ပြီးပါပြီ)

Ref: – https://www.theglobeandmail.com/opinion/article-why-some-fake-news-lasts-forever/







သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ

Related posts

Tags: ,

အလားတူ စိတ်ဝင်စားဖွယ်ရာ စာများ၊ ဆောင်းပါးများ ...:ဘာသာပြန်ကဏ္ဍ, သတင်းဆောင်းပါး, သာဂိ, အခန်းဆက်များ

စာဖတ်သူတွေရဲ့ ပြောရေးဆိုခွင့်

This site uses Akismet to reduce spam. Learn how your comment data is processed.

ကြော်ငြာ … ကြော်ငြာ …

စာအုပ်မြင် ချစ်ခင်ပါစေ

မိုးမခမှာ ကြော်ငြာပါ

Help MoeMaKa

မိုးမခ Kindel Store

မိုးမခ Kindel Store

MoeMaKa Online Store

MoeMaKa Online Store

Colorful People Memorial Place

%d bloggers like this:

မိုးမခနဲ့ ပတ်သက်သမျှ

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ

By

ဒေါက်တာခင်မောင်ဝင်း(သချာင်္)၏ Fuzzy Logic & Set Theory ဆောင်းပါးများ ထွက်ပြီ မိုးမခစာအုပ်စင်၊...

Read more »

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ

By

ဂျူနီယာဝင်း ဘာသာပြန်တဲ့ ၂၁ရာစု ဂျာနယ်လစ်ဇင် ထွက်ပြီ (မိုးမခစာအုပ်စင်) ဇန်န၀ါရီ ၃၁၊ ၂၀၁၉...

Read more »

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ်

By

အေးဝင်း(လမင်းတရာ) ၆၆ မွေးနေ့ အတွက် ကလောင်စုံရေးတဲ့ စာအုပ် (မိုးမခစာအုပ်စင်) ဒီဇင်ဘာ ၂၆၊ ၂၀၁၈...

Read more »

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ

By

ဇင်လင်း၏ စိန်ခေါ်မှုများနှင့် စစ်ခင်းသူ နဲ့ အခြားဆောင်းပါးများ ထွက်ပါပြီ မိုးမခစာအုပ်စင်၊ ဒီဇင်ဘာ ၈၊...

Read more »

သင်ကြိုက်နှစ်သက်ရာ စာကို အနည်းဆုံး ၁ ဒေါ်လာ လှူပြီး မိုးမခကို ကူညီပါ

Donate while shopping on amazon

Recent Comments

Tags

(all tags)