ပရိသတ်များ - တော်ဘုရားလေးမိသားစု၏ နေအိမ်
၂၀၀၉ ခုနှစ်က စပြီး စာပေနှင့် စာနယ်ဇင်းအဖွဲ့မှ ကွပ်ကဲ ရွေးချယ်ခြင်းမရှိသောစာပေဆုများကို ဟိုတယ်၊ ပန်းခြံ၊ ခန်းမများတွင် အခမ်းအနားဖြင့် ကျင်းပခြင်းကို စစ်အာဏာပိုင်တို့က ပိတ်ပင်ခဲ့ပြီးနောက်ပိုင်း တော်ဘုရားလေးရဲ့ နေအိမ်မှာ ကျပ်ကျပ်တည်းတည်း ကျင်းပခဲ့ရတာ ဖြစ်ပါတယ်။ စာပေစိစစ်ရေးအဖွဲ့ရဲ့ ခွင့်ပြုပြီး ထုတ်ဝေထားတဲ့ ကဗျာ၊ ၀တ္ထုစာအုပ် လုံးချင်းများကို ဆုရွေးချယ် ချီးမြှင့်ခဲ့ပေမယ့် တရားမ၀င်အခမ်းအနားတခုလို တော်ဘုရားကလေးရဲ့ စာပေဆုပေးပွဲသတင်းကို လွန်ခဲ့တဲ့ နှစ်က မဂ္ဂဇင်း ဂျာနယ်၊ စာမျက်နှာများမှာ ဖော်ပြခွင့်လည်း မရရှိခဲ့ပါဘူး။
ဒဂုန်တာရာ - ဦးဆွေ (ဒသနိက)
အမှာစကားပြောနေသူ တော်ဘုရားလေးဇနီး ဒေါ်ခင်မေ
“ကျမအနေနဲ့ ရှိတာလေးနဲ့ စီစဉ်ရတာပါ။ တော်တော် (တော်ဘုရားကလေး) ရဲ့ စာပေနဲ့ သမိုင်းကို ချစ်မြတ်နိုးတဲ့ စိတ်ကို ဂုဏ်ပြုတဲ့အနေနဲ့ စာပေဆုပေးပွဲကို ကျင်းပခဲ့တာ ၄ နှစ် ရှိပါပြီ။ ဒီနှစ်တော့ ဘယ်မှာမှ လုပ်လို့မရလို့ အိမ်မှာပဲ ဆုရတဲ့သူတွေနဲ့ သူတို့မိသားစုတွေရယ်၊ ဆုရွေးချယ်ရေးအဖွဲ့ရယ်၊ သတင်းကြားလို့ လာကြတဲ့ စာပေအသိုင်းအ၀ိုင်းက သူတွေရယ်နဲ့ လုပ်ဖြစ်ပါတယ်။ ဘယ်သူ့ကိုမှလည်း ဖိတ်စာနဲ့ မဖိတ်ဖြစ်ပါဘူး။” ဆိုပြီး တော်ဘုရားကလေး၏ဇနီး ဒေါ်ခင်မေက ဆုပေးပွဲကျင်းပဖြစ်ခဲ့ပုံကို ပြောပြပါတယ်။
စတုတ္ထအကြိမ်မြောက် တော်ဘုရားကလေးစာပေဆုပေးပွဲမှာ ကဗျာစာအုပ် (လုံးချင်း) ဆုနဲ့ ၀တ္ထုတိုစာအုပ် (လုံးချင်း) ဆုတို့ကို ရွေးချယ်ချီးမြှင့်ခဲ့ပါတယ်။
ဆရာအံ့မောင် - ဆရာ ဦးဆွေ (ဒဿနိက)
ကဗျာစာအုပ် လုံးချင်း ဆုကို “စိန်ပွင့် မြပွင့် ပတ္တမြားပွင့်” ကဗျာစာအုပ် ရေးသားခဲ့သူ စာရေးဆရာ၊ ကဗျာဆရာကြီး ဦးအံ့မောင်က ရရှိခဲ့ပြီး ၀တ္ထုတိုစာအုပ် လုံးချင်း ဆုကို “အိပ်မက်ပြဇာတ်ထဲက ဘယာနကပုစ္ဆာ ၀တ္ထုတိုများ စာအုပ်ကို ရေးသားခဲ့သူ စာရေးဆရာ ဦးဆွေ (ဒဿနိက) က ဆွတ်ခူးသွားခဲ့ပါတယ်။
ဆရာအံ့မောင် ကဗျာဖတ်နေစဉ် - ဆရာဒဂုန်တာရာ
ဆုပေးပွဲအခမ်းအနားမှာ စာရေးဆရာကဗျာဆရာကြီး ဒဂုန်တာရာက အဖွင့်အမှာစကား ပြောကြားခဲ့ပါတယ်။ ကဗျာဆုအတွက် ဆုရွေးချယ်ရေးအဖွဲ့ရဲ့ သုံးသပ်ချက်ကို ကဗျာဆရာဇော်နောင်က ဖတ်ကြားပြီး၊ ၀တ္ထုတိုဆုအတွက် ဆုရွေးချယ်ရေးအဖွဲ့ သုံးသပ်ချက်ကို စာရေးဆရာ လင်းထင်က ဖတ်ကြားခဲ့ပါတယ်။
ဆရာ ထက်မြက်၊ ဆရာ လင်းထင်
စာရေးဆရာထက်မြက်က ဆုရွေးချယ်ရေးအဖွဲ့ အနေနဲ့ အခုလိုကျင်းပရတဲ့ အခြေအနေနဲ့ ပတ်သက်ပြီး ကြွရောက်လာကြတဲ့သူများကို တောင်းပန်စကား ပြောကြားခဲ့ပြီး အခမ်းအနား အစီအစဉ်မှူးအဖြစ် မောင်လွင်မွန်(ကသာ) က ဆောင်ရွက်ခဲ့ပါတယ်။
ဆရာ မောင်လွင်မွန် (ကသာ)၊ ဆရာ ဇော်နောင်
ကဗျာဆု ရရှိသော ဆရာဦးအံ့မောင်ကို ဆရာဒဂုန်တာရာက ဆုချီးမြှင့်ပြီး ၀တ္ထုတိုဆု ရရှိတဲ့ ဦးဆွေ (ဒဿနိက) ကို တော်ဘုရားကလေး၏ ဇနီး ဒေါ်ခင်မေက ဆုချီးမြှင့် ပေးအပ်ခဲ့ပါတယ်။ ဆုလက်ခံရရှိသူများက တက်ရောက်ကြသူများကို ကျေးဇူးတင်စကား ပြောကြားခဲ့ကြပြီး ဆရာဇော်နောင်က တော်ဘုရားကလေး ဂုဏ်ပြုကဗျာကို ရွတ်ဆိုခဲ့ကာ အခမ်းအနားကို အောင်မြင်စွာ ကျင်းပနိုင်ခဲ့ကြပါတယ်။
ဆရာအံ့မောင်၏ ကဗျာလက်ရေးမူ
ဆရာဇော်နောင်၏ ကဗျာ
